Odisha Janamata : ପୋଲସରା ଓକିଲ ସଙ୍ଘ ତରଫରୁ ମଧୁ ବାବୁ ଜୟନ୍ତୀ ପାଳିତ |

ପୋଲସରା ଓକିଲ ସଙ୍ଘ ତରଫରୁ ମଧୁ ବାବୁ ଜୟନ୍ତୀ ପାଳିତ |

28-Apr-2025

ପୋଲସରା ଓକିଲ ସଂଘ ପକ୍ଷରୁ ମଧୁବାବୁ ଜୟନ୍ତୀ ପାଳନ।,

ଓଡିଶା ଜନ ମତ, ପୋଲସରା, ସସନ୍ତୋଷ କକୁମାର ପଣ୍ଡା,
ତା.୨୮/୦୪/୨୦୨୫:

ଆଜି ସମଗ୍ର ରାଜ୍ୟରେ କୁଳବୃଦ୍ଧ ଭାବେ ପରିଚିତ ମଧୁବାବୁଙ୍କ ଜୟନ୍ତୀ ପାଳିତ ହୋଇଯାଇଛି। ଏହି କ୍ରମରେ ଗଞ୍ଜାମ ଜିଲ୍ଲା ପୋଲସରା ସ୍ଥିତ ପୋଲସରା ଓକିଲ ସଂଘ ତରଫରୁ ସଭାପତି କବିରାଜ ଦାସଙ୍କ ସଭାପତିତ୍ବରେ ଅନୁଷ୍ଠିତ ହୋଇଥିଲା। ଏଥିରେ ମୁଖ୍ୟ ଅତିଥି ଭାବେ କୋଦଳାବାରର ବରିଷ୍ଠ ଆଇନଜୀବୀ ପ୍ରଫୁଲ୍ଲ କୁମାର ମିଶ୍ର ଯୋଗଦେଇ ଆନୁଷ୍ଠାନିକ ଭାବେ ପ୍ରଦୀପ ପ୍ରଜ୍ବଳନ ପୂର୍ବକ କାର୍ଯ୍ୟକ୍ରମର ଶୁଭ ଉଦଘାଟନ କରିଥିବାବେଳେ ସମ୍ମାନୀତ ଅତିଥି ଭାବେ ଏହି ବାରର ସଭାପତି ପୂର୍ଣ୍ଣଚନ୍ଦ୍ର ମିଶ୍ର ଏବଂ ବରିଷ୍ଠ ଆଇନଜୀବୀ ଶରତ ଚନ୍ଦ୍ର ପଟ୍ଟନାୟକ ପ୍ରମୁଖ ଉପସ୍ଥିତ ରହି ସହଯୋଗ କରିଥିଲେ। ପ୍ରାରମ୍ଭରେ ଗତ ୨୨ ତାରିଖ ଦିନ ଜାମ୍ମୁ କାଶ୍ମୀର ରାଜ୍ୟର ପହଲଗ୍ରାମରେ ଆତଙ୍କବାଦୀଙ୍କ ଆକ୍ରମଣରେ ନିହତ ପର୍ଯ୍ୟଟକଙ୍କ ଅମର ଆତ୍ମାର ସଦଗତି କାମନା କରାଯାଇଥିଲା। ଏଥିସହ ଶୋକସନ୍ତପ୍ତ ପରିବାରପ୍ରତି ଗଭୀର ସମବେଦନା ଜ୍ଞାପନ କରାଯିବାସହ ଏହି ବର୍ବରୋଚିତ ହତ୍ୟାକାଣ୍ଡର ତୀବ୍ର ନିନ୍ଦା କରାଯାଇଥିଲା। ପରେ ମଧୁବାବୁଙ୍କ ଆଦର୍ଶ,ପ୍ରେରଣାଦାୟୀ କର୍ମମୟ ଆତ୍ମଜୀବନୀ ଉପରେ ଅତିଥି ବୃନ୍ଦଙ୍କ ସମେତ ସଂଘର କର୍ମକର୍ତ୍ତା ଏଵଂ ସଦସ୍ୟ ସଦସ୍ୟାମାନେ ନିଜ ନିଜର ସାରଗର୍ଭ ସୁଚିନ୍ତିତ ମନ୍ତବ୍ୟ ପ୍ରଦାନ କରିଥିଲେ। ଏହି ଅବସରରେ ସଂଘ ତରଫରୁ ଆଇନ କ୍ଷେତ୍ରରେ ନିରନ୍ତର
