Odisha Janamata : ଟାଙ୍ଗିଆ ପଡା ରେ ତାଳୁକା ସ୍ତରୀୟ ଆଇନ ସଚେତନତା କାର୍ଯ୍ୟକ୍ରମ ଅନୁଷ୍ଠିତ |

ଟାଙ୍ଗିଆ ପଡା ରେ ତାଳୁକା ସ୍ତରୀୟ ଆଇନ ସଚେତନତା କାର୍ଯ୍ୟକ୍ରମ ଅନୁଷ୍ଠିତ |

02-May-2025

ଟାଙ୍ଗିଆପଡା ରେ ତାଲୁକ ସ୍ତରୀୟ ଆଇନ ସଚେତନତା କାର୍ଯ୍ୟକ୍ରମ,
(୧୪ ଜଣକୁ ଅଣସଙ୍ଗଠିତ ଶ୍ରମିକ କାର୍ଡ ବଣ୍ଟନ |

ଓଡିଶା ଜନମତ, ଖୋର୍ଦ୍ଧା, ଗୋପାଳକୃଷ୍ଣ ପ୍ରଧାନ,

ଖୋର୍ଦ୍ଧା ବ୍ଲକ ଅଧିନ ଟାଙ୍ଗିଆପଡା ପଞ୍ଚାୟତ କାର୍ଯ୍ୟାଳୟ ପରିସରରେ ଖୋର୍ଦ୍ଧା କୋର୍ଟ ପକ୍ଷରୁ ଅନ୍ତର୍ଜାତୀୟ ଶ୍ରମିକ ଦିବସ ଉପଲକ୍ଷେ ତାଲୁକ ସ୍ତରୀୟ ଆଇନି ସଚେତନତା କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି।ଖୋର୍ଦ୍ଧା ପ୍ରଥମ ଅତିରିକ୍ତ ଜିଲ୍ଲା ବିଚାରପତି ରଞ୍ଜୁଲତା ଲେଙ୍କା ଙ୍କ ଅଧ୍ୟକ୍ଷତାରେ ଦ୍ୱିତୀୟ ଅତିରିକ୍ତ ଜିଲ୍ଲା ବିଚାରପତି ସୁଷମା ସ୍ୱାଇଁ,ଏସଡିଜେଏମ ପ୍ରତାପ ଚନ୍ଦ୍ର ପୃଷ୍ଟି,ସିଭିଲ ଜର୍ଜ (କନିଷ୍ଠ)କମ ଜେଏମଏଫସି ଶ୍ରୀପର୍ଣ୍ଣା ମହାପାତ୍ର,ଜେଏମଏସସି ମିସ ଦେବସ୍ମିତା ,ଖୋର୍ଦ୍ଧା ସହକାରୀ ଜିଲ୍ଲାପାଳ ଅମୀୟ କୁମାର ଦାସ,,ଖୋର୍ଦ୍ଧା ସହକାରୀ ଶ୍ରମ ଅଧିକାରୀ ବିକାଶ କୁମାର ନାୟକ,ବାଲୁଗାଁ ଶ୍ରମ ଅଧିକାରୀ ସୌମ୍ୟ ରଞ୍ଜନ କର,ବରିଷ୍ଠ ଆଇନିଜୀବୀ ବିଜୟ କୁମାର ସାମନ୍ତସିଂହାର,ସ୍ଥାନୀୟ ସରପଞ୍ଚ ସ୍ୱର୍ଣ୍ଣପ୍ରଭା ସେଠି,ପ୍ରମୁଖ ଯୋଗ ଦେଇଥିଲେ।