Odisha Janamata : ବେଳକଣା ଆଶ୍ରମ ବିଦ୍ୟାଳୟ ରେ ନୂତନ ଏସ ଏମସି କମିଟି ଗଠିତ |

ବେଳକଣା ଆଶ୍ରମ ବିଦ୍ୟାଳୟ ରେ ନୂତନ ଏସ ଏମସି କମିଟି ଗଠିତ |

14-Jul-2026

ବେଳକଣା ଆଶ୍ରମ ବିଦ୍ୟାଳୟରେ ନୂତନ ଏସଏମସି କମିଟି ଗଠନ।

ଓଡିଶା ଜନମତ ରାୟଗଡ଼ା, ୧୪/୭,

କାମେଶ୍ୱର କରକରିଆ :--------

ରାୟଗଡ଼ା ଜିଲ୍ଲା କଲ୍ୟାଣସିଂହପୁର ବ୍ଲକ ସିକରପାଇ ପଞ୍ଚାୟତ ଅନ୍ତର୍ଗତ ବେଳକଣା ଆଶ୍ରମ ବିଦ୍ୟାଳୟରେ ବିଦ୍ୟାଳୟ ପରିଚାଳନା କମିଟି (ଏସଏମସି)ର ନୂତନ କମିଟି ଗଠନ କରାଯାଇଛି। ପ୍ରଧାନ ଶିକ୍ଷକ ଏସ. ଅନିଲ କୁମାରଙ୍କ ସଭାପତିତ୍ୱ ଓ ତତ୍ତ୍ୱାବଧାନରେ ଅନୁଷ୍ଠିତ ଅଭିଭାବକ ଶିକ୍ଷକ ବୈଠକରେ ଦୀର୍ଘ ବର୍ଷ ପରେ ଏହି କମିଟି ଗଠନ ହୋଇଥିବାରୁ ଅଭିଭାବକଙ୍କ ମଧ୍ୟରେ ସନ୍ତୋଷ ପ୍ରକାଶ ପାଇଛି। ବୈଠକରେ ବିଦ୍ୟାଳୟର ବିଭିନ୍ନ ଗ୍ରାମରୁ ଆସିଥିବା ଅଭିଭାବକମାନେ ଯୋଗଦେଇ ପ୍ରଥମେ ୧୫ ଜଣିଆ ପରିଚାଳନା କମିଟି ଗଠନ କରିଥିଲେ। ପରେ ସର୍ବସମ୍ମତିକ୍ରମେ ସଦାନନ୍ଦ ମିଣିଆକାଙ୍କୁ ଅଧ୍ୟକ୍ଷ ଏବଂ ଶ୍ରୀମତୀ କବିତା ରୁସିସୃଙ୍ଘଙ୍କୁ ଉପାଧ୍ୟକ୍ଷା ଭାବେ ଚୟନ କରାଯାଇଥିଲା। ନବଗଠିତ କମିଟି ବିଦ୍ୟାଳୟର ଉନ୍ନତି, ଶିକ୍ଷାର ଗୁଣବତ୍ତା ବୃଦ୍ଧି, ଛାତ୍ରଛାତ୍ରୀଙ୍କ ସୁରକ୍ଷା ଓ ଅଭିଭାବକଙ୍କ ସହଭାଗିତାକୁ ପ୍ରାଧାନ୍ୟ ଦେଇ କାର୍ଯ୍ୟ କରିବ ବୋଲି ମତ ପ୍ରକାଶ ପାଇଥିଲା।ଏହି କମିଟି ଗଠନ ପ୍ରକ୍ରିୟାରେ ଶାନ୍ତି କୁମାରୀ ମାଝୀ ଓ ଗୌରୀପ୍ରିୟା ପାଢ଼ୀ ସହଯୋଗ କରିଥିବା ବେଳେ ଅତିଥି ଶିକ୍ଷକ ପୃଥୟ ଗମାଙ୍ଗ ଓ ଯତ୍ସ୍ନାମୟୀ ପଲ୍ଲେଇ ଉପସ୍ଥିତ ଥିଲେ। ବୈଠକରେ ବିଦ୍ୟାଳୟର ପରିବେଶର ଉନ୍ନତି, ଉପକମିଟି ଗଠନ, ଶୃଙ୍ଖଳା ରକ୍ଷା, ଛାତ୍ରଛାତ୍ରୀଙ୍କ ସର୍ବାଙ୍ଗୀନ ବିକାଶ ଏବଂ ଶିକ୍ଷାର ମାନ ବୃଦ୍ଧି ସମ୍ପର୍କରେ ବିସ୍ତୃତ ଆଲୋଚନା କରାଯାଇଥିଲା। ଶେଷରେ ପ୍ରଧାନ ଶିକ୍ଷକ ନବଗଠିତ କମିଟିକୁ ଅଭିନନ୍ଦନ ଜଣାଇ ବିଦ୍ୟାଳୟର ସାମଗ୍ରିକ ବିକାଶ ପାଇଁ ସମସ୍ତଙ୍କ ସହଯୋଗ କାମନା କରିଥିଲେ। ବୈଠକକୁ ବିଦ୍ୟାଳୟର ସମସ୍ତ ଶିକ୍ଷକ ଓ କର୍ମଚାରୀ ସଫଳ ଭାବେ ପରିଚାଳନା କରିଥିଲେ।