Odisha Janamata : ସ୍କୁଟି ଆରୋହୀ କୁ ଧକ୍କା ଦେଲା ପିଚୁ ବୋଝେଇ ହାଇୱା , ଜଣେ ମୃତ |

ସ୍କୁଟି ଆରୋହୀ କୁ ଧକ୍କା ଦେଲା ପିଚୁ ବୋଝେଇ ହାଇୱା , ଜଣେ ମୃତ |

11-Dec-2025

ପିଚୁ ବୋଝେଇ ହାଇଓ୍ବାଧକ୍କା ରେ ସ୍କୁଟି ଆରୋହୀ ମୃତ

ଓଡିଶା ଜନ ମତ ବ୍ୟୁରୋ,

ଗଞ୍ଜାମ ଜିଲ୍ଲା ଆସିକା ଥାନା ଅନ୍ତର୍ଗତ କଇଁଫୁଳିଆ ମୁଖ୍ୟ ଛକ ଠାରେ ଆଜି ଏକ ମର୍ମନ୍ତୁଦ ଦୁର୍ଘଟଣା ଘଟିଛି । ଏହି ଦୁର୍ଘଟଣା ସକାଳ ପ୍ରାୟ ୮ ଘଣ୍ଟ ସମୟରେ ଘଟିଥ‌ିବା ଜଣା ପଡିଛି | ଦ୍ରୁତ ଗତିରେ ଏକ ପିଚୁ ବୋଝେଇ ହାଇୱା ଆସି ସ୍କୁଟି ଗାଡିକୁ ଧକ୍କା ଦେଇଥିଲା । । ଏହି ଦୁର୍ଘଟଣାରେ ଆସିକା ଥାନା ଅନ୍ତର୍ଗତ କାଳ କାଳଷଣ୍ଡପୁର ପରାଂୟତ ମୁକୁନ୍ଦପୁର ଗ୍ରାମର ଶିବରାମ ବିଶ୍ଵାଳଙ୍କ ମୃତ୍ୟୁ ହୋଇଥିଲା ।ପ୍ରତିଦିନ ଭଳି ମୃତ ଶିବରାମ ବିଶ୍ଵଳ ନିଜ ସ୍କୁଟି ଜରିଆରେ ରେ କଲେଜ ଛକକୁ ମିସ୍ତ୍ରୀ କାମ ପାଇଁ ଯାଇଥିଲେ । ସେଠାକୁ ଯିବା ସମୟରେ କଇଁଫୁଲିଆ ଛକରେ ପିଚୁ ବୋଝେଇ ହାଇୱା ସାମନାପଟୁ ଧକ୍କା ଦେଇଥିଲା । ଏହି ଧକ୍କା ଫଳରେ ହାଇୱା ଗାଡିଟି ଶିବରାମ ଉପରେ ମାଡି ଚାଲିଯାଇଥିଲା । ଦୁର୍ଘଟଣା ଘଟିବା ପରେ - ସ୍ଥାନୀୟ ଲୋକେ ଗୁରୁତର ଅବସ୍ଥାରେ ଶିବରାମକୁ ଆସିକା ସବଡିଭିଜନ ମେଡିକାଲକୁ ନେଇଥିଲେ । ସେଠାରେ କାର୍ଯ୍ୟରତ ଡାକ୍ଟରଶିବରାମ କୁ ମୃତ ଘୋଷଣା କରିଥିଲେ |
ଦୁର୍ଘଟଣା ଘଟାଇଥିବା ହାଇୱା ଗାଡିକୁ ପୋଲିସ ଜବତ ରଖି ତଦନ୍ତ କାର୍ଯ୍ୟ ଆରମ୍ଭକରିଥିବା ଜଣାପଡିଛି । ମୃତ ଶିବିରାମ ଘରର ଏକ ରୋଜଗାରିଆ ପୁଅ ଥିଲେ । ତାଙ୍କ ମୃତ୍ୟୁ ପରେ ଗାଁରେ ଶୋକର ଛାୟା ଖେଳିଯାଇଛି । ପ୍ରତିଦିନ ଆସିକା ସହରରେ ଛୋଟ ଯାନା ଆରମ୍ଭକରି ଭାରି ଯାନ ଯାତାୟାତା କରୁଥିବା ବେଳେ ରାତି ଦିନ ବାଲି ବୋଝେଇ ଗାଡି, ପିଚୁ ବୋଝେଇ ଗାଡି ଏବଂ ମୋରମ ଗାଡି ଦ୍ରୁତ ଗତିରେ ଯାତାୟାତା କରୁଛି । ଏଥିରେ କୈାଣସି ପ୍ରତିବନ୍ଧକ ନଥୁବା ବେଳେ ଅନେକ ସମୟରେ ଦୁର୍ଘଟଣା ଘଟିବା ସହ ମୁଲ୍ୟବାନ ଜୀବନ ଯାଉଛି । ଏନେଇ ବୁଦ୍ଦିଜୀବୀ ମହଲରେ ସ୍ଥାନୀୟ ପ୍ରଶାସନ କୁ ବହୁବାର ଗୁହାରୀ କରିଥିଲେ ମଧ୍ୟ କୌଣସି ଫଳପ୍ରଦ ହେଉନଥିବା ଘଟଣା ଆଜି ଚିନ୍ତାଜନକ ପରିସ୍ଥିତି ସୃଷ୍ଟି ହୋଇଛି । ସେପେଟ ଦୁର୍ଘଟଣା ରୋକିବା ପାଇଁ ଉଭୟ କେନ୍ଦ୍ର ଓ ରାଜ୍ୟ ସରକାର ବହୁ ପଦକ୍ଷେପ ଗ୍ରହଣ କରିଆସୁଛନ୍ତି । ଦୁର୍ଘଟଣାରେ ମୃତ୍ୟୁ Ishq ସରକାର ପକ୍ଷରୁ ଆର୍ଥକ ରାଶି ପ୍ରଦାନ ପାଇଁ ଘୋଷଣା କରିଛନ୍ତି । ହେଲେ ବିଡମ୍ବନା ର ବିଷୟ ଏହିକି ଆର୍ଥିକ ରାଶି ଏପର୍ଯ୍ୟନ୍ତ କାହାକୁମଧ୍ୟ ମିଳିନଥିବା ତାଙ୍କ ପରିବାର ବର୍ଗ କହିଛନ୍ତି |