Odisha Janamata : ଭିଜିଲାନ୍ସ ଜାଲରେ କୋରେଇ ବ୍ଳକ କାଚରା ପଞ୍ଚାୟତ ଅଧିକାରୀ |

ଭିଜିଲାନ୍ସ ଜାଲରେ କୋରେଇ ବ୍ଳକ କାଚରା ପଞ୍ଚାୟତ ଅଧିକାରୀ |

24-Jul-2026

ଭିଜିଲାନ୍ସ ଜାଲରେ ପଞ୍ଚାୟତ ନିର୍ବାହୀ ଅଧିକାରୀ |

ଓଡିଶା ଜନ ମତ ବ୍ୟୁରୋ,

ରାଜ୍ୟ ସରକାର କିମ୍ବା କେନ୍ଦ୍ର ସରକାର ଙ୍କ ତଳସ୍ତରର କର୍ମଚାରୀ ଙ୍କ ଠାରୁଉପର ସ୍ତ ଅଧିକାରୀ ଙ୍କୁ ଯେତିକି ଦରମା ମିଳୁଛି | ତାହା ବାଦ ସେମାନେ ଅଧିକ ଅର୍ଥ ଜନସାଧାରଣ ଙ୍କ ଠାରୁ ଲୁଟି ନେଉଥାନ୍ତି | ତେବେ ସବୁବେଳେ ଭାଗ୍ୟ ଠିକ ନଥାଏ ଦିନେନା ଦିନେ ତାର କବାଟଖୋଲିଯାଏ ଓ ସେ ଧରା ପଡ଼ିଯାଏ | ଏପରି ଏକ ଅର୍ଥ ନେଣ ଦେଣକାରବାର ରେ ଜଣେ ସରକାରୀ ବାବୁ ପଡିଛନ୍ତି ସେହେଲେ ଯାଜପୁର ଜିଲ୍ଲା କୋରେଇ ବ୍ଲକ୍‌ କଚରାସାହି ପଞ୍ଚାୟତର ପଞ୍ଚାୟତ ନିର୍ବାହୀ ଅଧିକାରୀ ପ୍ରଫୁଲ୍ଲ କୁମାର ନାଥ ଲାଞ୍ଚu ନେଉଥିବା ବେଳେ ଓଡ଼ିଶା ଭିଜିଲାନ୍ସ ଦ୍ୱାରା ଗିରଫ ହୋଇଛନ୍ତି।ମିଳିଥିବା ସୂଚନା ମୁତାବକ, ‘ଅନ୍ତ୍ୟୋଦୟ ଗୃହ ଯୋଜନା’ (AGY) ଅଧୀନରେ ନିର୍ମାଣ ହୋଇଥିବା ଘରର ଶେଷ କିସ୍ତି ଏବଂ ସମୟସୀମା ମଧ୍ୟରେ କାର୍ଯ୍ୟ ଶେଷ କରିଥିବାରୁ ମିଳୁଥିବା ବୋନସ୍ ରାଶି ମଞ୍ଜୁର କରିବା ପାଇଁ PEO ଶ୍ରୀ ନାଥ ଜଣେ ଗରିବ ବିଧବା ହିତାଧିକାରୀଙ୍କୁ ୧୦,୦୦୦ ଟଙ୍କା ଲାଞ୍ଚ ମାଗିଥିଲେ। ହିତାଧିକାରୀ ଜଣକ ଏତେ ଟଙ୍କା ଦେବାକୁ ଅସମର୍ଥତା ପ୍ରକାଶ କରିବାରୁ, ପରେ ଲାଞ୍ଚ ଅର୍ଥକୁ ୫,୦୦୦ ଟଙ୍କାକୁ କମାଯାଇଥିଲା। ତଥାପି, ଟଙ୍କା ନଦେଲେ କିସ୍ତି ଓ ବୋନସ ରାଶି ଅଟକାଇ ଦେବାକୁ ଶ୍ରୀ ନାଥ ଧମକ ଦେଇଥିଲେ।
ଏହି ନିର୍ଯାତନାରେ ଅତିଷ୍ଠ ହୋଇ ହିତାଧିକାରୀ ଜଣକ ଭିଜିଲାନ୍ସର ଦ୍ୱାରସ୍ଥ ହୋଇଥିଲେ। ପୂର୍ବ ପ୍ରସ୍ତୁତି ଅନୁଯାୟୀ,ମଙ୍ଗଳବାର ଭିଜିଲାନ୍ସ ଟିମ୍ ଏକ ଜାଲ ବିଛାଇ ପିଇଓ ପ୍ରଫୁଲ୍ଲ କୁମାର ନାଥଙ୍କୁ ୫,୦୦୦ ଟଙ୍କା ଲାଞ୍ଚ ନେଉଥିବା ସମୟରେ ରଙ୍ଗେହାତ କାବୁ କରିଥିଲେ।
ଅଭିଯୁକ୍ତଙ୍କ ନିକଟରୁ ସମ୍ପୂର୍ଣ୍ଣ ୫,୦୦୦ ଟଙ୍କା ଲାଞ୍ଚ ଅର୍ଥ ଜବତ କରାଯାଇଛି। ଗିରଫ ପରେ ଆୟବହିର୍ଭୂତ ସମ୍ପତ୍ତି ଠାବ କରିବା ପାଇଁ ଶ୍ରୀ ନାଥଙ୍କ ସହ ଜଡ଼ିତ ୨ଟି ଭିନ୍ନ ସ୍ଥାନରେ ଏକାସାଙ୍ଗରେ ଚଢ଼ାଉ ଜାରି ରହିଛି।ଏହି ସନ୍ଦର୍ଭରେ କଟକ ଭିଜିଲାନ୍ସ ଥାନାରେ କେସ୍ ନଂ ୨୬/୨୦୨୬ ରୁଜୁ କରାଯାଇ ଅଧିକ ତଦନ୍ତ ଚାଲୁ ରହିଛି।