Odisha Janamata : ଖଲ୍ଲିକୋଟ, ଦ୍ବିଦିବସୀୟ ବାର୍ଷିକ କ୍ରୀଡା ଉତ୍ସବ ଅନୁଷ୍ଠିତ ||

ଖଲ୍ଲିକୋଟ, ଦ୍ବିଦିବସୀୟ ବାର୍ଷିକ କ୍ରୀଡା ଉତ୍ସବ ଅନୁଷ୍ଠିତ ||

02-Feb-2026

ଖଲ୍ଲିକୋଟ: ଦ୍ୱିଦିବସୀୟ ବାର୍ଷିକ କ୍ରୀଡା ଉତ୍ସବ ଅନୁଷ୍ଠିତ,

ଓଡିଶା ଜନ ମତ ବ୍ୟୁରୋ,

ଶିକ୍ଷାର୍ଥୀଙ୍କ ସାମଗ୍ରୀକ ବିକାଶରେ କ୍ରୀଡାର ଭୂମିକା ଗୁରୁତ୍ଵପୂର୍ଣ୍ଣ

ଜିଲ୍ଲା ଶିକ୍ଷା ଓ ପ୍ରଶିକ୍ଷଣ ପ୍ରତିଷ୍ଠାନ, ଗଂଜାମ, ଖଲ୍ଲିକୋଟ ପକ୍ଷରୁ ଚଳିତ ବର୍ଷ ଦ୍ୱିଦିବସୀୟ ବାର୍ଷିକ କ୍ରୀଡା ଉତ୍ସବ ସ୍ଥାନୀୟ ଶ୍ରୀ ମର୍ଦ୍ଦରାଜ ଉଚ୍ଚ ବିଦ୍ୟାଳୟ ପରିସରରେ ଆନୁଷ୍ଠାନିକ ରୀତିରେ ଅନୁଷ୍ଠିତ ହୋଇଯାଇଛି । ଖଲ୍ଲିକୋଟର ମାନ୍ୟବର ବିଧାୟକ ପୂର୍ଣ୍ଣଚନ୍ଦ୍ର ସେଠୀ ମଶାଲ ଜାଳି ଉତ୍ସବର ଶୁଭ ଉଦ୍ଘାଟନ କରିଥିଲେ । ଜାତୀୟ ଶିକ୍ଷା ନୀତି-୨୦୨୦ ଆଧାରରେ ଶିକ୍ଷାର୍ଥୀଙ୍କ ଶାରୀରିକ ମାନସିକ ବୈ।ଦ୍ଧିକ ଆବେଗିକ ସର୍ବୋପରି ସର୍ବାଙ୍ଗୀନ ବିକାଶ ପାଇଁ କ୍ରୀଡାର ଭୂମିକା ଗୁରୁତ୍ଵପୂର୍ଣ୍ଣ ହୋଇଥିବାରୁ କ୍ରୀଡା ଉପରେ ପ୍ରତିଷ୍ଠାନ ପକ୍ଷରୁ ସ୍ୱତନ୍ତ୍ର ଦୃଷ୍ଟି ପ୍ରଦାନ କରାଯାଇ ଏପ୍ରକାର ଆୟୋଜନ କରାଯାଇଛି । ପ୍ରତିଷ୍ଠାନର ଅଧ୍ୟକ୍ଷ ତଥା ବିଶିଷ୍ଟ ଶିକ୍ଷାବିତ୍ ଡକ୍ଟର ସନ୍ତୋଷ କୁମାର ପରିଡା ଶିକ୍ଷାର୍ଥୀଙ୍କ ସାମଗ୍ରୀକ ବିକାଶ, ଶାରୀରିକ ସୁସ୍ଥତା, ଶୃଙ୍ଖଳିତ ଜୀବନଯାପନ ସକାଶେ କ୍ରୀଡାର ମହତ୍ୱ, ଲକ୍ଷ୍ୟ ଆଭିମୁଖ୍ୟ ସମ୍ପର୍କରେ ସାରଗର୍ଭକ ବକ୍ତବ୍ୟ ପ୍ରଦାନ କରି ସମସ୍ତଙ୍କୁ ପ୍ରୋତ୍ସାହିତ କରିଥିଲେ । ମାନ୍ୟବର ବିଧାୟକ ପ୍ରତିଷ୍ଠାନରେ ଅଧ୍ୟୟନରତ ଗୁରୁ ଛାତ୍ର ଛାତ୍ରୀଙ୍କ ନିମନ୍ତେ କ୍ରୀଡା ଶିକ୍ଷାର ପ୍ରୟୋଜନତା ସହିତ ଆଗାମୀ ଦିନରେ ବିଦ୍ୟାଳୟରେ ସୂଚାରୁରୂପେ କ୍ରୀଡାକୁ କାର୍ଯ୍ୟକାରୀ କରିବାରେ ଅଗ୍ରଣୀ ଦାୟିତ୍ଵ ନିର୍ବାହ କରିବେ, ସେ ବିଷୟରେ ମତବ୍ୟକ୍ତ କରିଥିଲେ । ଅତିଥି ପରିଚୟ ପ୍ରଦାନ ସଭା ପରିଚାଳନା ଶିକ୍ଷକ ପ୍ରଶିକ୍ଷକ ଜିତେନ୍ଦ୍ର କୁମାର ପଣ୍ଡା, ନବୀନ କୁମାର ପ୍ରମାଣିକ କରିଥିଲା ବେଳେ ଉତ୍ସବର ସଂଯୋଜକ ଶିକ୍ଷକ ପ୍ରଶିକ୍ଷକ ସୁକୁଲେଇ ଟୁଡୁ ସଂଯୋଜନା କରିଥିଲେ । ଗୁରୁ ଛାତ୍ର ଛାତ୍ରୀଙ୍କ ମଧ୍ୟରେ ଶହେ ମିଟର ଦୈ।ଡ ପ୍ରତିଯୋଗିତା, ଲମ୍ବ ଡିଆଁ, ଉଚ୍ଚ ଡିଆଁ, ଡିସକସ ଥ୍ରୋ ଆଦି ବହୁବିଧ କ୍ରୀଡା ପ୍ରତିଯୋଗିତା ଆୟୋଜିତ ହୋଇଥିଲା । ଆୟୋଜିତ ଉତ୍ସବ ଆଜି ଶୁଭ ଉଦଘାଟିତ ହୋଇଥିଲେ ହେଁ ଆସନ୍ତା କାଲି ଅର୍ଥାତ୍ ତା ୦୩/୦୨/୨୬ ରିଖରେ ଉଦଯାପିତ ହେବ ବୋଲି ଅନୁଷ୍ଠାନର ଅଧ୍ୟକ୍ଷ ଡକ୍ଟର ସନ୍ତୋଷ କୁମାର ପରିଡା ଉଲ୍ଲେଖ କରିଛନ୍ତି । ଅନୁଷ୍ଠିତ କ୍ରୀଡା ଉତ୍ସବରେ ବରିଷ୍ଠ ଶିକ୍ଷକ ପ୍ରଶିକ୍ଷକ ବିଷ୍ଣୁ ନାରାୟଣ ଜେନା ଧନ୍ୟବାଦ ଅର୍ପଣ କରିଥିଲା ବେଳେ ପ୍ରତିଷ୍ଠାନର ସମସ୍ତ ଶିକ୍ଷକ ପ୍ରଶିକ୍ଷକ, ପ୍ରଶିକ୍ଷିକା, କର୍ମଚାରୀ ଉପସ୍ଥିତ ଥିଲେ ।