Odisha Janamata : ଗଞ୍ଜାମ ରେ ଋଷିକୁଲ୍ୟା ବଞ୍ଚାଅ ସୁରକ୍ଷା ଅଭିଯାନ |

ଗଞ୍ଜାମ ରେ ଋଷିକୁଲ୍ୟା ବଞ୍ଚାଅ ସୁରକ୍ଷା ଅଭିଯାନ |

26-Mar-2025

ଗଞ୍ଜାମ ରେ ଋଷୁକୂଲ୍ୟା ବଞ୍ଚାଅ ଓ ସୁରକ୍ଷା ଅଭିଯାନ,

ଓଡିଶା ଜନମତ, ବଟ କୃଷ୍ଣ ରାଉଳ, ଗଞ୍ଜାମ 25/3/25: ସକାଳ 9 ଟା ବେଳେ ଋଷିକୁଲ୍ୟା ସୁରକ୍ଷା ଅଭିଯାନର 15 ଜଣିଆ ପଦଯାତ୍ରୀ ଦଳ ଙ୍କୁ ଗଞ୍ଜାମ ସହର କରଣ ସାହି ରେ ଫୁଲମାଳ ଆଉ ଉପଢୌକନ ଦେଇ ସ୍ୱାଗତ ଗଞ୍ଜାମ ବାସି ଓ ବରିଷ୍ଠ ନାଗରିକ ପକ୍ଷରୁ ସ୍ୱାଗତ ସମ୍ବର୍ଦ୍ଧନା ଦିଆଯାଇ ଥିଲା | ତାପରେ ସାମନ୍ତରା ସାହି କୋଠଘର ନିକଟରେ ଶ୍ରୀ ବିଜୁ ପଟ୍ଟନାୟକଙ୍କ ପ୍ରତିମୂର୍ତ୍ତି ରେ ପୁଷ୍ପ ମାଲ୍ୟାର୍ପଣ କରି, ମଧ୍ୟଖଣ୍ଡ ସାହି, ରାଉଳ ସାହି, ଗୌଡ଼ ସାହି ଦେଇ ଶୋଭାଯାତ୍ରା ଦାମୋଦର ପୁର ଋଷୁକୂଲ୍ୟା ନଦୀ କୂଳରେ ଥିବା ଠାକୁରାଣୀ ମନ୍ଦିରରେ ପହଁଚି ଥିଲେ ସେଠାରେ ଏକ ସାଧାରଣ ସଭା ଅନୁଷ୍ଠିତ ହୋଇଥିଲା.ପୁନର୍ବାର ଶୋଭାଯାତ୍ରା ସାନବଜାର ଦେଇ ଗଞ୍ଜାମ ବ୍ଲକ ସାମନାରେ ଏକ ପଥ ପ୍ରାନ୍ତ ସଭା କରି ଦୁର୍ଗାଦେବି ସାହିରେ ପହଞ୍ଚିଥିଲା. ଦୁର୍ଗା ମନ୍ଦିର ଠାରେ ସ୍ଥାନୀୟ କିଛି ଭଦ୍ର ମହିଳା ପୁଷ୍ପ ଗୁଚ୍ଛ, ଚନ୍ଦନ ଟୀକା ଆଉ ହୁଳହୁଳି ଦେଇ ସମ୍ବର୍ଦ୍ଧନା କରିଥିଲେ. ତାପରେ ଶୋଭାଯାତ୍ରା ବଡବଜାର ଦେଇ ତ୍ରିବେଣୀ ମଠ ଛକରେ ଏକ ପଥପ୍ରାନ୍ତ ସଭା ହୋଇଥିଲା. ପଦଯାତ୍ରୀ ଦଳ ପୁଇଁତୋଳା ଗ୍ରାମର ସମସ୍ତ ସାହି ରେ ବୁଲି କନକଦୁର୍ଗା ମନ୍ଦିରରେ ଭୋଜନ ଓ କିଛି ସମୟ ବିଶ୍ରାମ କରି ପାଳିବନ୍ଧ ପଂଚାୟତ କୁ ଯାଇଥିଲେ. ବିଶିଷ୍ଟ ପରିବେଶବିତ ଶ୍ରୀ ପ୍ରଫୁଲ୍ଲ ସାମନ୍ତରା, ଶ୍ରମିକ ନେତା ଭାଲଚନ୍ଦ୍ର ଷଡ଼ଙ୍ଗୀ, ଏବଂ କୃଷକ ନେତା ସିମାଞ୍ଚଳ ନାହାକ ଏହି ପଦଯାତ୍ରାକୁ ସଂଯୋଜନା