Odisha Janamata : ତାରା ତାରିଣୀ ମହାବିଦ୍ୟାଳୟ + ଛାତ୍ର, ଛାତ୍ରୀ ଙ୍କ ଇଣ୍ଡେକ୍ସନ କାର୍ଯ୍ୟକ୍ରମ ଅନୁଷ୍ଠିତ |

ତାରା ତାରିଣୀ ମହାବିଦ୍ୟାଳୟ + ଛାତ୍ର, ଛାତ୍ରୀ ଙ୍କ ଇଣ୍ଡେକ୍ସନ କାର୍ଯ୍ୟକ୍ରମ ଅନୁଷ୍ଠିତ |

31-Jul-2026

+୨ ଛାତ୍ରଛାତ୍ରୀଙ୍କ ଇଣ୍ଡକ୍ସନ୍ କାର୍ଯ୍ୟକ୍ରମ,

ଓଡିଶା ଜନ ମତ ବ୍ୟୁରୋ

ତାରାତାରିଣୀ ମହାବିଦ୍ୟାଳୟ, ପୁରୁଷୋତ୍ତମପୁରରେ ନବଭର୍ତ୍ତି +୨ କଳା ଓ ବିଜ୍ଞାନ ଛାତ୍ରଛାତ୍ରୀଙ୍କ ପାଇଁ ଏକ ଇଣ୍ଡକ୍ସନ୍ କାର୍ଯ୍ୟକ୍ରମ ଅଧ୍ୟକ୍ଷ *ପ୍ରଫେସର ଅରବିନ୍ଦ ଦାଶଙ୍କ ମାର୍ଗଦର୍ଶନରେ, ଆଇ.କ୍ୟୁ.ଏ.ସି. (IQAC)ର ସ୍ୱତନ୍ତ୍ର ସହଯୋଗରେ ଏବଂ ଏନ୍‌.ଏସ୍‌.ଏସ୍‌. କାର୍ଯ୍ୟକ୍ରମ ଅଧିକାରୀ ଡ. ପ୍ରଶାନ୍ତ କୁମାର ପଟ୍ଟନାୟକ*ଙ୍କ ଆୟୋଜନରେ ଅନୁଷ୍ଠିତ ହୋଇଥିଲା।

ଅଧ୍ୟକ୍ଷ ପ୍ରଫେସର ଅରବିନ୍ଦ ଦାଶ ନବାଗତ ଛାତ୍ରଛାତ୍ରୀଙ୍କୁ ସ୍ୱାଗତ ଜଣାଇ ଶୃଙ୍ଖଳା, ନିୟମିତ ଅଧ୍ୟୟନ ଏବଂ ସର୍ବାଙ୍ଗୀଣ ବିକାଶ ଉପରେ ଗୁରୁତ୍ୱାରୋପ କରିଥିଲେ। କାର୍ଯ୍ୟକ୍ରମରେ ଡ. ପ୍ରଦୀପ କୁମାର ସାହୁ, ଡ. ଶ୍ରୀରାମ ମିଶ୍ର, ଡ. ସୁବ୍ରତ କୁମାର ଷଡ଼ଙ୍ଗୀ, ଡ. ରମେଶ ଚନ୍ଦ୍ର ସେନାପତି, ଡ. ପ୍ରବୀର କେଶରୀ ପ୍ରଧାନ, ଶ୍ରୀ ଗୌରାଙ୍ଗ ଚରଣ ପଟ୍ଟନାୟକ, ଡ. ଯଶୋବନ୍ତ , ଶ୍ରୀ ପ୍ରବୀଣ କୁମାର , ଡ. ପ୍ରକାଶ ଚନ୍ଦ୍ର ବେହେରା, ବରିଷ୍ଠ ଅଧ୍ୟାପିକା ଶ୍ରୀମତୀ ସନ୍ଧ୍ୟାରାଣୀ ପାତ୍ର ଏବଂ କଲେଜର ସମସ୍ତ ଅଧ୍ୟାପକ ଓ ଅଧ୍ୟାପିକା ଉପସ୍ଥିତ ରହି ନବାଗତ ଛାତ୍ରଛାତ୍ରୀଙ୍କୁ ମହାବିଦ୍ୟାଳୟର ବିଭିନ୍ନ ଶିକ୍ଷାଗତ ଓ ସହପାଠ୍ୟ କାର୍ଯ୍ୟକଳାପ ସମ୍ପର୍କରେ ଅବଗତ କରାଇଥିଲେ।

*ଏନ୍‌.ଏସ୍‌.ଏସ୍‌.ର ସ୍ୱେଚ୍ଛାସେବୀ ଛାତ୍ରଛାତ୍ରୀମାନେ* ନବାଗତମାନଙ୍କ ପଞ୍ଜୀକରଣ, ଆସନ ବ୍ୟବସ୍ଥା, ଶୃଙ୍ଖଳା ରକ୍ଷା ଏବଂ କାର୍ଯ୍ୟକ୍ରମର ସୁପରିଚାଳନାରେ ସକ୍ରିୟ ସହଯୋଗ କରିଥିଲେ।

ଶେଷରେ ଡ. ପ୍ରଶାନ୍ତ କୁମାର ପଟ୍ଟନାୟକ ଧନ୍ୟବାଦ ଜ୍ଞାପନ କରିଥିଲେ। କାର୍ଯ୍ୟକ୍ରମଟି ନବାଗତ ଛାତ୍ରଛାତ୍ରୀଙ୍କୁ ମହାବିଦ୍ୟାଳୟର ପରିବେଶ ସହ ପରିଚିତ କରାଇବାରେ ସଫଳ ହୋଇଥିଲା।