ସେବା ଯୋଗାଇ ଦେଇଆସୁଥିବା ମୁଖ୍ୟ ଅତିଥି ଶ୍ରୀଯୁକ୍ତ ମିଶ୍ର ଏଵଂ ସମ୍ମାନୀତ ଅତିଥି ଶ୍ରୀଯୁକ୍ତ ପଟ୍ଟନାୟକ ଉଭୟଙ୍କୁ ଉତ୍ତରୀୟ, ପୁଷ୍ପଗୁଚ୍ଛ ଏଵଂ ମାନପତ୍ର ପ୍ରଦାନ ପୂର୍ବକ ସମ୍ବର୍ଦ୍ଧିତ କରାଯିବା ସହ ପ୍ରଭୁଙ୍କ ନିକଟରେ ଦୀର୍ଘ ଓ ନିରାମୟ
ଜୀବନ ପାଇଁ ପ୍ରାର୍ଥନା କରାଯାଇଥିଲା। ଏଥିରେ ସଂପାଦକ ବ୍ରଜେନ୍ଦ୍ର ସାହୁ, ଯୁଗ୍ମ ସମ୍ପାଦକ ବିଜୟ ଶାସମଲ, ପୁର୍ବତନ ସଂଘ ସଭାପତି ସୁଶାନ୍ତ କୁମାର ସାହୁ,ସରକାରୀ ଓକିଲ ରତ୍ନାକର ମହାନ୍ତିଙ୍କ ସମେତ ବ୍ରଜବନ୍ଧୁ ଦଳବେହେରା, ଗୌରହରି ବିଷୋୟୀ, ପ୍ରଶାନ୍ତ କୁମାର ସାହାଣୀ,ରବିନ୍ଦ୍ର ପାତ୍ର, ହରପ୍ରସାଦ ଦାସ, ଲକ୍ଷ୍ମୀକାନ୍ତ ପାଢ଼ୀ,ବାସୁଦେବ ଡାକୁଆ, ରଜନୀକାନ୍ତ ପ୍ରଧାନ, ଅନୀଳ କୁମାର ମହାଙ୍କୁଡ, ଦେବାଶିଷ ପାତ୍ର, ସ୍ନେହଲତା ବେହେରା, ଉମାରାଣି ମହାନ୍ତି, ସୁକାନ୍ତି ସାହୁ, ସଚ୍ଚିଦାନନ୍ଦ ପାଣିଗ୍ରାହୀ, ରମେଶ ଚନ୍ଦ୍ର ପ୍ରଧାନ, ପବିତ୍ର ନାୟକ, ସୀମାଞ୍ଚଳ ହୋତା, ସୁଜିତ୍ ପାଣିଗ୍ରାହୀ ଓ ଜମିର ଅଲ୍ଲି ଖାନ୍ ପ୍ରମୁଖ ସଦସ୍ୟ ସଦସ୍ୟା ମାନେ
ଯୋଗଦେଇ ଏହି ପ୍ରେରଣାଦାୟୀ ଦିବସ କାର୍ଯ୍ୟକ୍ରମକୁ ସଫଳ କରାଇବାରେ ସହଯୋଗ କରିଥିଲେ। ଶେଷରେ ସଂଘ ତରଫରୁ ସଦସ୍ୟ ରଜନୀକାନ୍ତ ପ୍ରଧାନ ସମସ୍ତଙ୍କୁ ଆନ୍ତରିକ ଧନ୍ୟବାଦ ସହିତ କୃତଜ୍ଞତା ଜ୍ଞାପନ କରିଥିଲେ।