Odisha Janamata : ସୁରଟ ବନ୍ୟାରେ ନିଖୋଜ ଥିବା କବିସୂର୍ଯ୍ୟନଗର ର ମନୋଜକୁ ଉଦ୍ଧାର ପାଇଁ ମୁଖ୍ୟମନ୍ତ୍ରୀ ଙ୍କୁ ନିବେଦନ କଲେ ପରିବାର |

ସୁରଟ ବନ୍ୟାରେ ନିଖୋଜ ଥିବା କବିସୂର୍ଯ୍ୟନଗର ର ମନୋଜକୁ ଉଦ୍ଧାର ପାଇଁ ମୁଖ୍ୟମନ୍ତ୍ରୀ ଙ୍କୁ ନିବେଦନ କଲେ ପରିବାର |

11-Jul-2026

ଗଞ୍ଜାମ କବିସୂର୍ଯ୍ୟନଗର ବ୍ଲଜର ଯୁବକ ସୁରତରେ ବନ୍ୟା ପାଣିରେ ନିଖୋଜ,

( ଯୁବକଙ୍କୁ ଉଦ୍ଧାର ପାଇଁ ମୁଖ୍ୟମନ୍ତ୍ରୀ ଙ୍କୁ ଗୁହାରି କଲେ ପରିବାର |

ଓଡିଶା ଜନ ମତ ବ୍ୟୁରୋ,

ଏହି କିଛି ଦିନ ର ଲଗାଣ ମୌସୁମୀ ବର୍ଷାରେ ବେହାଲ ହୋଇଛି ଭାରତ ର ବିଭିନ୍ନ ସହର | ସେମଧ୍ୟରେ ଦିଲ୍ଲୀ ହେଉ କିମ୍ବା ମହାରାଷ୍ଟ୍ର ହେଉ ଅବା ଗୁଜୁରାଟ ର ସୁରଟ ହେଉ | ଗୁଜରାଟର ସୁରତ ସହରରେ ଲଗାଣ ବର୍ଷା ଯୋଗୁଁ ସୃଷ୍ଟି ହୋଇଥିବା ବନ୍ୟା ପରିସ୍ଥିତି ମଧ୍ୟରେ ଜଣେ ଓଡ଼ିଆ ଯୁବକ ନିଖୋଜ ହୋଇଥିବା ଅଭିଯୋଗ ଆସିଛି । ଗଞ୍ଜାମ ଜିଲ୍ଲା କବିସୂର୍ଯ୍ୟନଗର ବ୍ଲକ ଗୁଡ଼ଆଳି ଗ୍ରାମର ସ୍ଵରାଜ୍ୟ କୁମାର ଜେନା ତିନି ଦିନ ହେଲା ନିଖୋଜ ଥିବା ବେଳେ ପରିବାର ଲୋକେ ତାଙ୍କୁ ଉଦ୍ଧାର ପାଇଁ ଓଡ଼ିଶା ସରକାରଙ୍କ ହସ୍ତକ୍ଷେପ ଲୋଡ଼ିଛନ୍ତି। ଗଞ୍ଜାମ ଜିଲ୍ଲା କବିସୂର୍ଯ୍ୟନଗର ଥାନା ଅନ୍ତର୍ଗତ ଗୁଡ଼ିଆଳି ଗ୍ରାମର ସ୍ୱରାଜ୍ୟ ପ୍ରାୟ ଦୁଇ ମାସ ତଳେ କାମ କରିବା ପାଇଁ ସୁରତ ଯାଇଥିଲେ। ପରିବାରର କହିବା ଅନୁଯାୟୀ, ତିନି ଦିନ ତଳେ ସେ ଶେଷଥର ପାଇଁ ଫୋନରେ କ‌ଥା ହୋଇଥିଲେ | ୮୦ ବର୍ଷର ଏକ ମା ପୁଅକୁ ଝୁରି ଝୁରି କାନ୍ଦୁଥିବା ବେଳେ ସରକାରଙ୍କୁ ନେହୁରା ହୋଇ ନିବେଦନ କରିଛନ୍ତି । ସେ କାମ ସାରି ଘରକୁ ଫେରୁଥିବା ବେଳେ ବନ୍ୟା ପାଣିରେ ଭାସିଯାଇ ଏକ ଗଟରରେ ସେ ଫସିଯାଇଥିବା ସୂଚନା ମିଳିଥିଲା । ପରେ ତାଙ୍କ ମଝିଆ ଭାଇ ଓ ସହକର୍ମୀ ମାନେ ବହୁ ଖୋଜାଖୋଜି କରିଥିଲେ ମଧ୍ୟ ଏପର୍ଯ୍ୟନ୍ତ ତାଙ୍କର କୌଣସି ସନ୍ଧାନ ମିଳିନାହିଁ | ଏହି ଘଟଣାକୁ ନେଇ ସୁରତର ବାମ୍ବରୋଲି ଥାନାରେ ଏକ ଲିଖିତ ଅଭିଯୋଗ ଦାଖଲ ହୋଇ ଥିବା ସୂଚନା ରହିଛି। ଅନ୍ୟ ପଟେ, ପୁଅର ସୁରକ୍ଷିତ ଉଦ୍ଧାର ଏବଂ ଖୋଜାଖୋଜି ପ୍ରକ୍ରିୟାକୁ ତ୍ୱରାନ୍ବିତ କରିବା ପାଇଁ ପରିବାର ଲୋକେ ଓଡ଼ିଶା ସରକାରଙ୍କ ହସ୍ତକ୍ଷେପ ପାଇଁ ନିବେଦନ କରିଛନ୍ତି | ତେବେ ଗୁଡ଼ିଆଳି ଗ୍ରାମବାସୀ ତାଙ୍କ ଫେରିବା ବାଟକୁ ଚାତକ ପରି ଚାହିଁ ରହିଛନ୍ତି | ଏପଟେ କବିସୂର୍ଯ୍ୟନଗର ବିଧାୟକ ପ୍ରତାପ ଚନ୍ଦ୍ର ନାୟକ ମଧ୍ୟ ମୁଖ୍ୟମନ୍ତ୍ରୀ ଙ୍କ ସହ ଯୋଗାଯୋଗ କରି ମନୋଜ ର ଫେରିବାକୁ ଗୁଜୁରାଟ ସରକାର ଙ୍କସହ କଥାବାର୍ତା କରିଛନ୍ତି |