ପ୍ରଥମେ ପ୍ରଥମ ଅତିରିକ୍ତ ଜିଲ୍ଲା ବିଚାରପତି ରଞ୍ଜୁଲତା ଲେଙ୍କା ଗପ ମାଧ୍ୟମରେ ଉପସ୍ଥିତ ଜନସାଧାରଣଙ୍କୁ ଶ୍ରମ ଦିବସ ଅବସରେ ଶୁଭେଚ୍ଛା ଜଣାଇବା ସହିତ ତାଲୁକ ସ୍ତରୀୟ ଆଇନି ସଚେତନତା କାର୍ଯ୍ୟକ୍ରମ ଲକ୍ଷ ଓ ଉଦ୍ୟସ ଉପରେ କହି ସମସ୍ତ ଙ୍କ ମନ କିଣି ନେଇଥିଲେ।ପରେ ଏସଡିଜେଏମ ପ୍ରତାପ ଚନ୍ଦ୍ର ପୃଷ୍ଟି ସରକାରଙ୍କ ଦ୍ୱାରା ସାଧାରଣ ଲୋକ ଙ୍କ ପାଇଁ କେଉଁ ସବୁ ଶ୍ରମ ଅଧିକାର ଓ ଆଇନି ର ସହାୟତା ଶ୍ରମିକ ହୁଅନ୍ତୁ ଅବା ସାଧାରଣ ଲୋକ ନେଇପାରିବେ ତାହା ଉପରେ କହିଥିଲେ।ପରେ ଶ୍ରମ ଅଧିକାରୀ ଶ୍ରୀ ବିକାଶ ନାୟକ ଓ ଶ୍ରୀ ସୌମ୍ୟ କର ସଂଗଠନ ଓ ଅଣସଙ୍ଗଠନ କାର୍ଡ ର ସୁବିଧା,ସୁଯୋଗ,ଆବେଦନ ପ୍ରଣାଳୀ,,ଶ୍ରମିକ ମଜୁରୀ,କାର୍ଯ୍ୟ କ୍ଷେତ୍ରରେ ଶ୍ରମିକ ନିର୍ଯ୍ୟାତିତ ହେଲେ କେଉଁଠିକି ଯିବ,ତାହା ଉପରେ ବିଭିନ୍ନ ଉଦାହରଣ ଦେଇ ବୁଝାଇଥିଲେ।ସେହିପରି ଅନ୍ୟତମ ଉପସ୍ଥିତ ଅତିଥିମାନେ ମଧ୍ୟ ମାଗଣା ଆଇନି ସହାୟତା କାହାକୁ କେମିତି ଦିଆଯିବ,ଗ୍ରାମାଞ୍ଚଳ ରେ ଏହି ଆଇନି ର ସଚେତନତା କୁ ଅଧିକ ରୁ ଅଧିକ କରିବାକୁ ଖୋର୍ଦ୍ଧା କୋର୍ଟ ପକ୍ଷରୁ ସମସ୍ତ ବ୍ୟବସ୍ଥା ଚାଲିଥିବା ସୂଚନା ଦେଇଥିଲେ।ଏହି ଅବସରେ ଟାଙ୍ଗିଆପଡା ର ୧୪ ଜଣ ଙ୍କୁ ଶ୍ରମିକ କାର୍ଡ ବଣ୍ଟନ କରାଯାଇଥିଲା। ପ୍ୟାନେଲ ଲୟର ତାଲୁକ ଆଇନି ସେବା କମିଟି ଖୋର୍ଦ୍ଧା ବିକ୍ରମ କେଶରୀ ଚମ୍ପତି ସଚେତନତା ଗୀତ ମାଧ୍ୟମରେ ଧନ୍ୟବାଦ ଅର୍ପଣ କରିଥିଲା ବେଳେ ତାଲୁକ ଆଇନି ସେବା କମିଟି ସମ୍ପାଦକ ବସନ୍ତ କୁମାର ଶତପଥୀ ଏହି କାର୍ଯ୍ୟକ୍ରମ ର ସଂଯୋଜନା କରିଥିଲେ।,ସ୍ବେଛାସେବୀ,ସ୍ଥାନୀୟ ଲୋକ ପ୍ରତିନିଧି,ଗଣ ମାଧ୍ୟମ ପ୍ରତିନିଧି ସହଯୋଗ କରିଥିଲେ।