Odisha Janamata : କୋଦଳା ଏନସି ସହିତ ବିଭିନ୍ନ ସ୍ଥାନରେ ବାହୁଦା ଯାତ୍ରା ଓ ସୁନାବେଶ |

କୋଦଳା ଏନସି ସହିତ ବିଭିନ୍ନ ସ୍ଥାନରେ ବାହୁଦା ଯାତ୍ରା ଓ ସୁନାବେଶ |

24-Jul-2026

ବିଭିନ୍ନ ସ୍ଥାନରେ ବାହୁଡା ଯାତ୍ରା ସମାପନ, ଆଜି ସୁନାବେଶ।

ଓଡିଶା ଜନ ମତ,କୋଦଳା -24/07/26, ନରେନ୍ଦ୍ର ନାଥ ଗୌଡ଼ :----

କୋଦଳା ଏନଏସି ସମେତ ବିଭିନ୍ନ ସ୍ଥାନରେ ବାହୁଡା଼ ଯାତ୍ରା ସମାପନ ହୋଇଯାଇଛି l ଜନ୍ମ ବେଦିରେ ଲୀଳା ଖେଳା ସାରି ମନ୍ଦିରରୁ ଫେରିଛନ୍ତି ଚତୁର୍ଦ୍ଦାମୁରତି l ଦୀର୍ଘ 9 ଦିନର ଯାତ୍ରା ସମାପନ କରି ବାହୁଡି ଆସିଛନ୍ତି କାଳିଆ ଠାକୁର l ଶୁକ୍ରବାର ଆଡପ ମଣ୍ଡପରେ ବଡ଼ ଏକାଦଶୀ ଓଷା ପାଳନ ପାଇଁ ଭକ୍ତମାନଙ୍କର ଭିଡ ଦେଖିବାକୁ ମିଳିଥିଲା l ଏହାପରେ ବାହୁଡା ନୀତି ଅନୁଷ୍ଠିତ ହୋଇଥିଲା l କୋଦଳା,ଫାସି ,ବେରୁଆଁବାଡ଼ି, ମଠସରସିଂ, ମଠ ବ୍ରହ୍ମପୁର, ସମେତ ବହୁ ଜଗନ୍ନାଥ ମନ୍ଦିରରେ ବାହୁଡା ଯାତ୍ରା ଅବସରରେ ଗହଳି ପରିଲକ୍ଷିତ ହୋଇଥିଲା l ମାଉସୀ ମା ମନ୍ଦିରରୁ ଠାକୁରଙ୍କୁ ଗୋଟି ପହଣ୍ଡି କରି ରଥାରୁଢ କରାଯାଇଥିଲା l ଏହାପରେ ଛେରାପହଁରା କାର୍ଯ୍ୟକ୍ରମ ସରିବା ପରେ ରଥଟଣା ଆରମ୍ଭ ହୋଇଥିଲା l କୋଦଳା ମାଉସୀ ମା ମନ୍ଦିର ଠାରୁ ଜଗନ୍ନାଥ ମନ୍ଦିର ପର୍ଯ୍ୟନ୍ତ ଭକ୍ତ ମାନେ ରଥ ଟାଣି ମହାପ୍ରଭୁଙ୍କ ନିକଟରେ ବିଭିନ୍ନ ଭୋଗରାଗ କରିଥିଲେ l ସେହିପରି ଫାସି ଓ ବେରୁଆଁବାଡ଼ି ଜଗନ୍ନାଥ ମନ୍ଦିର ଅଭିମୁଖେ ରଥ ଅଣାଯିବା ପରେ ବହୁ ସଂଖ୍ୟାରେ ଶ୍ରଦ୍ଧାଳୁ ଏକତ୍ରିତ ହୋଇ ପୂଜାର୍ଚ୍ଚନା କରିଥିଲେ l ମଠସରସିଙ୍ଗି ଓ ମଠ ବ୍ରହ୍ମପୁର ସ୍ଥିତ ମାଉସୀ ମା ମନ୍ଦିରରେ ସ୍ବତନ୍ତ୍ର ନୀତି ଅନୁଷ୍ଠିତ ପୂର୍ବକ ସଂଧ୍ୟାରୁ ଭଜନ କୀର୍ତ୍ତନ, ଘଣ୍ଟ ଘଣ୍ଟା ବାଦ୍ୟ ହୁଳହୁଳିରେ ରଥାରୁଢ ଜଗନ୍ନାଥ ଭକ୍ତଙ୍କୁ ଦର୍ଶନ ଦେଇ ନିଜ ମନ୍ଦିରକୁ ପ୍ରତ୍ଯାବର୍ତ୍ତନ କରିଛନ୍ତି l ବାହୁଡା ଯାତ୍ରା ଅବସରରେ ବିଭିନ୍ନ ଜଗନ୍ନାଥ ମନ୍ଦିର ଓ ମାଉସୀମା ମନ୍ଦିର ନିକଟରେ ଭକ୍ତିମୟ ପରିବେଶ ସୃଷ୍ଟି ହୋଇଥିଲା ଏବଂ ଶାନ୍ତି ଶୃଙ୍ଖଳାର ସହ ଏହି ଯାତ୍ରା ଶେଷ ହୋଇଛି l ଆଜି ଶ୍ରୀ ଜଗନ୍ନାଥଙ୍କ ସୁନାବେଶ ଅନୁଷ୍ଠିତ ହେବ l