Breaking
News
Breaking
News
Breaking
News
14-Jan-2025
ବାଲିପଦରରେ ଐତିହାସିକ ହରିହର ଭେଟ ଓ ମକର
ମିଳନ ଯାତ୍ରା ମହାସମାରୋହ ରେ ପାଳିତ,
ଓଡିଶା ଜନମତ, ବୁଗୁଡା, ହରପ୍ରସାଦ ପାଢ଼ୀ, ତା ୧୪/୦୧/୨୫ :
ବୁଗୁଡା ବ୍ଲକ୍ ଅନ୍ତର୍ଗତବାଲିପଦର ଗ୍ରାମରେ ମକର ମିଳନ ଉତ୍ସବ ଅନୁଷ୍ଠିତହୋଇଯାଇଛି । ଗ୍ରାମର ତିନି ମହାପ୍ରଭୁ ଶ୍ରୀନୀଳକଣ୍ଠେଶ୍ବର, ଶ୍ରୀ ଜଗନ୍ନାଥ ଓ ଶ୍ରୀ ରଘୁନାଥସ୍ବତନ୍ତ୍ର ଭାବେ ପୁଷ୍ପ ସଜ୍ଜିତ ବିମାନରେ ଭକ୍ତଙ୍କଗହଣରେ ଗ୍ରାମର କେନ୍ଦ୍ରସ୍ଥଳ ମକର ପଡିଆକୁ ଆସିମିଳନ ହୋଇଥିଲେ । ତିନି ମନ୍ଦିରର କର୍ମକର୍ତ୍ତାପୂର୍ଣ୍ଣଚନ୍ଦ୍ର ରଣା , ସଂଗ୍ରାମ କେଶରୀ ଗୁରୁ ଓ କେ.ଅଶୋକ ପାତ୍ରଙ୍କ ନେତୃତ୍ୱ ରେ ଆୟୋଜିତ ଉକ୍ତ କାର୍ଯ୍ୟ କ୍ରମ କୁ କୋକରାମ ଜେନା ପରିଚାଳନା କରିଥିବା ବେଳେ ଯୁବ ସ୍ୱେଚ୍ଛାସେବୀମାନେ ଏଥିରେ ସକ୍ରିୟ ସହଯୋଗ କରିଥିଲେ । ସ୍ଥାନୀୟ ପୋଲିସ୍ ପ୍ରଶାସନ ଶାନ୍ତି ଶୃଙ୍ଖଳା ରକ୍ଷା କରିଥିବା ବେଳେ ଆଖପାଖ ଅଞ୍ଚଳର ଲୋକକଳା ସାଂସ୍କୃତିକ ସଂଗଠନମାନେ ତିନି ଠାକୁର ସମ୍ମୁଖରେ ନିଜ ନିଜର କଳା ପ୍ରଦର୍ଶନ କରିଥିଲେ । ମାନସିକଧାରୀ ଶ୍ରଦ୍ଧାଳୁମାନେ ତିନି ଠାକୁରଙ୍କ ମିଳନ ବେଳେ ମୁଆଁ ଫିଙ୍ଗି ପରମ୍ପରା ବଜାୟ ରଖିଥିଲେ । ଗ୍ରାମର ମଙ୍ଗଳ ସକାଶେ ମେଳଣ ପରେ ତିନି ଠାକୁର ଏକତ୍ର ହୋଇ ଗ୍ରାମ୍ଯ ପରିକ୍ରମା କରିଥିଲେ । ବାଲିପଦରର ଏହି ପ୍ରାଚୀନ ହରିହର ଭେଟ ବେଳେ ଏକ ଆଧ୍ଯାତ୍ମିକ ପରିବେଶ ସୃଷ୍ଟି ହୋଇଥିଲାଏଥିରେ ,ମହୁଲପଲ୍ଲି,ଝୋଲରୀ,ଏକଡାଳ,ଖରିଡା, ସାନଖୋଲି ଓବାଲିପଦର ଆଦି ଗ୍ରାମର ନାମ ସଂକୀର୍ତ୍ତିନ ଦଳ ସହଯୋଗ କରିଥିଲେ । ଏଥି ସହ ଦୁଇ ଥଳ ନାଟକ ପରିବେଷଣ ଯୋଗୁଁ ଗ୍ରାମରେ ସାଂସ୍କୃତିକ ବାତାବରଣ ସୃଷ୍ଟି ହୋଇଥିଲା । ସେହିପରି ବୁଗୁଡ଼ାସ୍ଥିତ ଶ୍ରୀ ବିରଞ୍ଚି ନାରାୟଣ ମନ୍ଦିରରେ ସୂର୍ଯ୍ୟ ପୂଜା କରାଯାଇ ମକର ପ୍ରସାଦ ବଣ୍ଟନ କରାଯାଇଥିଲା ।
Copyright @ 2024 All rights reserved. ଓଡିଶା ଜନମତ
BACK TO TOP