Odisha Janamata : 1980 ମସିହା ଖୋର୍ଦ୍ଧା ବିଜେବି ହାଇସ୍କୁଲ ର ମାଟ୍ରିକ ବ୍ୟାଚ ର ବନ୍ଧୁ ମିଳନ ଅନୁଷ୍ଠିତ |

1980 ମସିହା ଖୋର୍ଦ୍ଧା ବିଜେବି ହାଇସ୍କୁଲ ର ମାଟ୍ରିକ ବ୍ୟାଚ ର ବନ୍ଧୁ ମିଳନ ଅନୁଷ୍ଠିତ |

11-Jan-2026

ଖୋର୍ଦ୍ଧା ବିଜେବି ହାଇସ୍କୁଲର ୧୯୮୦ ମସିହା ମେଟ୍ରିକ୍ ବ୍ୟାଚ ବନ୍ଧୁମିଳନ ଅନୁଷ୍ଠିତ,

ଓଡିଶା ଜନମତ, ଖୋର୍ଦ୍ଧା, ଗୋପାଳ କୃଷ୍ଣ ପ୍ରଧାନ

ଆଜି ଖୋର୍ଦ୍ଧା ବି ଜେ ବି ହାଇସ୍କୁଲ ୧୯୮୦ ମସିହା ବ୍ୟାଚର ବନ୍ଧୁମିଳନ ଡେରାସ ଫାର୍ମ ଠାରେ ଅନୁଷ୍ଠିତ ହୋଇଯାଇଅଛି। ୫୦ ରୁ ଉର୍ଦ୍ଧ ସାଙ୍ଗମାନେ ବନ୍ଧୁମିଳନ କାର୍ଯ୍ୟକ୍ରମରେ ଉପସ୍ଥିତ ରହିଥିଲେ। ଏହି ବନ୍ଧୁମିଳନ ଆଜିକୁ ୨୮ ବର୍ଷ ଧରି ନିୟମିତ ଭାବରେ ଚାଲିଆଶୁଛି। ଏହା ପ୍ରତିବର୍ଷ ଜାନୁଆରୀ ଦ୍ୱିତୀୟ ରବିବାର ଦିନ ଧାର୍ଯ୍ୟ ଥିବାବେଳେ ସମସ୍ତ ସାଙ୍ଗମାନେ ଏହାକୁ ମନେରଖି ଏହି ବନ୍ଧୁମିଳନରେ ସାମିଲ ହୋଇ ନିଜକୁ ଧନ୍ୟ ମନେକରିବା ସହିତ ନିଜ ଭିତରେ ଆନନ୍ଦ ଉଲ୍ଲାସ ହୋଇ ଭାବ ପ୍ରବଣ ହୋଇଥାନ୍ତି ବର୍ଷଯାକର ଅନୁଭୂତିକୁ ସାଙ୍ଗ ମାନଙ୍କ ମଧ୍ୟରେ ଉପସ୍ଥାପନ କରି ଆଲୋଚନା ମାଧ୍ୟମରେ ନିଜର ସୁଖ ଦୁଃଖକୁ ଆଦାନ ପ୍ରଦାନ କରିବା ସହ ଯେଉଁ ସାଙ୍ଗମାନେ ନ ଆସିଥାନ୍ତି ସେମାନେ ଫୋନ ମାଧ୍ୟମରେ ସାଙ୍ଗମାନଙ୍କୁ ଶୁଭେଚ୍ଛା ବାର୍ତ୍ତା ପଠାଇ ଥାନ୍ତି। ଆଜିର ଆଲୋଚନାରେ ଅଧିକାଂଶ ସାଙ୍ଗ ପ୍ରସ୍ତାବ ରଖିଲେ ଆମ୍ଭେ ସମସ୍ତେ ବରିଷ୍ଠ ନାଗରିକ ହୋଇଗଲୁ ଏଣୁ ଏକବର୍ଷ ଲମ୍ବା ଦିନ ହୋଇଯାଉଛି ଏଣୁ ଏହି ବନ୍ଧୁମିଳନ ବର୍ଷକୁ ଦୁଇ ଥର କରାଯାଉ। ଏହି ପ୍ରସ୍ତାବକୁ ଆଲୋଚନା ମାଧ୍ୟମରେ ଗୃହୀତ କରାଯାଇ ଚଳିତ ବର୍ଷ ଆସନ୍ତା ଜୁନ ୧୪ ତାରିଖକୁ ସ୍ତିର କରାଯାଇଆଛି। ଏହି ବନ୍ଧୁମିଳନ କାର୍ଯ୍ୟକ୍ରମକୁ ସାଙ୍ଗ ତପୁ ଏବଂ ପ୍ରଭାତ ପରିଚାଳନା କରିଥିଲା ବେଳେ ଅନ୍ୟ ସମସ୍ତ ସାଙ୍ଗ ମାନେ ସହଯୋଗ କରିଥିଲେ।