Odisha Janamata : ପୋଲସରା ରେ ପଞ୍ଚାୟତ ଦିବସ ପାଳିତ, ନୂତନ ହିତାଧିକାରୀଙ୍କୁ ମିଳିଲା ରାସନ କାର୍ଡ |

ପୋଲସରା ରେ ପଞ୍ଚାୟତ ଦିବସ ପାଳିତ, ନୂତନ ହିତାଧିକାରୀଙ୍କୁ ମିଳିଲା ରାସନ କାର୍ଡ |

24-Apr-2025

ପୋଲସରାରେ ପଂଚାୟତରାଜ ଦିବସ ପାଳିତ। ନୂତନ ହିତାଧିକାରୀଙ୍କୁ ମିଳିଲା ରାସନ କାର୍ଡ।

ଓଡିଶା ଜନମତ, ପୋଲସରା, ସନ୍ତୋଷ କୁମାର ପଣ୍ଡା ତା.୨୪. ୪. ୨୦୨୫:
ଆଜି ପୋଲସରା ବ୍ଲକ କାର୍ଯ୍ୟାଳୟ ପରିସରରେ ପଞ୍ଚାୟତରାଜ ଦିବସ ବିଡ଼ିଓ ଶଶିଭୂଷଣ ମହାପାତ୍ରଙ୍କ ପ୍ରତ୍ୟକ୍ଷ ତତ୍ୱାବଧାନରେ ବହୁ ଆଡମ୍ବର ସହକାରେ ପାଳିତ ହୋଇଯାଇଛି |ଉକ୍ତ କାର୍ଯ୍ୟକ୍ରମରେ ବ୍ଲକ ଅଧକ୍ଷା କଳ୍ପନା ପ୍ରଧାନ, ସାଂସଦ ପ୍ରତିନିଧି ମହେଶ୍ୱର ପରିଡା, ବିଧାୟକ ତଥା ମନ୍ତ୍ରୀଙ୍କ ପ୍ରତିନିଧି କାମ୍ପ ବାଢ଼େଇ, ରାଜେନ୍ଦ୍ର ପାତ୍ର, ଦୀପକ ପୋଲେଇ ପ୍ରମୁଖ ନେତ୍ରୁବୃନ୍ଦ ଅତିଥି ଭାବେ ଯୋଗଦେଇଥିଲେ |ଏହି ଅବସରରେ ବିଡ଼ିଓ ମହୋଦୟ ନିଜର ବକ୍ତବ୍ୟରେ ରାଜ୍ୟ ଖାଦ୍ୟ ସୁରକ୍ଷା ଆଇନ ପ୍ରକାରେ ଗରିବ ଓ ଅସହାୟ ହିତାଧିକାରୀଙ୍କ ପାଇଁ ରାଜ୍ୟ ସରକାରଙ୍କ ରହିଥିବା ଆଭିମୁଖ୍ୟ ଉପରେ ଆଲୋକପାତ କରିଥିବା ବେଳେ ଉପରୋକ୍ତ ଉପସ୍ଥିତ ଅନ୍ୟ ଅତିଥିମାନେ ନିଜନିଜର ବକ୍ଟବ୍ୟ ରଖିଥିଲେ। ପରେ ୫୩ ଜଣ ନୂତନ ହିତାଧିକାରୀଙ୍କୁ ନୂତନ ରାସନ୍ କାର୍ଡ ପ୍ରଦାନ କରାଯାଇଥିଲା | ଏହି ବଣ୍ଟନ ପ୍ରକ୍ରିୟା ଆଗାମୀ ୩ ମାସ ପର୍ଯ୍ୟନ୍ତ ଚାଲିବ ବୋଲି ବିଡ଼ିଓ ପ୍ରକାଶ କରିଛନ୍ତି | କାର୍ଯ୍ୟକ୍ରମରେ ବ୍ଲକର ଅନ୍ୟ ପଞ୍ଚାୟତ ଗୁଡ଼ିକର ସରପଞ୍ଚଙ୍କ ସମେତ ବ୍ଲକ କାର୍ଯ୍ୟାଳୟର କର୍ମଚାରୀ,ସି ଆର ପି, ଏଵଂ ଏମବିକେ ସମୂହ ଉପସ୍ଥିତ ଥିଲେ |