Odisha Janamata : ଖୋର୍ଦ୍ଧା ଥାନା ପକ୍ଷରୁ ସାତଲକ୍ଷ ଟଙ୍କାର ରୁପା ଅଳଙ୍କାର ଜବତ, ଜଣେ ଗିରଫ |

ଖୋର୍ଦ୍ଧା ଥାନା ପକ୍ଷରୁ ସାତଲକ୍ଷ ଟଙ୍କାର ରୁପା ଅଳଙ୍କାର ଜବତ, ଜଣେ ଗିରଫ |

08-Jan-2026

ଖୋର୍ଦ୍ଧା ଆଦର୍ଶ ଥାନା ପକ୍ଷରୁ ୨ କିଲୋ 638 ଗ୍ରାମ ଅର୍ଥାତ 7 ଲକ୍ଷ ଟଙ୍କାର ରୁପା ଅଳଙ୍କାର ଜବତ :: ଜଣେ ଗିରଫ

ଓଡିଶା ଜନମତ, ଖୋର୍ଦ୍ଧା, ଗୋପାଲକୃଷ୍ଣ ପ୍ରଧାନ

ଖୋର୍ଦ୍ଧା ଆଦର୍ଶ ଥାନା କୁ ଆଜି ମିଳିଛି ବଡ଼ ସଫଳତା l ଗତ ଡିସେମ୍ବର -14 ତାରିଖ ଦିନ ରାତି 2 ରୁ 4 ଟା ଭିତରେ ନୂଆ ବସ ଷ୍ଟାଣ୍ଡ ଠାରେ ଥିବା ସୁନା ଅଳଙ୍କାର ଦୋକାନ ରୁ ଅଳଙ୍କାର ଚୋରି ହୋଇଥିବା ଜଙ୍କିଆ ଥାନା ଗୌଡ଼ପାଟଣା ର ଦିନେଶ କୁମାର ସାଠୁଆ ଖୋର୍ଦ୍ଧା ଆଦର୍ଶ ଥାନାରେ ଲିଖିତ ଅଭିଯୋଗ କରିଥିଲେ l ଏନେଇ ଏସପି ବିବେକାନନ୍ଦ ଶର୍ମା ଙ୍କ ନିର୍ଦେଶ ରେ ଖୋର୍ଦ୍ଧା ଆଦର୍ଶ ଥାନା ଅଧିକାରୀ ସଞ୍ଜୟ କୁମାର ନାୟକ ଏହାକୁ ଗୁରୁତ୍ୱର ସହିତ ନେଇ କେଶ ନମ୍ବର -533/14/12/2025 ଅନୁଯାୟୀ ସବଇନ୍ସପେକ୍ଟର ଦୀନେଶ କୁମାର ପିଙ୍ଗୁଆ ଙ୍କ ନେତୃତ୍ୱ ରେ ଏକ ଟିମ ଗଠନ କରିଥିଲେ lଏଏସ ଆଇ ଫୁଲମଣି ହେମ୍ରମ, ହାବିଲଦାର ଏ. ସାମନ୍ତରାୟ, ଓଏପିଫ -40-ଏସ ହନ୍ତଲ, କନେଷ୍ଟବଳ 204- ପିକେ ସାହୁ, 288-ଡି. ପାଇକରାୟ, ପ୍ରମୁଖ ତୁରନ୍ତ ଘଟଣା ସ୍ଥଳ କୁ ଯାଇ ତଦନ୍ତ କରିବା ସହିତ ଦୋକାନ ଓ ପାଖାପାଖି ସମସ୍ତ ଦୋକାନ, ଅନୁଷ୍ଠାନ ର ସିସି ଟିଭି ଫୁଟେଜ କୁ ଅନୁଧ୍ୟାନ କରିଥିଲେ l ଶେଷରେ ସମସ୍ତ ଦିଗ କୁ ବିଚାର କରି ତଥ୍ୟ ପ୍ରମାଣ ସହିତ ତଦନ୍ତ କାରି ଟିମ ଚୋରି କରିଥିବା ଅଭିଯୁକ୍ତ ପାଖରେ ପହଞ୍ଚିଥିଲେ l ଅଭିଯୁକ୍ତ ଜଣଙ୍କ ଖୋର୍ଦ୍ଧା ଶିଳ୍ପାଞ୍ଚଳ ଥାନା ନିକଟ ଗଡ଼ଖୋର୍ଦ୍ଧା ହାଉସିଂବୋର୍ଡ ର ବୋଲି ଜଣାପଡିଥିଲା l. ପୋଲିସ ପହଁଛି ପ୍ରଥମେ ତାକୁ କାବୁ କରିବା ସହିତ ଅଭିଯୁକ୍ତ ର ବୟାନ ଅନୁସାରେ ନିଜ ବାରିରେ ଲୁଚାଇ ରଖିଥିବା ଚୋରି ରୁପା ଅଳଙ୍କାର ୨ କିଲୋ 638 ଗ୍ରାମ ଉଦ୍ଧାର କରିଥିଲେ l ଯାହାର ବର୍ତମାନ ର ବଜାର ମୂଲ୍ୟ ଆନୁମାନିକ 7 ଲକ୍ଷ ହେବ ବୋଲି ଆଦର୍ଶ ଥାନାରେ ଏକ ସାମ୍ବାଦିକ ସମ୍ମିଳନୀ ରେ ଅତିରିକ୍ତ ଏସପି ଶ୍ରୀନିବାସ ମହାନ୍ତି ସୂଚନା ଦେଇଛନ୍ତି l. ସେହିପରି ଅଭିଯୁକ୍ତ ଠାରୁ ଦୁଇଟି ଲୁହା ରଡ଼, ଗୋଟିଏ ଟିଭିଏସ ଆପାଚି ଓଡି 02 ଏଏକ୍ସ 4860 କୁ ମଧ୍ୟ ଜବତ କରି ଆଜି ଖୋର୍ଦ୍ଧା କୋର୍ଟ ଚାଲାଣ କରିଛି l ଏହି ସାମ୍ବାଦିକ ସମ୍ମିଳନୀ ରେ ଆଦର୍ଶ ଥାନା ଅଧିକାରୀ ସଞ୍ଜୟ କୁମାର ନାୟକ ଙ୍କ ସହିତ ତଦନ୍ତ କାରି ଟିମ ର ସମସ୍ତ ସଦସ୍ୟ ଉପସ୍ଥିତ ଥିଲେl

ସିଏଚ ନୂଆଙ୍ଗା ରେ ଦୁଇଟି ମଣ୍ଡିକୁ ଉଦଘାଟନ କଲେ କବିସୂର୍ଯ୍ୟନଗର ବିଧ୍ୟୟକ ,

ଖୋର୍ଦ୍ଧା ମଣ୍ଡଳ ସ୍ତରୀୟ ସ୍ଥାୟୀ ଜୀବନ ଶୈଳୀ 2026 ପ୍ରଦର୍ଶନୀ |