କରୁଥିଲେ. ପିପଳପଙ୍କାରୁ ଏହା ମାର୍ଚ୍ଚ 16 ରୁ ଆରମ୍ଭ ହୋଇ ଦୀର୍ଘ 120 କିମି ପଦଯାତ୍ରା କରି ଆଜି ପୁରୁଣାବନ୍ଧ ଗ୍ରାମ ସ୍ଥିତ ଋଷିକୁଲ୍ୟା ମୁହାଁଣ ଠାରେ ସମାପ୍ତ ହେଲା. ଗଞ୍ଜାମ ସହରରେ ଏହି ପଦଯାତ୍ରା ଆୟୋଜନରେ ଉପନଗର ପାଳ ଶ୍ରୀ ସୁରେନ୍ଦ୍ର ବାରିକି, ଲିଙ୍ଗରାଜପଟ୍ଟନାୟକ, ବିନୋଦ ମହାପାତ୍ର, ରଞ୍ଜନ ବେହେରା, ମିନି ମହାପାତ୍ର, ଦୁର୍ଗା ମାଧବ ପାଣିଗ୍ରାହୀ, ଲିଟୁ ଦାଶ, ମାଗତା ବେହେରା, ରାଜ କିଶୋର ପଣ୍ଡା ଆଦି ଅନେକ ଗଞ୍ଜାମ ସହରବାସୀ ସହଯୋଗ କରିଥିଲେ. ବିଶେଷ କରି ସାନ ବଜାର ବଣିକ ସଙ୍ଘ ସଭାପତି ଶ୍ରୀ ସୁଧିର ପାଢ଼ି ସ୍ୱାଗତ ସମ୍ବର୍ଦ୍ଧନା ପାଇଁ ଯାବତୀୟ ଖର୍ଚ୍ଚ ଏବଂ ସ୍ଥାନୀୟ ସ୍ୱୟଂସେବୀ ଅନୁଷ୍ଠାନ ଇକୋ ୱାରିଅରର ପ୍ରଭାତସାହୁ , ଲଷ୍ମୀ, ଅଖିଳ ଆଦି ଅନେକ ସଦଶ୍ୟ ବୃନ୍ଦ ସମସ୍ତେ ମିଶି ଶୀତଳ ପଣା ଆଉ ପ୍ରସାଦ ଭୋଜନ ର ଆୟୋଜନ କରିଥିଲେ.
ଏହି ଋଷିକୁଲ୍ୟା ସୁରକ୍ଷା ଅଭିଯାନ ପଦଯାତ୍ରା ଗଞ୍ଜାମ ବ୍ଲକରେ ଆୟୋଜନ କରିବା ଲାଗି ଏକ ଅଭ୍ୟର୍ଥନା କମିଟି ଓକିଲ ଶ୍ରୀ ଦୁର୍ଯ୍ୟୋଧନ ରେଡ୍ଡୀ- ସଭାପତି, ରଞ୍ଜନ ବେହେରା - ସମ୍ପାଦକ, ମାଗତା ବେହେରା - ଆବାହକ ଏବଂ ଶ୍ରୀ ବିଜୟ ବିଶ୍ଵାଳ - ଉପଦେଷ୍ଟା ଦାଇତ୍ୱ ନେଇଥିଲେ. ଏବଂ ପଦ ଯାତ୍ରା ରେ ଭାରତୀୟ ଜନତା ପାର୍ଟି ର ନଗର ସଭାପତି କାନ୍ତାରି ଦଳେଇ ଡିକେ ରାଓ ଓ ସୁଦାମ ଜେନା ଯୋଗ ଦେଇଥିଲେ ପରିଶେଷରେ ପୁରୁଣାବନ୍ଧ ବାତ୍ୟା ଆଶ୍ରୟ ସ୍ଥଳି ଠାରେ ଏକ ବିଶାଳ ଜନ ସଚେତନତା ସଭା ଆୟୋଜିତ ହୋଇ ଏହି ପଦଯାତ୍ରାର ପରିସମାପ୍ତି କରାହୋଇଥିଲା. ବ୍ରହ୍ମପୁର, ଭୁବନେଶ୍ୱର, ବାଲିଆପାଳ, ବଲାଙ୍ଗୀର ଆଦି ସ୍ଥାନରୁ ପରିବେଶ ସୁରକ୍ଷା ଲାଗି ଆନ୍ଦୋଳନରେ ସାମିଲ ଥିବା ବହୁତ ପରିବେଶ ସୁରକ୍ଷା ଯୋଦ୍ଧା ଏହି ପଦଯାତ୍ରାରେ ଯୋଗ ଦେଇଥିଲେ |