Odisha Janamata : ମେଘାଳୟ ହନିମୁନ କେଶ ରେ ସୋନମ ରଘୁବଂଶୀ ଙ୍କୁ ସୁପ୍ରିମ କୋର୍ଟ ଙ୍କ ବଡ଼ ଝଟକା |

ମେଘାଳୟ ହନିମୁନ କେଶ ରେ ସୋନମ ରଘୁବଂଶୀ ଙ୍କୁ ସୁପ୍ରିମ କୋର୍ଟ ଙ୍କ ବଡ଼ ଝଟକା |

23-Jul-2026

ସୁପ୍ରିମକୋର୍ଟଙ୍କ ବଡ଼ ଝଟକା, ଜାମିନ ବାତିଲ୍, ୩ ସପ୍ତାହ ମଧ୍ୟରେ ଆତ୍ମସମର୍ପଣ ନିର୍ଦ୍ଦେଶ ଦେଲେ ସୋନମ ରଘୁବଂଶୀ ଙ୍କୁ |

ଓଡିଶା ଜନ ମତ ବ୍ୟୁରୋ,

କିଏ କିଏ, ପୁରୁଷ ହେଉ କିମ୍ବା ମହିଳା ମନରେ କପଟ ରଖି ଅର୍ଥ ଲାଳସା ରେ ହେଉ, କିମ୍ବା ପ୍ରତିଶୋଧ ପାରାୟଣ ହେଉ, କିମ୍ବା ପୁରୁଷ ବନ୍ଧୁ ସହ ସମ୍ୱନ୍ଧ ଥାଇ ବାପାମାନଙ୍କ ନିର୍ଦେଶ କୁ ପାଳନ କରି ହେଉ ପୁଅ, ଝିଅ ବିବାହ କରିଥାନ୍ତି | କିନ୍ତୁ ପାରବର୍ତ୍ତୀ ସମୟରେ ତାହା ଅପରାଧ କାହାଣୀ ପାଲଟି ଯାଏ | ଏପରି ଏକ ରାଜ କୁମାର ଓ ରାଜ କୁମାରୀଙ୍କ କାହାଣୀ ମେଘାଳୟର ବହୁଚର୍ଚ୍ଚିତ ହନିମୁନ୍ ମର୍ଡର ମାମଲାରେ ପ୍ରମୁଖ ଅଭିଯୁକ୍ତ ସୋନମ ରଘୁବଂଶୀଙ୍କୁ ବଡ଼ ଝଟକା ଦେଇଛନ୍ତି ସୁପ୍ରିମକୋର୍ଟ । ତାଙ୍କୁ ମିଳିଥିବା ଜାମିନକୁ ବାତିଲ୍ କରିବା ସହ ଆସନ୍ତା ତିନି ସପ୍ତାହ ମଧ୍ୟରେ ଟ୍ରାଏଲ କୋର୍ଟରେ ଆତ୍ମସମର୍ପଣ କରିବାକୁ ସର୍ବୋଚ୍ଚ ନ୍ୟାୟାଳୟ ନିର୍ଦ୍ଦେଶ ଦେଇଛନ୍ତି । ଜଷ୍ଟିସ୍ ଏମ୍‌. ଏମ୍‌. ସୁନ୍ଦରେଶ ଏବଂ ଜଷ୍ଟିସ୍ ପି. ବି. ବାରାଲେଙ୍କ ଖଣ୍ଡପୀଠ ମେଘାଳୟ ସରକାରଙ୍କ ଆବେଦନକୁ ଗ୍ରହଣ କରି କହିଛନ୍ତି, ବିଚାର ପ୍ରକ୍ରିୟା ଚାଲିଥିବା ବେଳେ ସୋନମଙ୍କ ଜାମିନରେ ରହିବା ମାମଲାର ଶୁଣାଣିକୁ ପ୍ରଭାବିତ କରିପାରେ । ତେବେ କୋର୍ଟ କହିଛନ୍ତି, ଯଦି ଛଅ ମାସ ମଧ୍ୟରେ ବିଚାର ପ୍ରକ୍ରିୟାରେ ଆଶାନୁରୂପ ଅଗ୍ରଗତି ନ ହୁଏ, ତେବେ ସୋନମ ପୁଣି ଥରେ ଜାମିନ ପାଇଁ ଆବେଦନ କରିପାରିବେ ।
ଏହି ମାମଲାରେ ପୂର୍ବରୁ ଶିଲଙ୍ଗ ଟ୍ରାଏଲ କୋର୍ଟ ଏବଂ ପରେ ମେଘାଳୟ ହାଇକୋର୍ଟ ସୋନମଙ୍କୁ ଜାମିନ ଦେଇଥିଲେ । ଗିରଫ ସମୟରେ ଆବଶ୍ୟକ ଆଇନଗତ ପ୍ରକ୍ରିୟାରେ ତ୍ରୁଟି ଥିବା ଆଧାରରେ ତାଙ୍କୁ ଏହି ରିହାତି ମିଳିଥିଲା । କିନ୍ତୁ ସୁପ୍ରିମକୋର୍ଟ ଏହି ଯୁକ୍ତିକୁ ଗ୍ରହଣ କରିନାହାନ୍ତି ।
୨୦୨୫ ମେ` ମାସରେ ବିବାହ ପରେ ସୋନମ ଓ ତାଙ୍କ ସ୍ୱାମୀ ରାଜା ରଘୁବଂଶୀ ହନିମୁନ୍ ପାଇଁ ମେଘାଳୟ ଯାଇଥିଲେ । କିଛି ଦିନ ପରେ ରାଜାଙ୍କ ମୃତଦେହ ଏକ ଖାତରୁ ଉଦ୍ଧାର ହୋଇଥିଲା । ପୁଲିସର ଅଭିଯୋଗ ଅନୁସାରେ, ସୋନମ ତାଙ୍କ କଥିତ ପ୍ରେମିକ ରାଜ କୁଶୱାହା ଏବଂ ଅନ୍ୟ ତିନି ଜଣଙ୍କ ସହ ମିଶି ପ୍ରାୟ ୨୦ ଲକ୍ଷ ଟଙ୍କାର ସୁପାରି ଦେଇ ଏହି ହତ୍ୟାକାଣ୍ଡର ଷଡ଼ଯନ୍ତ୍ର କରିଥିଲେ । ସୋନମ ତେବେ ନିଜ ବିରୋଧରେ ଆସିଥିବା ସମସ୍ତ ଅଭିଯୋଗକୁ ଖଣ୍ଡନ କରି ତାଙ୍କୁ ମିଥ୍ୟା ମାମଲାରେ ଫସାଯାଇଥିବା ଦାବି କରିଆସୁଛନ୍ତି ।