Odisha Janamata : ଖାଲ ଖମାରେ ବେହାଲ କୁମ୍ଭାରୀ -ପର୍ଯଙ୍ଗ ଆରଡ଼ି ରାସ୍ତା |

ଖାଲ ଖମାରେ ବେହାଲ କୁମ୍ଭାରୀ -ପର୍ଯଙ୍ଗ ଆରଡ଼ି ରାସ୍ତା |

13-Jul-2026

ଖାଲ ଖମାରେ କୁମ୍ଭାରୀ–ଫରଙ୍ଗ ଆର୍‌ଡି ରାସ୍ତା ବେହାଲ,
ଓଡିଶା ଜନ ମତ ବ୍ୟୁରୋ

ଖାଲଖମାରେ ନାକେଦମ ହୋଇଛି ଆରଡ଼ିରାସ୍ତା, ଜନ ସାଧାରଣ ଙ୍କ ବହୁ ଅସୁବିଧା ହେଲେ ମଧ୍ୟ ଆରଡ଼ି ବିଭାଗ ତାଉପରେ ଗୁରୁତ୍ୱ ଦେଉ ନାହାନ୍ତି ତେଣୁ ଶୀଘ୍ର ମରା ମତି ଦାବିକରିଛନ୍ତିଗ୍ରାମବାସୀ ଏପରି ଏକ ଦୃଶ୍ୟ ଦେଖିବାକୁ ମିଳିଛି କଳାହାଣ୍ଡି ଜିଲ୍ଲା ଗୋଲାମୁଣ୍ଡା ବ୍ଲକ ଟେମରି ପଞ୍ଚାୟତ ଅନ୍ତର୍ଗତ କୁମ୍ଭାରୀରୁ ଫରଙ୍ଗକୁ ସଂଯୋଗ କରୁଥିବା ଆର୍‌ଡି ରାସ୍ତା ବର୍ତ୍ତମାନ ଅତ୍ୟନ୍ତ ଶୋଚନୀୟ ଅବସ୍ଥାରେ ପହଞ୍ଚିଛି। ରାସ୍ତା ସାରା ବଡ଼ ବଡ଼ ଖାଲଖମା ସୃଷ୍ଟି ହୋଇଥିବାରୁ ପ୍ରତିଦିନ ଯାତାୟାତରେ ଗୁରୁତର ସମସ୍ୟା ଦେଖାଦେଉଛି।ଏହି ରାସ୍ତା ଉପରେ ନିର୍ଭରକରିସ୍କୁଲଛାତ୍ର,ଛାତ୍ରୀ, ରୋଗୀ, କୃଷକ ଓ ଶତାଧିକ ସାଧାରଣ ଯାତ୍ରୀ ପ୍ରତିଦିନ ଯାତାୟାତ କରୁଥିବାବେଳେ ରାସ୍ତାର ଦୟନୀୟ ଅବସ୍ଥା ସେମାନଙ୍କ ପାଇଁ ବଡ଼ ଦୁର୍ଭୋଗ ସୃଷ୍ଟି କରିଛି। ବିଶେଷକରି ବର୍ଷା ଋତୁରେ ଖାଲଖମାରେ ପାଣି ଜମି ରହୁଥିବାରୁ ଦୁଇଚକିଆ ଯାନ ଚାଳକମାନେ ଅଧିକ ହଇରାଣ ହେଉଛନ୍ତି।ଫଳରେ ଯେକୌଣସି ସମୟରେ ଦୁର୍ଘଟଣା ଘଟିବାର ଆଶଙ୍କା ଦେଖାଦେଇଛି।ଏବଂ ଘଟୁଛି | ସ୍ଥାନୀୟ ଲୋକଙ୍କ ଅଭିଯୋଗଅନୁସାରେ, ନିମ୍ନମାନ ରନିର୍ମାଣ କାର୍ଯ୍ୟ ସହ ପ୍ରତିଦିନ ବାଲି ବୋଝେଇ ଓଭରଲୋଡ୍ ଭାରୀ ହାଇୱା ଯାନଚଳାଚଳ କରୁଥିବାରୁ ରାସ୍ତାଟି ଅତି ଶୀଘ୍ର କ୍ଷତିଗ୍ରସ୍ତ ହୋଇପଡ଼ିଛି। ଏହାର ପ୍ରଭାବରେ ସାଧାରଣ ଲୋକଙ୍କ ଦୈନନ୍ଦିନ ଜୀବନ ଯାତ୍ରା ବାଧାପ୍ରାପ୍ତ ହେଉଛି।ଗ୍ରାମବାସୀଙ୍କକହିବାଅନୁ ସାରେ, ରାସ୍ତାର ଦୁରବସ୍ଥା ସମ୍ପର୍କରେ ବାରମ୍ବାର ସମ୍ପୃକ୍ତ ବିଭାଗର ଦୃଷ୍ଟି ଆକର୍ଷଣ କରାଯାଇଥିଲେ ମଧ୍ୟ ସ୍ଥାୟୀ ସମାଧାନ ହୋଇନାହିଁ। ତେଣୁ ଅବିଳମ୍ବେ ରାସ୍ତାର ସ୍ଥାୟୀ ମରାମତି, ଗୁଣାତ୍ମକ ନିର୍ମାଣ ଏବଂ ଓଭରଲୋଡ୍ ବାଲିn ବୋଝେଇ ଭାରୀ ଯାନ ଚଳାଚଳ ଉପରେ କଡ଼ା ନିୟନ୍ତ୍ରଣ ଲାଗୁ କରିବାକୁ ସ୍ଥାନୀୟ ଅଞ୍ଚଳବାସୀ ପ୍ରଶାସନ ଓ ସମ୍ପୃକ୍ତ ବିଭାଗ ନିକଟରେ ଦୃଢ଼ ଦାବି ଜଣାଇ ଛନ୍ତି।