Odisha Janamata : ମହୁଲ ରେ ତେର ସାହି ତୈଳିକ ବୈଶ୍ୟ ସମାଜର 49 ତମ ବାର୍ଷିକ ଅଧିବେଶନ |

ମହୁଲ ରେ ତେର ସାହି ତୈଳିକ ବୈଶ୍ୟ ସମାଜର 49 ତମ ବାର୍ଷିକ ଅଧିବେଶନ |

27-Apr-2025

ମହୁଲ ରେ ତେର ସାହି ତୈଳିକ ବୈଶ୍ୟ ସମାଜ ର ୪୯ ତମ ବାର୍ଷିକ ଅଧିବେଶନ,

ଓଡିଶା ଜନମତ, ଖୋର୍ଦ୍ଧା,ଗୋପାଳ କୃଷ୍ଣ ପ୍ରଧାନ, ତା -27/04/25:

ଖୋର୍ଦ୍ଧା ନିକଟବର୍ତ୍ତୀ ମହୁଲ ଗ୍ରାମ ର ଦୁର୍ଗା ମନ୍ଦିର ଠାରେ ତେର ସାହି ତୈଳିକ ବୈଶ୍ୟ ସମାଜ ର ୪୯ ତମ ବାର୍ଷିକ ଅଧିବେଶନ ସଭାପତି ରତ୍ନାକର ସାହୁଙ୍କ ଅଧ୍ୟକ୍ଷତାରେ ଅନୁଷ୍ଠିତ ହୋଇଯାଇଛି।ମହୁଲ,ମଧୁପୁର,ମାଜଣା,ପଳାଶପୁର ପେଣ୍ଠ ମହୁଲ ଦୁର୍ଗାମନ୍ଦିର ଠାରେ ଅନୁଷ୍ଠିତ ଏହି ଅଧିବେଶନ ପୂର୍ବାହ୍ନରେ ସ୍ୱଜାତୀୟ ପତାକା ଉତ୍ତୋଳନ କରାଯିବା ପରେ ମିଳିତ କାର୍ଯ୍ୟକାରୀ କମିଟି ବୈଠକ ବସିଥିଲା।ପରେ ନିଜ ନିଜ ଭିତରେ ଚୁଲି ଚାନ୍ଦା ଆଦାୟ,ଅଂଶଧନ ଆଦାୟ କରାଯାଇଥିଲା।ଅପରାହ୍ନ ରେ ବନ୍ଧୁମିଳନ ହୋଇଥିଲା ପରେ ଉପସ୍ଥିତ ସମସ୍ତ ମୁରବି ଓ ନିମନ୍ତ୍ରିତ ଅତିଥି ମାନେ ନଗର ପରିକ୍ରମା କରିଥିଲେ। ରାତ୍ର ୭ ଘଣ୍ଟିକା ସମୟରେ ଉପସଭାପତି ରାଜକିଶୋର ସାହୁ,କୋଷାଧ୍ୟକ୍ଷ ପ୍ରଶାନ୍ତ କୁମାର ସାହୁ,ସହ ସମ୍ପାଦକ ଅଖିଳ କୁମାର ସାହୁ,ଅଡିଟର ଅଭୟ କୁମାର ସାହୁ,ଲକ୍ଷ୍ମୀଧର ସାହୁ,ଛୟାନବେ ସାହୁ ସଭାପତି ଉପେନ୍ଦ୍ର କୁମାର ସାହୁ,ସପ୍ତରାଜ୍ୟ ସଭାପତି ଶରତ ଚନ୍ଦ୍ର ସାମନ୍ତରାୟ,ନରସିଂହ ରାଜ୍ୟ ସଭାପତି ଶିଶିର କୁମାର ସାହୁ,ଶୀର୍ଷ ସମ୍ମିଳନୀ ସଭାପତି ବିଦ୍ୟାଧର ସାହୁ,ନିଖିଳ ଉତ୍କଳ ର ବରିଷ୍ଠ ସଭ୍ୟ ନିଧି ସାହୁ,ସନ୍ତୋଷ କୁମାର ସାହୁ,ହଳଦିଆ ର ପୂର୍ବତନ ସରପଞ୍ଚ ଶୋଭନ କୁମାର ସାହୁ,ପ୍ରମୂଖ ଅତିଥି ରୂପେ ପ୍ରଦୀପ ପ୍ରଜ୍ଜ୍ୱଳନ କରି ସଭା କାର୍ଯ୍ୟ ଉଦଘାଟନ କରିଥିଲେ।ଏହି ଅବସରେ ପ୍ରଥମେ ସ୍ୱ ଜାତିର ଦିବଂଗତ ଆତ୍ମା ଓ ଜାମୁ କାଶ୍ମୀର ର ପହଲଗାମ ରେ ଆତଙ୍କି ମାନଙ୍କ ଦ୍ୱାରା ନିହତ ବ୍ୟକ୍ତି ପାଇଁ ନିରବ ପାର୍ଥନା କରାଯାଇଥିଲା।ପରେ ସମ୍ପାଦକ ବାନାମ୍ବର ସାହୁ ନିଜର ବାର୍ଷିକ ଅଭିଭାଷଣ ଦେଇଥିଲେ।ଏହି ଅବସରେ ସ୍ୱଜାତିର ପିଲା ମାନଙ୍କୁ ଶିକ୍ଷା ବୃତ୍ତି ୧୨ ଜଣ ଓ ନାରୀ ଅସହାୟ ପାଣ୍ଠି ରେ ଦୁଇଟି ସିଲାଇ ମେସିନ,ଦୁଇଜଣ ଗରିବ ପିଲାଙ୍କୁ ସାଇକେଲ ପ୍ରଦାନ ସହିତ ଗ୍ରାମୀଣ ମାନଙ୍କୁ ସଂମ୍ମାନୀତ କରାଯାଇଥିଲା।ସେହିପରି ଗ୍ରାମୀଣ ମାନଙ୍କ ବିଭିନ୍ନ ସମସ୍ୟାର ସମାଧାନ,ଅଂଶଧନ କମିଟି ଗଠନ ଓ ଲଗାଣ ଉପରେ ଆଲୋଚନା କରାଯାଇଥିଲା।ତୈଳିକ ସମାଜର ମୁରବି , ଗ୍ରାମୀଣ,ଓ ସଭାପତି, ସମ୍ପାଦକ ମହୁଲ ପେଣ୍ଠର ସଭାପତି ବିହାରୀ ବନ୍ଧୁ ସାହୁ ,ମଧୁପୁର ଦୁର୍ଯ୍ୟୋଧନ ସାହୁ,ମହୁଲ ପ୍ରଭାକର ସାହୁ,ମାଜଣା ବିରଞ୍ଚି ସାହୁ,ଗ୍ରାମର ସ୍ୱ ଜାତିର ପରିବାର ସହଯୋଗ ରେ ଅଧିବେଶନ ଶୃଙ୍ଖଳିତ ସରିଥିଲା।ଶେଷରେ ପିଲା ମାନଙ୍କ ଦ୍ୱାରା ସାଂସ୍କୃତିକ କାର୍ଯ୍ୟକ୍ରମ ହୋଇଥିଲା |