ପୁରୁଷୋତ୍ତମପୁର ବୈଠକ ହଲରେ ସାଇବର ଠକେଇ ସଚେତନତା କାର୍ଯ୍ୟକ୍ରମ ଅନୁଷ୍ଠିତ |
21-Feb-2026
ପୁରୁଷୋତ୍ତମପୁର ଆଇସିଡିଏସ ପକ୍ଷରୁ ସାଇବର ସୁରକ୍ଷା ସଚେତନତା ଏବଂ ଶପଥ ପଠ ଅନୁଷ୍ଠିତ,
ଓଡିଶା ଜନ ମତ ବ୍ୟୁରୋ,
ପୁରୁଷୋତ୍ତମପୁର ସମନ୍ୱିତ ଶିଶୁ ବିକାଶ ପ୍ରକଳ୍ପ କାର୍ଯ୍ୟାଳୟ ପକ୍ଷରୁ ବ୍ଲକ ସମ୍ମିଳନୀ କକ୍ଷରେ ସାଇବର ସୁରକ୍ଷା ସଚେତନତା କର୍ମଶାଳା କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । ସରକାରଙ୍କ ବହୁ ଆଶା ଓ ଆକାଂକ୍ଷାର ପ୍ରତୀକ "ବେଟି ବଚାଓ, ବେଟି ପଢାଓ" ଏବଂ "ବାଲ୍ୟ ବିବାହ ମୁକ୍ତ ଭାରତ" ଯୋଜନା ଆନୁକୂଲ୍ୟରେ ଆୟୋଜିତ କାର୍ଯ୍ୟକ୍ରମକୁପୁରୁଷୋତ୍ତମପୁର ସିଡିପିଓ ଲଳିତା ମଲ୍ଲିକ ଅଧ୍ୟକ୍ଷତା କରିଥିଲେ ।
ଏଥିରେ ମୁଖ୍ୟ ଅତିଥି ଭାବେ ଜିଲ୍ଲା ସମାଜ ମଙ୍ଗଳବାଲ୍ୟ ବିବାହନିଷେଧ ସଂଯୋଜିକା ଗୀତାଞ୍ଜଳିମହାରଣା,ପୁରୁଷୋତ୍ତମପୁର ଥାନା ଏସ ଆଇଆଦିତ୍ୟ ନାରାୟଣ ପାତ୍ର, ରିସୋର୍ଚ୍ ପର୍ସନ ଆଇନଜୀବୀ ସନ୍ତୋଷ କୁମାର ସେଠୀ, ଏବିଓ ଦେବ ରଞ୍ଜନ ବେହେରା, ଜିଲ୍ଲା ମିଶନ ଶକ୍ତିମହିଳା ସଶସ୍ତି କରଣ କାର୍ଯ୍ୟ ନିର୍ବାହୀ ଅଧିକାରୀ ବବିତା ମହାରଣା ଓ ସତ୍ୟ ନାରାୟଣ ପଣ୍ଡା, ଅତିଥି ଭାବେ ଯୋଗ ଦେଇଥିଲେ |
ଏହି ଅବସରରେ ଉପସ୍ଥିତ ଅତିଥି ମାନେ ଅଞ୍ଚଳର ୮ମ ଶ୍ରେଣୀରୁ କଲେଜ ପର୍ଯ୍ୟନ୍ତ ଯୋଗଦେଇଥିବା କିଶୋରୀ, ଅଙ୍ଗନୱାଡି କର୍ମୀ, ଆଶା, ଓ ସିଆରପି ମାନଙ୍କୁ ଅତିଥି ମାନେ ସାମ୍ପ୍ରତିକ ସମୟରେ ମୋବାଇଲର ବ୍ୟବହାର ସତର୍କତା ଭାବେ ନ କରାଯାଉଥିବାରୁ ବିଭିନ୍ନ ଉପାୟମାନ ଅବଲମ୍ବନ କରି ସାଇବର ଅପରାଧୀମାନେ ଜନସାଧାରଣଙ୍କୁ ନିଜ ଜାଲରେ ଫସାଇ ଅନାୟସରେ ଟଙ୍କା ଲୁଟ୍ କରିବାରେ ସକ୍ଷମ ହେଉଥିବା କହିବା ସହିତ କ୍ରେଡିଟ୍ କାର୍ଡ, ଡେବିଟ୍ କାର୍ଡ ବ୍ୟବହାର, ଅନଲାଇନ୍ ଟ୍ରାନଜେସନ ଏଵଂ ମୋବାଇଲରେ ତଥ୍ୟ ଆଦାନ ସମୟରେ ସତର୍କ ଓ ସଜାଗ ରହିବା ଦିଗରେ ପରାମର୍ଶ ଦେଇଥିଲେ ।ଏହି ଅବସରରେ ଏକ ଶପଥ ପାଠ କରାଯିବାପରେ ୩ ଜଣ କିଶୋରୀ ଚମ୍ପିୟାନ ଛାତ୍ରୀଙ୍କୁ ପ୍ରସ°ଶାପତ୍ର ସହିତ ୧ହଜାର ଅର୍ଥରାଶି ଦିଆଯାଇଥିଲା । ଏହି କାର୍ଯ୍ୟକ୍ରମ କୁ ସମନ୍ୱିତ ଶିଶୁ ବିକାଶ ବିଭାଗର ସମସ୍ତ ସୁପର ଭାଇଜର, ଷ୍ଟାଫ, କର୍ମଚାରୀ ଓ ସୁଭଦ୍ରା ଯୋଜନାର ସଂଯୋଜିକା ମାନେ ସମୁର୍ଣ ଭାବେ ଉପସ୍ଥିତ ରହି ସହଯୋଗ କରିଥିଲେ |
Breaking
News