Odisha Janamata : ପାଣିପାଗ ତଥ୍ୟ ତୁରନ୍ତ ଜାଣିବା ପାଈଁ ଓଡ଼ିଶାରେ ଏବେ ଲାଗିବ 3ଗୋଟି ରାଡାର |

ପାଣିପାଗ ତଥ୍ୟ ତୁରନ୍ତ ଜାଣିବା ପାଈଁ ଓଡ଼ିଶାରେ ଏବେ ଲାଗିବ 3ଗୋଟି ରାଡାର |

24-Dec-2024

ପ୍ରାକୃତିକ ବିପର୍ଯ୍ୟୟ ଖବର ର ଆକଳନ ପାଈଁ ରାଜ୍ୟରେ ବସିବ ୩ ନୂଆ ଡପଲାର ରାଡାର,

ଓଡିଶା ଜନମତ ବ୍ୟୁରୋ ,

ଭୁବନେଶ୍ୱର: ଆହୁରି ସଠିକ ହେବ ପ୍ରାକୃତିକ ବିପର୍ଯ୍ୟୟ ଆକଳନ । ରାଜ୍ୟରେ ବସିବ ୩ ନୂଆ ଡପଲାର ରାଡାର । ସମ୍ବଲପୁର, ବାଲେଶ୍ଵର ଓ ଭୁବନେଶ୍ଵରରେ ବସିବ ରାଡାର । ଭୁବନେଶ୍ୱର ପାଇଁ ସ୍ବତନ୍ତ୍ର ରାଡାର ଯାହା କୃତ୍ରିମ ବନ୍ୟା ବା ସହରୀ ବନ୍ୟା ପାଇଁ ସଠିକ୍ ତଥ୍ୟ ଯୋଗାଇବ । ଏହାସହ ଏୟାର କ୍ଵାଲିଟି ନେଇ ସଠିକ୍ ତଥ୍ୟ ଯୋଗା ଇଦେବ । ସାରା ଦେଶରେ ୨୦୨୬ ପହିଲା ସୁଦ୍ଧା ୧୨୬ ଟି ରାଡାର ଲାଗିବ । ବର୍ତମାନ ୭୩ ଟି ରାଡାର କାମକରୁଥିବା ବେଳେ ନୂଆ ୫୩ଟି ରାଡାର ଲାଗିବ । ସେପଟେ ଅଦିନିଆ ବର୍ଷାକୁ ନେଇ ସତର୍କ କଲେ ଆଇଏମଡି ଡିଜି ମୃତ୍ୟୁଞ୍ଜୟ ମହାପାତ୍ର । ଆସନ୍ତାକାଲିଠୁ ରାଜ୍ୟରେ ପୁଣି ହେବ ବର୍ଷା । ବଙ୍ଗୋପସାଗରରେ ଲଘୁଚାପ ଯୋଗୁଁ ୨୪ ଓ ୨୫ରେ ବର୍ଷା ହେବ । ଆବଶ୍ୟକୀୟ ପଦକ୍ଷେପ ନେବାଲାଗି ଚାଷୀଙ୍କୁ ସତର୍କ କରାଇଛି ପାଣିପାଗ ବିଭାଗ । ତେବେ ଭାରତୀୟ ପାଣିପାଗ ବିଭାଗକୁ ପୂରିବାକୁ ଯାଉଛି ୧୫୦ ବର୍ଷ । ଏହି ଅବସରରେ ଲୋକସେବା ଭବନରେ ଆୟୋଜିତ ସ୍ୱତନ୍ତ୍ର ସଭାରେ ଯୋଗ ଦେଇ ମନ୍ତ୍ରୀ କହିଛନ୍ତି, ରାଜ୍ୟତଥା ଦେଶରେ ଆଇ ଇଏମଡି ଏବଂଏବଂଆଂଚଳିକ ପାଣିପାଗ ବିଭାଗ ଦ୍ଵାରାବିଭିନ୍ନ ବିପର୍ଯ୍ୟୟର ପୂର୍ବାନୁମାନ କରାଯାଇ ସଫଳ ମୁକାବିଲା କରାଯାଉ ପାରୁଛି । ଓଡିଶା ରେ ଦୁଇଟି ଡପଲର ରାଡାର ରହିଛି । ପାରାଦୀପ, ଗୋପାଳପୁରରେ ଡପଲର ରାଡାର ଲାଗିଥିବା ବେଳେ ଝୁବ ଶୀଘ୍ର ଭୁବନେଶ୍ଵର, ବାଲେଶ୍ଵର, ଓ ସମ୍ବଲପୁରରେ ଲାଗିବ। ଏହାଦ୍ଵାରା ପ୍ରାକୃତିକ ବିପର୍ଯ୍ୟୟ ଆକଳନ ଆହୁରି ସଠିକ ହୋଇ ପାରିବ | ଏବେ ଦେଶରେ ୭୩ଟି ରାଡାର ରହିଛି । ୨୦୨୬ ସୁଦ୍ଧା ଏହାକୁ ୧୨୬ କରିବାକୁ ଲକ୍ଷ୍ୟ ରାଖା ଯାଇଛି |