Odisha Janamata : ନୟାଗଡ଼ ଶାକ ଦୀପ ବୈଦିକ ବ୍ରାହ୍ମଣ ଙ୍କ ବନ୍ଧୁ ମିଳନ କାର୍ଯ୍ୟକ୍ରମ ଅନୁଷ୍ଠିତ |

ନୟାଗଡ଼ ଶାକ ଦୀପ ବୈଦିକ ବ୍ରାହ୍ମଣ ଙ୍କ ବନ୍ଧୁ ମିଳନ କାର୍ଯ୍ୟକ୍ରମ ଅନୁଷ୍ଠିତ |

25-Dec-2024

ନୟାଗଡ଼ ଶାକଦୀପ ବୈଦିକ ବ୍ରାହ୍ମଣଙ୍କ ବନ୍ଧୁ ମିଳନ ଉତ୍ସବ ଅନୁଷ୍ଠିତ ,

ଓଡିଶା ଜନମତ ବ୍ୟୁରୋ,,

ନୟାଗଡ ୨୫ l ୧୨ ଓଡିଶା ଶାକଦୀପ ବୈଦିକ ବ୍ରାହ୍ମଣ ପରିଷଦ ନୟାଗଡ଼ ଜିଲ୍ଲା ପକ୍ଷରୁ ପୂର୍ବ ବର୍ଷ ଭଳି ଷଷ୍ଠ ବାର୍ଷିକ ବନ୍ଧୁ ମିଳନ ଉତ୍ସବ ନୟାଗଡ଼ ସଦର ମହକୁମା ଠାରେ ଅବସ୍ଥିତ ନୀଳମାଧଵ କଲ୍ୟାଣ ମଣ୍ଡପ ପରିସରରେ ବୁଧବାର ଅନୁଷ୍ଠିତ ହୋଇ ଯାଇଛି l ଏହି ଅବସରରେ ଉପସ୍ଥିତ ପଣ୍ଡିତ ମଣ୍ଡଳୀ ଙ୍କ ଦ୍ୱାରା ସୂର୍ଯ୍ୟ ପୂଜା ଅନୁଷ୍ଠିତ ହେବା ପରେ ଆୟୋଜିତ ଏକ ସଭା ନୟାଗଡ଼ ଜିଲ୍ଲା ସଭାପତି ତ୍ରିନାଥ ନାୟକଙ୍କ ସଭାପତିତ୍ବରେ ଅନୁଷ୍ଠିତ ହୋଇଥିଲା l ମୁଖ୍ୟ ଅତିଥି ଭାବେ ରାଜ୍ୟ ସଭାପତି ପଣ୍ଡିତ ରଘୁନାଥ ଦାଶ ଓ ରାଜ୍ୟ ବାହାରୁ ଆସିଥିବା ନିମନ୍ତ୍ରିତ ଅତିଥି ବିହାର ରୁ ଅଶୋକ ପ୍ରିୟଦର୍ଶୀ , ଝାରଖଣ୍ଡ ରୁ ଚତୁର୍ଭୁଜ ଶର୍ମା, ରାଉରକେଲା ରୁ ଆସିଥିବା ମନ୍ଦିର ପୂଜକ ପଣ୍ଡିତ ଅଖିଳ ଦାଶ ଓ ପଣ୍ଡିତ ଶେଖର ଆଚାର୍ଯ୍ୟ ଯୋଗ ଦେଇ ଶାକ ଦୀପ ବୈଦିକ ସମାଜ ର ବିଭିନ୍ନ ଦିଗ ଉପରେ ପର୍ଯ୍ୟାଲୋଚନା କରି ସମାଜର ଉତ୍ଥାନ ଦିଗରେ କି ପ୍ରକାର ପଦକ୍ଷେପ ଗ୍ରହଣ କରାଯାଇ ପାରିବ ସେ ସମ୍ବନ୍ଧ ରେ ଆଲୋକପାତ କରିଥିଲେ l ଅନ୍ୟତମ ଅତିଥି ଭାବରେ ରାଜ୍ୟ ଶାକଦୀପ ବୈଦିକ ବ୍ରାହ୍ମଣ ପରିଷଦ ଉପ ସଭାପତି ଅନନ୍ତ ଚରଣ ନାୟକ, ସାଧାରଣ ସମ୍ପାଦକ ନିମାଇଁ ଚରଣ ଦାଶ, କୈଳାଶ ଚନ୍ଦ୍ର ଆଚାର୍ଯ୍ୟ, ପ୍ରସନ୍ନ କୁମାର ଗ୍ରହାଚାର୍ଯ୍ୟ ପ୍ରମୁଖ ଏହି ବନ୍ଧୁ ମିଳନ କାର୍ଯ୍ୟକ୍ରମ ରେ ଯୋଗ ଦେଇ ପରସ୍ପର ମଧ୍ୟରେ ଭାବର ଆଦାନ ପ୍ରଦାନ କରିଵା ସହିତ ସ୍ନେହ, ଶ୍ରଦ୍ଧା, ସଦଭାବ ଓ ଏକତା ସହଯୋଗର ପରିଭାଷା ବୋଲି ବର୍ଣ୍ଣନା କରିଥିଲେ l ସଭା ଶେଷରେ ଶାକଦୀପ ବୈଦିକ ବ୍ରାହ୍ମଣ ପରିଷଦ ଜିଲ୍ଲା ସଭାପତି ପ୍ରଫୁଲ୍ଲ କୁମାର ନାୟକ ଅତିଥି ମାନଙ୍କ ଦ୍ୱାରା ସମ୍ବର୍ଦ୍ଧିତ ହୋଇଥିଲେ l
ଏହି କାର୍ଯ୍ୟକ୍ରମ ପରିଚାଳନା ଦିଗରେ ରବୀନ୍ଦ୍ର ନାୟକ, ସନ୍ତୋଷ କୁମାର ରାୟ, ଲକ୍ଷ୍ମୀଧର ନାୟକ,ଗୋବିନ୍ଦ ରାୟ, ଦେବରାଜ ମହାପାତ୍ର ପ୍ରମୁଖ ସହଯୋଗ କରିଥିଲେ l ସମ୍ପାଦକ ପ୍ରଦୀପ୍ତ କୁମାର ନାୟକ ଓ ପ୍ରଭାକର ଶିରୋମଣି କାର୍ଯ୍ୟକ୍ରମ କୁ ସଂଯୋଜନା କରିଥିଲେ l