Odisha Janamata : ବରୁଆଁ ରେ ଗୁଳିକାଣ୍ଡ ରେ ଯୁବକଙ୍କ ଆଖି ନଷ୍ଟ ||

ବରୁଆଁ ରେ ଗୁଳିକାଣ୍ଡ ରେ ଯୁବକଙ୍କ ଆଖି ନଷ୍ଟ ||

01-Feb-2026

ଭୁବନ ଥାନା ବାରୁଆଁରେ ଗୁଳିକାଣ୍ଡରେ ଯୁବକଙ୍କ ଆଖି ନଷ୍ଟ,

ଓଡିଶା ଜନ ମତ ବ୍ୟୁରୋ,

ଘରପାଈଁ କିଛି ଜିନିଷ ଆଣିବାକୁ ଟଙ୍କା ଦିଆଯାଇଥିଲା ବେଳେ ଜିନିଷ ନଦେବାରୁ ଟଙ୍କା ଫେରସ୍ତ ମାଗିବାରୁ ଟଙ୍କା ନେଇଥିବା ବ୍ୟକ୍ତି କ୍ରୋଧ ରେ ଉତକ୍ଷିପ୍ତ ହୋଇ ଟଙ୍କା ଦେଇଥିବା ଲୋକକୁ ଗୁଳି ମାରି ଦିଏ | ଏପରି ଏକ ଚିତ୍ର ସାମ୍ନାକୁ ଆସିଛି ଭୁବନ ଥାନା ଅନ୍ତଗତ ବାରୁଆଁ ରେ | ଗତ କାଲି ସନ୍ଧ୍ୟାରେ ଗୁଳିକାଣ୍ଡ ଘଟି ଜଣେ ଯୁବବ ଙ୍କ ଆଖି ନଷ୍ଟ ହୋଇଥିବା ଜଣାପଡିଛି । ପ୍ରାପ୍ତ ଖବରରୁ ପ୍ରକାଶ ଯେ, ବାରୁଆଁ ( ବି) ଗ୍ରାମର ପଞ୍ଚାନନ ରାଉତ (୪୫) କଂସରଗୋଡା ଗ୍ରାମ ଟିଣ କଲୋନୀ ର ମହେଶ୍ବର ଦେହୁରୀ ଙ୍କ ପୁଅ ନଣ୍ଡା ଦେହୁରୀଙ୍କ ଠାରୁ ଧାନ ଆଣିବା ପାଇଁ ୩ ହଜାର ଟଙ୍କା ଦେଇଥିଲେ । ଧାନ ଦେବା ବଦଳରେ ବାରମ୍ବାର ଦିନ ଗଡ଼ାଇ ଠକିବାରୁ ଗୁରୁବାର ସନ୍ଧ୍ୟାରେ ପଞ୍ଚାନନ ଟିଣ କଲୋନୀ ର ନଣ୍ଡା ଦେହୁରୀଙ୍କ ଘରକୁ ଯାଇ ତାଙ୍କୁ ପଇସା ମାଗିଥିଲେ । ଏଥିରେ ଉତକ୍ଷିପ୍ତ ହୋଇ ନଣ୍ଡା ଗାଳି ଗୁଲଜ କରିବା ସହ ଏକ ଛୋଟ ବନ୍ଧୁକ ଆଣି ପଞ୍ଚାନନକୁ ଗୁଳି ମାରିଦେଇଥିଲେ। ଗୁଳିଟି ପଞ୍ଚାନନଙ୍କ ଡାହାଣ ଆଖରେ ବାଜିଥିଲା। ଗୁରୁତର ଆହତ ପଞ୍ଚାନନଙ୍କୁ ପ୍ରଥମେ ଭୁବନ ଓ ପରେ ଭୁବନେଶ୍ଵର ସ୍ଥିତ ଏଲ ଭି ପ୍ରସାଦ ଚକ୍ଷୁ ଚିକିତ୍ସାଳୟ କୁ ସ୍ଥାନାନ୍ତର କରାଯାଇଥିଲା I ପଞ୍ଚାନନ ଙ୍କ ଭାଉଜ କବିତା ରାଉତ ଏହିଘଟଣାସଂପର୍କରେ ଶୁକ୍ରବାର ସକାଳେ ଭୁବନ ଥାନାରେ ଲିଖିତ ଅଭିଯୋଗ କରିବା ପରେ ପୋଲିସ କେଶ ନଂ ୭୦/୨୦୨୬ ରେ ମାମଲା ରୁଜୁ କରି ଅଭିଯୁକ୍ତ କୁ ଗିରଫ କରି କୋର୍ଟ ଚାଲାଣ କରିଛି |