Odisha Janamata : ସାମାନ୍ୟ କଥାରେ ଉତେଜିତ ସ୍ୱାମୀ ସ୍ତ୍ରୀକୁ ହତ୍ୟା କଲା |

ସାମାନ୍ୟ କଥାରେ ଉତେଜିତ ସ୍ୱାମୀ ସ୍ତ୍ରୀକୁ ହତ୍ୟା କଲା |

28-Jul-2026

ସ୍ୱାମୀର ଟାଙ୍ଗିଆ ଚୋଟରେ ସ୍ତ୍ରୀର ମୃତ୍ୟୁ,
ସ୍ୱାମୀ ଗିରଫକଲା ପୋଲିସ |

ଓଡିଶା ଜନ ମତ ବ୍ୟୁରୋ,

ସ୍ୱାମୀ, ସ୍ତ୍ରୀ ହେଉଛନ୍ତି ଗୋଟିଏ ପାର୍ଶ୍ଵର ଦୁଇଟି ମୁଦ୍ରା, ଜଣେ ଖରା, ଜଣେ ଛାଇ,, ସେମାନଙ୍କ ପ୍ରେମ ସବୁବେଳେ ପବିତ୍ର | ତେବେ ଅଗ୍ନିକୁ ସାକ୍ଷୀ ରଖି ସ୍ତ୍ରୀର 10ଗୋଟି ଦୋଷକୁ କ୍ଷମା କରିବା ବଚନ ରୁ ସ୍ୱାମୀ କିପରି ଦୁର୍ଦାନ୍ତ ହୋଇ ଏତେବଡ କାଣ୍ଡ ଭିଆଇଛି ||ସାମାନ୍ୟ ଘୋରାଇ କଳିରୁ କରୁଣ ପରିଣତି ଦେଖିବାକୁ ମିଳିଛି।ସ୍ୱାମୀ ସ୍ତ୍ରୀ ମଧ୍ୟରେ କଲି ଝଗଡା ଲାଗି ରହିବା ସ୍ୱାଭାବିକ କଥା |ହେଲେ ସାମାନ୍ୟ ବଚସା ଯେ ସ୍ତ୍ରୀର ମୃତ୍ୟୁର କାରଣ ପାଲଟିବ ଏ କଥା କିନ୍ତୁ ସାଧାରଣରେ ଏକ ବିରାଟ ଘଟଣା ପାଲଟିଛି |ଯେଉଁ ଝିଅକୁ ସେ ନିଜ ଅର୍ଦ୍ଧାଙ୍ଗିନୀ ଭାବେ ଗ୍ରହଣ କରିଥିଲା ଆଉ ଭଗବାନ କୁ ସାକ୍ଷୀ ରଖି ସ୍ତ୍ରୀ ଭାବେ ଗ୍ରହଣ କରିଥିଲା ଓ ତାର ଦଶ ଗୋଟି ଭୁଲକୁ କ୍ଷମା ଦେବା ପାଇଁ ପ୍ରତିଶୃତି ଦେଇଥିଲା, ଆଜି ସେ ମଣିଷ ରୁ ଅମଣିଷ କେମିତି ପାଲଟିଗଲା? ଏ ପ୍ରଶ୍ନ ସାଧାରଣରେ ଏକ ପ୍ରଶ୍ନବାଚୀ ହୋଇ ଘୁରି ବୁଲୁଛି |ନବରଙ୍ଗପୁର ଜିଲ୍ଲା ପାପଡାହାଣ୍ଡି ବ୍ଲକ ମାଝୀଗୁଡା ପଂଚାୟତ ଅଧୀନରେ ଥିବା ହାତୀଵାରୀ ଗ୍ରାମରେ |ସୂଚନା ରବିବାର ରାତିରେ କୌଣସି ପ୍ରକାରେ ଗ୍ରାମର ପଦଲାମ ଗୌଡ଼ ଓ ସ୍ତ୍ରୀ ତୁଳାବତୀ ଗୌଡ଼ଙ୍କ ମଧ୍ୟରେ କୌଣସି ଏକ କଥାକୁ ନେଇ ବଚସା ହୋଇଥିଲା |ରାଗରେ ଜର୍ଜରିତ ସ୍ୱାମୀ ପଦଲାମ ଗୌଡ଼ ଏକ ଟାଙ୍ଗିଆ ଆଣି ସ୍ତ୍ରୀକୁ ଟାଙ୍ଗିଆରେ ଆକ୍ରମଣ କରିଥିଲେ ଓ ସ୍ତ୍ରୀର ବେକରେ ଚୋଟ ପରେ ଚୋଟ ପକେଇ ଥିଲେ |ଏହି ଘଟଣା ଗ୍ରାମବାସୀ ଜାଣିବା ପରେ ପ୍ରଥମେ ପୋଲିସକୁ ଖବର ଦେଇଥିଲେ ଓ ପରେ ଆମ୍ବୁଲାନ୍ସ ଡାକି ପାପଡାହାଣ୍ଡି ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରରେ ତୁଳାବତୀ ଗୌଡ଼ଙ୍କୁ ଭର୍ତି କରିଥିଲେ |ହେଲେ ଭର୍ତି କରୁ କରୁ ଡାକ୍ତର ତୁଳାବତୀଙ୍କୁ ମୃତ ଘୋଷଣା କରିଥିଲେ |ତୁଳାବତୀ ଗୌଡ଼ଙ୍କ ପିତା ଏନେଇ ଥାନାରେ ଏତଲା ଦେବା ପରେ ପୋଲିସ ଘଟଣା ସ୍ଥଳରେ ପହଂଚି ଶବ ଜବତ କରିବା ସହ ୧୦୮/୨୬ରେ ଏକ ମାମଲା ରୁଜୁ କରି ଅଧିକ ତଦନ୍ତ ଚଳାଇଛି ଓ ପୋଷ୍ଟ ମଟମ କରିବା ସହ ପୋର୍ଟ ମଟମ ପରେ ପରିବାରକୁ ବର୍ଗଙ୍କୁ ଶବ ହସ୍ତାନ୍ତର କରିବା ସହ ଘଟଣାର ସମ୍ପୂର୍ଣ୍ଣ ତଦନ୍ତ କରାଯିବ ବୋଲି ଥାନା ଅଧିକାରୀ ସବିର ଅହମ୍ମଦ ଓ ତଦନ୍ତ ଅଧିକାରୀ ଅଧିକାରୀ ଅନନ୍ତ କାଡ୍ରାକ କହିଛନ୍ତି |