Odisha Janamata : ଉଦ ଘଟନୀ ମ୍ୟାଚ ରେ କୁମାର ଗୁଡାକୁ ହରାଇ ବାଗ ଡ଼ଙ୍ଗର ବିଜୟୀ |

ଉଦ ଘଟନୀ ମ୍ୟାଚ ରେ କୁମାର ଗୁଡାକୁ ହରାଇ ବାଗ ଡ଼ଙ୍ଗର ବିଜୟୀ |

03-Jun-2026

ଉଦ୍‌ଘାଟନୀ ମ୍ୟାଚ୍‌ରେ କୁମାରଗୁଡାକୁ ହରାଇ ବାଗଡଙ୍ଗର ବିଜୟୀ,

ଓଡ଼ିଶା ଜନମତ ରାୟଗଡ଼ା , ୩/୬,

କାମେଶ୍ୱର କରକରିଆ: ----

ରାୟଗଡ଼ା ଜିଲ୍ଲା କଲ୍ୟାଣସିଂହପୁର ବ୍ଲକ ଅନ୍ତର୍ଗତ ପୂଜାରୀଗୁଡା ପଞ୍ଚାୟତର ରେଖାଲିଗୁଡା ଠାରେ ବୁଧବାର ଏକ କ୍ରିକେଟ ଟୁର୍ଣ୍ଣାମେଣ୍ଟର ଶୁଭାରମ୍ଭ ହୋଇଯାଇଛି। ଗ୍ରାମବାସୀ ଓ କ୍ରୀଡ଼ାପ୍ରେମୀଙ୍କ ଉପସ୍ଥିତିରେ ଆୟୋଜିତ ଏହି କାର୍ଯ୍ୟକ୍ରମରେ ରାଜ୍ୟ କାର୍ଯ୍ୟକାରିଣୀ ସଦସ୍ୟ ତଥା ପୂର୍ବତନ ଜିଲ୍ଲା ସଭାପତି ଶିବ ଶଙ୍କର ଉଲାକା ମୁଖ୍ୟ ଅତିଥି ଭାବେ ଯୋଗଦେଇଥିଲେ।
ଏହାସହ ଜିଲ୍ଲା ସାଧାରଣ ସମ୍ପାଦକ ଭିକାରି ନାହାକ, ଜିଲ୍ଲା କୃଷକ ମୋର୍ଚ୍ଚା ସଭାପତି ପ୍ରତାପ ପୁଆଲା, ମାଝୀଗୁଡା (ଶିକାରପାଇ) ମଣ୍ଡଳ ସଭାପତି ଅନିଲ କୁମାର ଜାଡି ଏବଂ ଅନ୍ୟାନ୍ୟ ବରିଷ୍ଠ କାର୍ଯ୍ୟକର୍ତ୍ତା ଉପସ୍ଥିତ ଥିଲେ। ଅତିଥିମାନେ ଫିତା କାଟି ଟୁର୍ଣ୍ଣାମେଣ୍ଟର ଔପଚାରିକ ଉଦ୍‌ଘାଟନ କରିଥିଲେ।ଉଦ୍‌ଘାଟନୀ ମ୍ୟାଚ୍‌ରେ କୁମାରଗୁଡା ଓ ବାଗଡଙ୍ଗର ଦଳ ମଧ୍ୟରେ ରୋମାଞ୍ଚକର ମୁକାବିଲା ଦେଖିବାକୁ ମିଳିଥିଲା। ଟସ୍‌ ଜିତି କୁମାରଗୁଡା ଦଳ ପ୍ରଥମେ ବ୍ୟାଟିଂ କରି ୧୦ ଓଭରରେ ସମସ୍ତ ୧୦ଟି ଉଇକେଟ ହରାଇ ୫୨ ରନ ସଂଗ୍ରହ କରିଥିଲା।
ଜବାବରେ ବାଗଡଙ୍ଗର ଦଳ ଆକ୍ରମଣାତ୍ମକ ବ୍ୟାଟିଂ ପ୍ରଦର୍ଶନ କରିଥିଲା। ଦଳର ବ୍ୟାଟ୍ସମ୍ୟାନ ପୂର୍ଣ୍ଣ ହୁଇକା ମାତ୍ର ୨୦ଟି ବଲ୍‌ରେ ୪୦ ରନର ଆକର୍ଷଣୀୟ ପାଳି ଖେଳି ଦଳକୁ ବିଜୟ ଦିଗରେ ନେଇଥିଲେ। ବାଗଡଙ୍ଗର ଦଳ ୫.୪ ଓଭରରେ ୨ଟି ଉଇକେଟ ହରାଇ ବିଜୟ ଲକ୍ଷ୍ୟ ହାସଲ କରି ଉଦ୍‌ଘାଟନୀ ମ୍ୟାଚ୍‌ରେ ବିଜୟୀ ହୋଇଥିଲା।
ଏହି ଟୁର୍ଣ୍ଣାମେଣ୍ଟରେ ମୋଟ ୧୬ଟି ଦଳ ଅଂଶଗ୍ରହଣ କରିଥିବା ବେଳେ ଆସନ୍ତା ଜୁନ ୧୨ ତାରିଖ ପର୍ଯ୍ୟନ୍ତ ପ୍ରତିଯୋଗିତା ଚାଲିବ ବୋଲି ଆୟୋଜକ କମିଟି ପକ୍ଷରୁ ସୂଚନା ମିଳିଛି। କ୍ରୀଡ଼ା ମାଧ୍ୟମରେ ଯୁବପିଢ଼ୀଙ୍କ ମଧ୍ୟରେ ଭାଇଚାରା ଓ କ୍ରୀଡ଼ା ମନୋଭାବ ବୃଦ୍ଧି ପାଇବ ବୋଲି ଅତିଥିମାନେ ମତ ପ୍ରକାଶ