Odisha Janamata : ରଙ୍ଗେଈଲୁଣ୍ଡା ବ୍ଳକର 17ଜଣ ସିଆରସିସି ମାନସିକ ଚାପର ଵଶବର୍ତ୍ତୀ ହୋଈ ବିଇଓ ଙ୍କୁ ଦେଲେ ସାମୁହିକ ଇସ୍ତଫାପତ୍ର |

ରଙ୍ଗେଈଲୁଣ୍ଡା ବ୍ଳକର 17ଜଣ ସିଆରସିସି ମାନସିକ ଚାପର ଵଶବର୍ତ୍ତୀ ହୋଈ ବିଇଓ ଙ୍କୁ ଦେଲେ ସାମୁହିକ ଇସ୍ତଫାପତ୍ର |

16-Apr-2026

ମାନସିକ ଶାରୀରିକ ଚାପର ବଶବର୍ତ୍ତୀ ହୋଇ ୧୭ ଜଣ ସି ଆର ସି ସିଙ୍କ ବି.ଇ.ଓ.ଙ୍କୁ ସମୂହ ଇସ୍ତଫା ପତ୍ର ପ୍ରଦାନ,

ଓଡିଶା ଜନ ମତ ବ୍ୟୁରୋ,

ଗଞ୍ଜାମ ଜିଲ୍ଲା ରଙ୍ଗେଇଲୁଣ୍ଡାବ୍ଲକର ୧୭ ଜଣ ସି.ଆର୍.ସି.ସି. ଗୋଷ୍ଠୀ ଶିକ୍ଷା ଅଧିକାରୀଙ୍କୁ ସାମୂହିକ ଇସ୍ତଫା ପତ୍ର ପ୍ରଦାନ କରିଛନ୍ତି । ସେମାନେ ସେମାନଙ୍କ ଅଭିଯୋଗ ପତ୍ରରେ ଦର୍ଶାଇଛନ୍ତି କି ବର୍ଷର ଅଧିକାଂଶ ସମୟରେ ଆଞ୍ଚଳିକ ସାଧନ କେନ୍ଦ୍ର ସଂଯୋଜକ (ସି ଆର ସି ସି) ମାନଙ୍କୁ ବିଭିନ୍ନ ପ୍ରକାର ଚାପର ବଶବର୍ତ୍ତୀ ହୋଇ କାର୍ଯ୍ୟ କରିବାକୁ ବାଧ୍ୟବାଧକତା କରାଯାଉଛି ‌ |
ଘୋର ମାନସିକ ଚାପରେ ସେମାନଙ୍କୁ ବିଦ୍ୟାଳୟ ସ୍ତରୀୟ କାର୍ଯ୍ୟ, ଗୋଷ୍ଠୀ ଶିକ୍ଷା ଅଧିକାରୀଙ୍କ କାର୍ଯ୍ୟାଳୟର କାର୍ଯ୍ୟ, ନିର୍ବାଚନ କାର୍ଯ୍ୟ, ଜନଗଣନା କାର୍ଯ୍ୟ, ଏମ୍ ଆଇ ଏସ କାର୍ଯ୍ୟ, ଡି.ଆଇ.ଇ.ଟି. କାର୍ଯ୍ୟ ଆଦି ନ୍ୟସ୍ତ କରାଯାଉଛି ।ଦିନସାରା ଅର୍ଥାତ୍ ୨୪ ଘଣ୍ଟା ବ୍ୟସ୍ତ ରହିଲେ ମଧ୍ୟ ଆହୁରି ଅତିରିକ୍ତ କାର୍ଯ୍ୟ ପାଇଁ ବିଭିନ୍ନ ସ୍ତରରୁ ଧମକ ପାଉଥିବା ସୂଚାଇଛନ୍ତି । ଶାରୀରିକ, ମାନସିକ ଓ ଆର୍ଥିକ ସମସ୍ୟାର ସମ୍ମୁଖୀନ ହେଉଥିବାରୁ ଏନେଇ ଗୋଷ୍ଠୀ ଶିକ୍ଷା ଅଧିକାରୀଙ୍କ ଦୃଷ୍ଟି ଆକର୍ଷଣ କରିଛନ୍ତି । ଅନେକ ସମୟରେ ଅଧିକାରୀଙ୍କ କାର୍ଯ୍ୟ ସମ୍ପାଦନ କଲେ ମଧ୍ୟ ସେମାନେ ସି ଆର ସି ସିଙ୍କ କାର୍ଯ୍ୟରେ ସନ୍ତୋଷ ପ୍ରକାଶ କରୁନାହାଁନ୍ତି । ଫଳସ୍ୱରୂପ ସି ଆର ସି ସିଙ୍କୁ ଭଲ ନକହି ପ୍ରଧାନ ଶିକ୍ଷକ ବୈଠକ ତଥା ସର୍ବସାଧାରଣରେ କଟୁକଥା କହୁଥିବାରୁ କ୍ଷୋଭ ପ୍ରକାଶ କରିଛନ୍ତି । କର୍ତ୍ତୁପକ୍ଷଙ୍କ ଏପରି ମାନସିକତା ଯୋଗୁଁ କାର୍ଯ୍ୟ କରିବାର ଉତ୍ସାହ ଦିନକୁ ଦିନ କମି କମି ଯାଉଛି ।
ମାନସିକ ଚାପ, ଅସଙ୍ଗତ ବ୍ୟବହାର କାରଣରୁ ରଙ୍ଗେଇଲୁଣ୍ଡା ବ୍ଲକର ଏକକାଳୀନ ୧୭ ଜଣ ସି ଆର ସି ସି ଇସ୍ତଫା ପତ୍ର ପ୍ରଦାନ କରିବା ଶିକ୍ଷାବିତ୍ ବୁଦ୍ଧିଜୀବୀ ମହଲରେ ପ୍ରଶ୍ନବାଚୀ ସୃଷ୍ଟି କରିଛି ।
ଏହାର ପ୍ରଭାବ ଗଂଜାମ ଜିଲ୍ଲା ଅନ୍ତର୍ଗତ ବିଭିନ୍ନ ବ୍ଲକ ଉପରେ ପଡ଼ିବାର ଆଶଙ୍କା ରହିଛି । କେବଳ ସେତିକି ନୁହେଁ ଏ ସମ୍ପର୍କରେ ସି ଆର ସି ସି ମାନେ ସମ୍ମିଳିତ ହୋଇ ଗଂଜାମ ଜିଲ୍ଲା ଜିଲ୍ଲପାଳ, ଜିଲ୍ଲା ପ୍ରକଳ୍ପ ସଂଯୋଜକ, ଜିଲ୍ଲା ଶିକ୍ଷା ଓ ପ୍ରଶିକ୍ଷଣ ପ୍ରତିଷ୍ଠାନ, ଗଂଜାମ, ଖଲ୍ଲିକୋଟଙ୍କୁ ସଦୟ ଅବଗତି ଉଚିତ ପଦକ୍ଷେପ ଗ୍ରହଣ ସକାଶେ ପ୍ରଦାନ କରିଛନ୍ତି ।