Odisha Janamata : ଜଣେ ମୁକ, ବଧିରମାନସିକ ଅନଗ୍ରସର ନାବାଳିକା ଙ୍କୁ ଦୁଷ୍କର୍ମ |

ଜଣେ ମୁକ, ବଧିରମାନସିକ ଅନଗ୍ରସର ନାବାଳିକା ଙ୍କୁ ଦୁଷ୍କର୍ମ |

27-Feb-2026

ବାମରା ରେ ମାନସିକ ଅନଗ୍ରସର ମୁକ ବଧିର ନାବାଳିକାଙ୍କୁ ଦୁଷ୍କର୍ମ,

ଓଡିଶା ଜନ ମତ ବ୍ୟୁରୋ,

ସମ୍ବଲପୁର ଜିଲ୍ଲା ବାମରା ବ୍ଲକ ଗୋବିନ୍ଦପୁର ଥାନା ଅଞ୍ଚଳର ଜଣେ ମାନସିକ ବିକ୍ଷିପ୍ତ ନାବାଳିକା, ଦୁଷ୍କର୍ମ ର ଶିକାର ହୋଇ ଗର୍ଭବତୀ ହୋଇଥିବା ଭଳି ଲଜ୍ଜାଜନକ ଘଟଣା ଘଟିଥିବା ଜଣାପଡିଛି। ସୂଚନା ଅନୁସାରେ ଗୋବିନ୍ଦପୁର ଥାନା ଅଞ୍ଚଳ ର ଜଣେ ୧୪ ବର୍ଷୀୟ ମାନସିକ ଅନଗ୍ରସର ତଥା ମୁକ ବଧିର ନାବାଳିକାଙ୍କ ଅସ୍ବାଭାବିକ ଭାବେ ପେଟ ବଢ଼ିବଢ଼ି ଚାଲିଥିବା ବେଳେ ଏହାକୁ ନେଇ ତାଙ୍କ ବାପାମାଆ ସନ୍ଦେହ କରିଥିଲେ। ବୁଧବାର ଦିନ ସେମାନେ ସମ୍ପୃକ୍ତ ନାବାଳିକା ଙ୍କ ଡ଼ାକ୍ତରୀ ଯାଞ୍ଚ କରାଇଥିବା ବେଳେ ସେ ଗର୍ଭବତୀ ଥିବା ଜଣାପଡିଥିଲା। ମାତ୍ର ନାବାଳିକା ଜଣକ ମୁକ ବଧିର ଥିବା ବେଳେ କିଏ ତାଙ୍କ ସହ ଦୁଷ୍କର୍ମ କଲା ସେ କହି ପାରୁ ନାହାଁନ୍ତି। ଏହାକୁ ନେଇ ପୀଡ଼ିତାଙ୍କ ମାଆ ଗୋବିନ୍ଦପୁର ଥାନାରେ ଲିଖିତ ଅଭିଯୋଗ କରିଥିବା ବେଳେ ପୋଲିସ ଉକ୍ତ ଘଟଣା କୁ ନେଇ ଯାଞ୍ଚ ଆରମ୍ଭ କରିଥିବା ସୂଚନା ରହିଛି। ନାବାଳିକା ଜଣକ ପ୍ରାୟ ୪ ମାସର ଗର୍ଭବତୀ ଥିବା ଅନୁମାନ କରାଯାଉଛି। ଗୁରୁବାର ଦିନ ତାଙ୍କ ଡ଼ାକ୍ତରିମାଇନା କରାଯାଇଛି। ଜଣେ ମୁକ ବଧିର ତଥା ମାନସିକ ଅନଗ୍ରସର ନାବାଳିକା ଙ୍କ ସହ ଏପରି ଅମାନୁଷିକ ଘଟଣା ଜାଣି ସମସ୍ତେ ସ୍ତବ୍ଧ ହୋଇ ପଡିଛନ୍ତି। ଅନ୍ୟ ପଟେ ପୋଲିସ ଏନେଇ ସନ୍ଧ୍ୟା ୬ ଟାରେ ଗୋବିନ୍ଦପୁର ଥାନାରେ ପୋସ୍କୋ ଓ ବଳାତ୍କାର ନେଇ ଏକ ମାମଲା ରୁଜୁ କରାଯାଇଛି। ଏସଆଇ ଫିରୋଜ ଏକ୍କା ଉକ୍ତ ଘଟଣାର ତଦନ୍ତ ଦାଇତ୍ୱ ତୁଲାଉଛନ୍ତି।