Odisha Janamata : ବେଲଘର ବନାଞ୍ଚଳ, ଜଙ୍ଗଲ ରେ ହାତୀ ମୃତ୍ୟୁ ଘଟଣା କୁ ଚପାଇ ଦେବା ଅଭିଯୋଗ ରେ ରେଞ୍ଜର ନିଲମ୍ବିତ |

ବେଲଘର ବନାଞ୍ଚଳ, ଜଙ୍ଗଲ ରେ ହାତୀ ମୃତ୍ୟୁ ଘଟଣା କୁ ଚପାଇ ଦେବା ଅଭିଯୋଗ ରେ ରେଞ୍ଜର ନିଲମ୍ବିତ |

20-Jan-2026

ବେଲଘର ବନାଞ୍ଚଳ: ଜଙ୍ଗଲ ରେ ହାତୀ ମୃତ୍ୟୁ ଘଟଣାକୁ ଚପାଇ ଦେବା ଅଭିଯୋଗରେ ରେଞ୍ଜର ନିଲମ୍ବିତ,

ଓଡିଶା ଜନମତ,ବାଲିଗୁଡା, ତା, ୨୦/୦୧:

ସଞ୍ଜୟ କୁମାର ପାଣିଗ୍ରାହୀ):

କନ୍ଧମାଳ ଜିଲ୍ଲା ବାଲିଗୁଡ଼ା ବନଖଣ୍ଡର ବେଲଘର ବନାଞ୍ଚଳ ଅନ୍ତର୍ଗତ ଝିରିପାଣି ସେକ୍ସନର ସିମିଲିପଦର ନିକଟସ୍ଥ ମୁଣ୍ଡୁଟି ଜଙ୍ଗଲରେ ଗତ ୫ ତାରିଖ ଦିନ ଏକ ହାତୀର ମୃତ୍ୟୁ ଘଟିଥିଲା । କାହାକୁ କିଛି ନଜଣାଇ ବେଲଘର ବନବିଭାଗ ଅଧିକାରୀ ଓ କର୍ମଚାରୀ ମୃତ ହାତୀର ଶବକୁ ଖଣ୍ଡ ଖଣ୍ଡ କରି କାଟି ଗାତ ଖୋଳି ପୋତି ଦେଇଥିବା ଘଟଣା ୧୨ ଦିନ ପରେ ସାମ୍ନାକୁ ଆସିଥିଲା । କିନ୍ତୁ ଘଟଣାକୁ ଚପାଇ ଦେବାକୁ ଉଦ୍ୟମ କରିଥିଲେ ବେଲଘର ରେଞ୍ଜର ବିନୟ କୁମାର ବିଶି । ଘଟଣା ସମ୍ପର୍କରେ ଖବର ପାଇ ବାଲିଗୁଡ଼ା ଡିଏଫ୍ଓ ଘନଶ୍ୟାମ ମହନ୍ତ ପ୍ରଥମେ ଏସିଓଫ୍ ସୂର୍ଯ୍ୟକାନ୍ତ ବେହେରା ଙ୍କୁ ପଠାଇଥିଲେ ଏବଂ ପରେ ନିଜେ ଘଟଣାସ୍ଥଳକୁ ଯାଇ ତଦନ୍ତ କରିବା ପରେ ଘଟଣାରେ ସତ୍ୟତା ଥିବା ଜାଣିବାକୁ ପାଇଥିଲେ । ଘଟଣାର ପ୍ରଥମ ତଦନ୍ତ ପର୍ଯ୍ୟାୟରେ ବୁଧବାର ବେଲଘର ରେଞ୍ଜର ବିନୟ କୁମାର ବିଶି ଙ୍କୁ ନିଲମ୍ବନ କରାଯାଇଥିବା ବେଳେ ଏବେବି ପୁଣି ଏକ ସ୍ବତନ୍ତ୍ର ଟିମ୍ ସହ ବେଲଘର ବନାଞ୍ଚଳରେ ତଦନ୍ତ ଜାରି ରଖିଛନ୍ତି ବାଲିଗୁଡ଼ା ଡିଏଫ୍ଓ ।