Odisha Janamata : ଖଲ୍ଲିକୋଟ ଗୁହାରିଆ ପାଟ ସେବାଶ୍ରମ ବିଦ୍ୟାଳୟ ଠାରେ ଅଷ୍ଟମ କ୍ଲଷ୍ଟର ସ୍ତରୀୟ ମାସିକ ବୈଠକ ଅନୁଷ୍ଠିତ,

ଖଲ୍ଲିକୋଟ ଗୁହାରିଆ ପାଟ ସେବାଶ୍ରମ ବିଦ୍ୟାଳୟ ଠାରେ ଅଷ୍ଟମ କ୍ଲଷ୍ଟର ସ୍ତରୀୟ ମାସିକ ବୈଠକ ଅନୁଷ୍ଠିତ,

18-Jan-2025

ଖଲ୍ଲିକୋଟ: ଗୁହାରିଆପାଟ ସେବାଶ୍ରମ ବିଦ୍ୟାଳୟ ଠାରେ ଅଷ୍ଟମ କ୍ଲଷ୍ଟର ସ୍ତରୀୟ ମାସିକ ବୈଠକ ଅନୁଷ୍ଠିତ,

ଓଡିଶା ଜନମତ ବ୍ୟୁରୋ,

ଖଲ୍ଲିକୋଟ ବ୍ଲକ୍ ଅନ୍ତର୍ଗତ କନକା କ୍ଲଷ୍ଟର ଅଧୀନସ୍ଥ କେ. ଗୁହାରିଆପାଟ ସ୍ଥିତ ସେବାଶ୍ରମ ବିଦ୍ୟାଳୟ ପରିସରରେ ଆନୁଷ୍ଠାନିକ ରୀତିରେ ଅଷ୍ଟମ କ୍ଲଷ୍ଟର ସ୍ତରୀୟ ବୈଠକ ଅନୁଷ୍ଠିତ ହୋଇଯାଇଛି । ବିଦ୍ୟାଳୟର ପ୍ରଧାନ ଶିକ୍ଷକ ଶ୍ରୀଯୁକ୍ତ ସଚ୍ଚିଦାନନ୍ଦ ମିଶ୍ର ଜଗତର ନାଥ ଶ୍ରୀଜଗନ୍ନାଥଙ୍କ ଉଦ୍ଦେଶ୍ୟରେ ପ୍ରଦୀପ ପ୍ରଜ୍ଜ୍ୱଳନ କରି ବୈଠକର ଶୁଭ ଉଦ୍ଘାଟନ କରିଥିଲା ବେଳେ ଶିକ୍ଷକ ଦେବରାଜ ଗୈାଡ ସୁଲଳିତ କଣ୍ଠରେ ଭକ୍ତି ରସାତ୍ମକ ଭଜନ ପରିବେଷଣ କରିଥିଲେ । ବୈଠକର ପ୍ରାରମ୍ଭରେ ଆଞ୍ଚଳିକ ସାଧନ କେନ୍ଦ୍ର ସଂଯୋଜକ ଡକ୍ଟର ଦ୍ବାରିକାନାଥ ମହାରଣା ବୈଠକରେ ଉପସ୍ଥିତ ସମସ୍ତ ଶିକ୍ଷକ ଶିକ୍ଷୟିତ୍ରୀଙ୍କୁ ସ୍ୱାଗତ ଜଣାଇ ପ୍ରତ୍ୟେକ ମାସରେ ଅନୁଷ୍ଠିତ ବୈଠକର ପ୍ରୟୋଜନତା, ଉଭୟ ପ୍ରାଥମିକ, ଉଚ୍ଚ ପ୍ରାଥମିକ ବିଦ୍ୟାଳୟ ସ୍ତରରେ ଭାଷା, ଗଣିତ ବିଷୟ କ୍ରମରେ ଶିକ୍ଷଣ ଫଳାଫଳ ସମ୍ପର୍କରେ ଆଲୋଚନା କରିଥିଲେ ।
ଏତଦବ୍ୟତୀତ ଜାନୁଆରୀ ମାସର ଶୈକ୍ଷିକ କ୍ୟାଲେଣ୍ଡର, ପାଠ୍ୟ ଯୋଜନା, ମୈଳିକ ସାକ୍ଷରତା, ସଂଖ୍ୟା ଜ୍ଞାନ, ଏକକ ଶ୍ରେଣୀ, ଭାଷା ଶିକ୍ଷଣ ଆଦି ବହୁବିଧ ଦିଗ ସମ୍ପର୍କରେ ସମବେତ ପ୍ରଧାନ ଶିକ୍ଷକ/ ଶିକ୍ଷୟିତ୍ରୀ, ଏଫ୍. ଏଲ୍. ଏନ୍. ଶିକ୍ଷକ ଶିକ୍ଷୟିତ୍ରୀଙ୍କ ସମ୍ମୁଖରେ ପ୍ରଶିକ୍ଷଣ ପ୍ରଦାନ ସହିତ ଆଲୋଚନା କରିଥିଲେ । କ୍ଲଷ୍ଟରରେ କାର୍ଯ୍ୟରତ ଶିକ୍ଷକ ଦେବରାଜ ଗୈାଡ, ହରେକୃଷ୍ଣ ମଲ୍ଲିକ, ପ୍ରଫୁଲ୍ଲ ଶବର, ନିରଞ୍ଜନ ପଣ୍ଡା, ଦେବରାଜ ଜାନି, ସଚ୍ଚିଦାନନ୍ଦ ମିଶ୍ର, କୃଷ୍ଣ ପ୍ରସାଦ ନାୟକ, ସୁରଥ ଦାସ, ସୁକାନ୍ତ କୁମାର ଦାଶ, ନିରଞ୍ଜନ ଜାଲି, କମଲଜିତ୍ ତ୍ରିପାଠୀ, ସୈାମେନ୍ଦ୍ର ମୁଣ୍ଡା, ସନ୍ତୋଷ କୁମାର ବାରିକ, ଶିକ୍ଷୟିତ୍ରୀ ଶ୍ରୀମତୀ ଲକ୍ଷ୍ମୀପ୍ରିୟା ପ୍ରଧାନ, ଚମ୍ପାବତୀ ପଟ୍ଟନାୟକ, ବିଦ୍ୟୁତ୍ ପ୍ରଭା ନାୟକ, ତପସ୍ୱିନୀ ଜାନି, ଲକ୍ଷ୍ମୀପ୍ରିୟା ପାତ୍ର, ସତ୍ୟଭାମା ଦେବତା ପ୍ରମୁଖ ଯୋଗଦେଇଥିଲେ ।