Odisha Janamata : ପୋଲସରା ବ୍ରିଲି ଆଣ୍ଟ ସ୍କୁଲ ରେ 2025 ବର୍ଷ ର ବିଜ୍ଞାନ ମେଳା ଅନୁଷ୍ଠିତ |

ପୋଲସରା ବ୍ରିଲି ଆଣ୍ଟ ସ୍କୁଲ ରେ 2025 ବର୍ଷ ର ବିଜ୍ଞାନ ମେଳା ଅନୁଷ୍ଠିତ |

11-Dec-2025

ବ୍ରିଲିଆଣ୍ଟ୍ ହାଇସ୍କୁଲରେ ବିଜ୍ଞାନ ମେଳା -୨୦୨୫।

ଓଡ଼ିଶା ଜନମତ ପୋଲସରା ସନ୍ତୋଷ କୁମାର ପଣ୍ଡା
ତା.୧୧/୧୨/୨୦୨୫:

ପୋଲସରା ଦାଶରଥିନଗର ସ୍ଥିତ ବ୍ରିଲିଆଣ୍ଟ୍ ହାଇସ୍କୁଲରେ ବିଜ୍ଞାନ ମେଳା -୨୦୨୫ ଅନୁଷ୍ଠିତ ହୋଇଥିଲା। ଏଥିରେ ଅନୁଷ୍ଠାନର ଛାତ୍ରଛାତ୍ରୀମାନେ ବିଜ୍ଞାନ ବିଷୟ ଉପରେ ନିଜ ନିଜର ସ୍ୱ-ନିର୍ମିତ ବିଭିନ୍ନ ପ୍ରକଳ୍ପମାନ ପ୍ରଦର୍ଶନ କରିଥିଲେ। ମୁଖ୍ୟ ଅତିଥିଭାବେ ବି.ଡ଼ି.ପୁର ମହାବିଦ୍ୟାଳୟ ଭୌତିକ ଜ୍ଞାନ ବିଭାଗ ଅଧ୍ୟାପକ ମନୋଜ ଦାସ ଏବଂ ସମ୍ମାନୀତ ଅତିଥିଭାବେ ବର୍ତ୍ତିନୀ ବିଜ୍ଞାନ ମହାବିଦ୍ୟାଳୟ ଉଦ୍ଭିଦ ବିଜ୍ଞାନ ବିଭାଗ ଅଧ୍ୟାପିକା ରଶ୍ମିତା ପାଣିଗ୍ରାହୀ ଓ ପୋଲସରା ବିଜ୍ଞାନ ମହାବିଦ୍ୟାଳୟ ଗଣିତ ବିଭାଗ ଅଧ୍ୟାପିକା ସୁମିତା ରାଉତ ପ୍ରମୁଖ ଯୋଗଦେଇଥିଲେ। ଅନୁଷ୍ଠାନ ସଭାପତି ତଥା ଆଇନଜୀବି ବ୍ରଜେନ୍ଦ୍ର ସାହୁଙ୍କ ଅଧ୍ୟକ୍ଷତା ଏବଂ ସମ୍ପାଦିକା ଅମିତା ମିଶ୍ରଙ୍କ ସମ୍ପାଦନାରେ ସମସ୍ତ ଅତିଥିବୃନ୍ଦ କାର୍ଯ୍ୟକ୍ରମର ଶୁଭ ଉଦଘାଟନ କରିବାସହ ପ୍ରଦର୍ଶନୀ ମେଳା ବୁଲି ପ୍ରତିଯୋଗୀ ଛାତ୍ରଛାତ୍ରୀମାନଙ୍କ ଠାରୁ ପ୍ରକଳ୍ପ ବିଷୟଗୁଡ଼ିକୁ ପଚାରି ବୁଝିବା ସହିତ ଆବଶ୍ୟକ ପରାମର୍ଶ ଦେଇଥିଲେ। ପରେ ଅନୁଷ୍ଠିତ ପୁରସ୍କାର ବିତରଣ ସଭାରେ ଅତିଥିମାନେ ପିଲାମାନଙ୍କୁ ଦିଗଦର୍ଶନ ଦେବା ସହିତ ସେମାନଙ୍କର ଭବିଷ୍ୟତ ଉଜ୍ଵଳ କାମନା ଏବଂ ଅନୁଷ୍ଠାନର ଉତ୍ତରୋତ୍ତର ଶୁଭକାମନା କରିଥିଲେ। ଏଥିସହ ପ୍ରୀ ପ୍ରାଇମେରୀ ନର୍ସରୀର ପ୍ରଥମ ସ୍ଥାନ ଅଧିକାର କରିଥିବା ଛାତ୍ରୀ ହିମାନସି ଡାକୁଆ, ଦ୍ୱିତୀୟ ସ୍ଥାନ ଅଧିକାର କରିଥିବା ଛାତ୍ର ଅଦଭିତ ଓମକାର ମହାପାତ୍ର ଓ ତୃତୀୟ ସ୍ଥାନ ଅଧିକାର କରିଥିବା ଏଲକେ ଜି ଛାତ୍ରୀ ନେହାନସି ବିଷୋୟୀଙ୍କ ସମେତ ପ୍ରାଇମେରୀର ପ୍ରଥମ ସ୍ଥାନ ଅଧିକାର କରିଥିବା ତୃତୀୟ ଶ୍ରେଣୀର ଛାତ୍ରୀ ଆଦ୍ୟାସା ପ୍ରିୟଦର୍ଶିନୀ ଓ ଦ୍ଵିତୀୟ ସ୍ଥାନ ଅଧିକାର କରିଥିବା ଛାତ୍ରୀ ସୋମାଲିନ୍ ସାହୁ,ତୃତୀୟ ସ୍ଥାନ ଅଧିକାର କରିଥିବା ଷଷ୍ଠ ଶ୍ରେଣୀର ଛାତ୍ରୀ ଶୁଭଦର୍ଶିନୀ ସାହୁ ପ୍ରମୁଖଙ୍କୁ ଅନୁଷ୍ଠାନ ତରଫରୁ ଅତିଥିବୃନ୍ଦଙ୍କ କରକମଳରୁ ପ୍ରଶ°ସାପତ୍ର ସହିତ ଟ୍ରଫି ଓ ପୁସ୍ତକ ପ୍ରଦାନ କରାଯାଇଥିଲା। ଶେଷରେ ଜାଦୁଗର ଜିତୁ ସାର୍ ନିଜର ଜାଦୁ ବିଦ୍ୟାବଳରେ ମନୋରଞ୍ଜନ କରିଥିବାବେଳେ କାର୍ଯ୍ୟକ୍ରମରେ ନିଳମାଧବ ରାଉତ,ସମୀର ଜାନୀ, ମଣିରଂଜନ ବେହେରା,ଅଭିଭାବକ ବୃନ୍ଦ ଏବଂ ସମସ୍ତ ଶିକ୍ଷକ ଓ ଶିକ୍ଷୟତ୍ରୀମାନେ ଉପସ୍ଥିତ ରହି ସହଯୋଗ କରିଥିଲେ।