Odisha Janamata : ଆର୍ଟ ଅଫ ଗିଭିଙ୍ଗ ପକ୍ଷରୁ ଭଲିବଲ ପ୍ରତିଯୋଗିତା ଓ ସମ୍ବର୍ଦ୍ଧନା ଅନୁଷ୍ଠିତ |

ଆର୍ଟ ଅଫ ଗିଭିଙ୍ଗ ପକ୍ଷରୁ ଭଲିବଲ ପ୍ରତିଯୋଗିତା ଓ ସମ୍ବର୍ଦ୍ଧନା ଅନୁଷ୍ଠିତ |

16-May-2026

ଆର୍ଟ ଅଫ୍ ଗିଭିଂ ପକ୍ଷରୁ ଭଲିବଲ ପ୍ରତିଯୋଗିତା ଓ ସମ୍ବର୍ଦ୍ଧନା,

ଓଡ଼ଶା ଜନମତ , ଯାଜପୁର ୧୬/୫,

ପ୍ରଦୀପ କୁମାର ମଲ୍ଲିକ :----

କିଟ୍, କିସ୍ ପ୍ରତିଷ୍ଠାତା ଅଚ୍ୟୁତ ସାମନ୍ତଙ୍କ ଆର୍ଟ ଅଫ୍ ଗିଭିଙ୍ଗ ପକ୍ଷରୁ ଭଲି ବଲ ପ୍ରତିଯୋଗିତା ଓ ବିଭିନ୍ନ କ୍ଷେତ୍ରରେ ସଫଳତା ହାସଲ କରିଥିବା ବ୍ୟକ୍ତି ବିଶେଷଙ୍କୁ ସମ୍ବର୍ଦ୍ଧିତ କରାଯାଇଛି । ଖେଳାଳୀ ମାନଙ୍କୁ କ୍ରୀଡା କିଟ୍, ଟୋପି ଓ ଟି ସାର୍ଟ ପ୍ରଦାନ କରାଯାଇଛି । ବିଜୟୀ ସିଂହପୁର ଭଲି ବଲ ଟିମ୍ କୁ ମୁଖ୍ୟ ଅତିଥି ସୁଶାନ୍ତ କୁମାର ନାୟକ ଟ୍ରଫି ଓ ମାନପତ୍ର ପ୍ରଦାନ କରିବା ସହ ଉପବିଜେତା ମଲିଆ ଦଳକୁ ଟ୍ରଫି ପ୍ରଦାନ କରାଯାଇଥିଲା ।
ଆଜି ଅପରାହ୍ନରେ ସିଂହପୁର କାକୁଡି ପଡ଼ିଆରେ ଆର୍ଟ ଅଫ ଗିଭିଙ୍ଗ ପକ୍ଷରୁ ଭଲି ବଲ ପ୍ରତିଯୋଗିତା ଅନୁଷ୍ଠିତ ହୋଇଯାଇଛି। ସିଂହପୁର ଦଳ ମଲିଆ ଦଳକୁ ହରାଇ ବିଜୟୀ ହୋଇଥିଲା । ଶ୍ରୀକାନ୍ତ ଘଡାଇ ଖେଳ ପରିଚାଳନା କରିଥିଲେ । ଏହି ଅବସରରେ ସ୍ଥାନୀୟ ସରପଞ୍ଚ ଶଶାଙ୍କ ଶେଖର ଖିଲାର, ଉପଦେଷ୍ଟା ସୁଶାନ୍ତ କୁମାର ନାୟକ ଆଦର୍ଶ ଶିକ୍ଷକ ନାରାୟଣ ଚନ୍ଦ୍ର ଦାସ,ମଳୟ କୁମାର ଥାଟୋଇ,ଦେବେନ୍ଦ୍ର ସାମଲଙ୍କୁ ଅନୁଷ୍ଠାନ ପକ୍ଷରୁ ସମ୍ବର୍ଦ୍ଧିତ କରାଯାଇଥିଲା । ଗ୍ରାମାଞ୍ଚଳରେ ଭଲି ବଲ ଖେଳକୁ ପ୍ରୋତ୍ସାହନ ଦେବା ଆଜିର ଆହ୍ବାନ ବୋଲି ମୁଖ୍ୟ ଅତିଥି ଶ୍ରୀ ନାୟକ କହିବା ସହ ଡ ଅଚ୍ୟୁତ ସାମନ୍ତଙ୍କ ଭୂୟସୀ ପ୍ରଶଂସା କରିଥିଲେ।