Odisha Janamata : ସେଲ୍ଫି ନେବା ହେଲା କାଳ, ଦଶମ ଶ୍ରେଣୀ ଛାତ୍ର ଙ୍କ ମୃତ୍ୟୁ |

ସେଲ୍ଫି ନେବା ହେଲା କାଳ, ଦଶମ ଶ୍ରେଣୀ ଛାତ୍ର ଙ୍କ ମୃତ୍ୟୁ |

11-Jul-2026

ଝରଣରେ ସେଲ୍ଫି ନେଲାବେଳେ ତଳେ ପଡ଼ି ଯୁବକ ଙ୍କ ମୃତ୍ୟୁ |

ଓଡିଶା ଜନ ମତ, ରାୟଗଡା, କାମେଶ୍ୱର କର କରିଆ :----

ଆଜିକାଲି ଯୁବକ, ଯୁବତୀ ମାନେ ସେଲ୍ଫି ପାଇଁ ଏତେ ବ୍ୟସ୍ତ ରହୁଛନ୍ତି ଯେ ସେମାନଙ୍କ ବେଳେ ବେଳେ ସେମାନଙ୍କ ଜୀବନ ଚାଲିଯାଏ ତ ଆଉ କେଉଁମାନେ ପଙ୍ଗୁ ହୋଈ ଯାଆନ୍ତି | ତଥାପି ବିପଦ ପୂର୍ଣ୍ଣ ସ୍ଥାନ ମାନଙ୍କ ରେ ସେଲ୍ଫି ନେଇଥାନ୍ତି | ସେହି ସେଲ୍ଫି ହେଲା କାଳ । ଝରଣା ଉପରେ ସେଲ୍ଫି ନେବାବେଳେ ଜଣେ ଦଶମ ଶ୍ରେଣୀର ଛାତ୍ର ମୃତ୍ୟୁ । ରାୟଗଡ଼ା ଜିଲ୍ଲା4 ଅମ୍ବାଦଳା ଥାନା ଅନ୍ତର୍ଗତ କୁଲେରପଟା ଗାଁର ଏଭଳି ଘୋଟଣା ଘଟିଛି । ଉକ୍ତ ଗାଁର ଦାସ ପୂଜାରୀଙ୍କ ପୁଅ ଲଳିତ ପୂଜାରୀ । ନିଜ ସହପାଠୀଙ୍କ ସହ ବୁଜିବାଙ୍ଗ ଝରଣାକୁ ଯାଇଥିଲେ ସେଠାରେ ସେଲଫି ନେବା ସମୟରେ ତଳେ ପଡି ମୃତ୍ୟୁ ହୋଇଥିବା ଜଣାପଡିଛି । ମୃତ୍ୟୁଛାତ୍ରଙ୍କୁ ପ୍ରଥମେ ବିଶ୍ୱନାଥପୁର ମେଡିକାଲ ଏବଂ ପରେ ଭବାନୀପାଟଣା ମେଡିକାଲକୁ ନିଆଯାଇଥିଲା। ସେଠାରୁ ବୁର୍ଲା ମେଡ଼ିକାଲକୁ ସ୍ଥାନାନ୍ତର ବେଳେ ବାଟରେ ତାଙ୍କର ମୃତ୍ୟୁ ହୋଇଥିଲା। ଘଟଣାକୁ ନେଇ ଏବେ ଉଠିଛି ନୂଆ ବିବାଦ। ସହପାଠୀ ଓ ଗ୍ରାମବାସୀଙ୍କ ଦାବି, ଲଳିତ ସେଦିନ ସ୍କୁଲକୁ ଯାଇଥିଲେ। କିନ୍ତୁ ପ୍ରଧାନ ଶିକ୍ଷକଙ୍କ କହିବା କଥା, ସେ ଦୁଇ ଦିନ ହେଲା ବିଦ୍ୟାଳୟକୁ ଆସିନଥିଲେ। ଏହାରି ଭିତରେ ବଡ଼ ପ୍ରଶ୍ନ ଉଠୁଛି—ଯଦି ଛାତ୍ର ସ୍କୁଲକୁ ଆସିନଥିଲେ, ତେବେ ତାଙ୍କ ସ୍କୁଲ ବ୍ୟାଗ ବିଦ୍ୟାଳୟରେ ରହିଲା କେମିତି? ଏବଂ ସେହି ବ୍ୟାଗ ଘରକୁ ପହଞ୍ଚିଲା କିପରି? ଏହି ବିରୋଧାଭାସୀ ତଥ୍ୟକୁ ନେଇ ସମଗ୍ର ଘଟଣାର ନିରପେକ୍ଷ ତଦନ୍ତ ଦାବି କରିଛନ୍ତି ସ୍ଥାନୀୟ ଲୋକ।