Odisha Janamata : ଲୁଟ କରି ଫେରାର ହୋଇଥିବା ଅଭିଯୁକ୍ତ ପୋଲିସ ଦ୍ୱାରା ଗିରଫ ଓକୋର୍ଟ ଚାଲାଣ ||

ଲୁଟ କରି ଫେରାର ହୋଇଥିବା ଅଭିଯୁକ୍ତ ପୋଲିସ ଦ୍ୱାରା ଗିରଫ ଓକୋର୍ଟ ଚାଲାଣ ||

31-Jan-2026

ବ୍ୟବସାୟୀ ଙ୍କୁ ବନ୍ଧୁକ ଦେଖାଇ ଲୁଟ କରି ଫେରାର ହୋଇଥିବା ଅଭିଯୁକ୍ତ ଗିରଫ,

ଓଡିଶା ଜନ ମତ ବ୍ୟୁରୋ,

ପୁରୀ ଜିଲ୍ଲା କାକଟପୁର ଥାନା ଅଂଚଳରେ ବ୍ୟବସାୟୀଙ୍କୁ ବନ୍ଧୁକ ଦେଖାଇଟଙ୍କା ଲୁଟ କରିଥିବା ଅଭିଯୋଗରେ ଡିସେମ୍ବର ମାସରେ ୩ ଜଣ ଲୁଟେରା ଙ୍କୁ ପୋଲିସ ଧରି ଥିବା ବେଳେ ଜଣେ ଫରାର ହୋଇଥିଲେ । ଖବର – ମୁତାବକ, କାକଟପୁର ଥାନା ଅନ୍ତର୍ଗତ କାକଟପୁରରୁ ନିମାପଡା ମୁଖ୍ୟ ରାସ୍ତାରେ ସେପ୍ଟେମ୍ବର ୧ତାରିଖ ରାତ୍ର ଘ ୩୦ ମିନିଟରୁ ୯ ଘଟିକା ମଧରେ ସାର ଦୋକାନ ବନ୍ଦ କରି ସନ୍ତୋଷ କୁମାର ସାହୁ ନିଜ ଘରକୁ ଯିବା ବାଟରେ ଗୋବିନ୍ଦପୁର ମୌଜା ବ୍ରାହ୍ମଣ ଘର ପାଖରେ ଅନ୍ଧାର ସୁଯୋଗ ନେଇ ୪ ଜଣ ଅଜଣା ଦୁର୍ବୃତ୍ତ ପଛକୁ ଧକ୍କା ମାରିଥିଲେ। ଯାଉଥିବା ସ୍କୁଟି କୁ ଫୋଫାଡ଼ି ଏକ ମରଣାସ୍ତ୍ର, ବନ୍ଧୁକ ଦେଖାଇ ବ୍ୟାଗ ଛଡାଇ ନେଇଥିଲେ । ବ୍ୟାଗ ଭିତରେ ଷ୍ଟକ ରେଜିଷ୍ଟର, ପି ଓ ଏସ ମେସିନ, ଲାପଟପ ସମେତ ୨ଲକ୍ଷ ୧୨ହଜାର ଟଙ୍କା ଥିଲା। ବେଗ କୁ ସନ୍ତୋଷ ସନ୍ତୋଷ କୁମାର ସାହୁ ନ ଦେବାରୁ ଦୁର୍ବୁତ୍ତ ମାନେ ବନ୍ଧୁକରେ ମୁଣ୍ଡକୁ ଶକ୍ତ ଆଘାତ ଦେବା ପରେସନ୍ତୋଷ ତଳେ ପଡ଼ିଥିବା ବେଳେ ଦୁର୍ବୁତ୍ତ ବ୍ୟାଗ ଟିକୁ ଛଡାଇ ନେଇଥିଲେ। ଅନ୍ଧାର ହୋଇଥିବାରୁସନ୍ତୋଷ ଦୁର୍ବୃତ୍ତଙ୍କୁ ଚିହ୍ନି ପାରି ନଥିଲେ। ଦୁଇଟି ବାଇକ୍‌ରେ ୪ ଜଣ ଯୁବକ ଆସିଥିଲେ । ଏ ନେଇ ସେପ୍ଟେମ୍ବର ୩ତାରିଖରେ ସନ୍ତୋଷ ସାହୁ କାକଟପୁର ଥାନାରେ ଲିଖିତ ଅଭିଯୋଗ ଦେଇଥିଲେ । ଅଭିଯୋଗକୁ ଭିଭିକରି କାକଟପୁର ଥାନା କେଶ ନମ୍ବର ୨୫୬/୨୫ରେ ମାମଲା ରୁଜୁ କରି ଦୁର୍ବୃତ୍ତଙ୍କୁ ଧରିବା ପାଇଁ କାକଟପୁର ଥାନାଧିକାରୀ ବସନ୍ତ କୁମାର ସାହୁ ଙ୍କ ନିର୍ଦେଶ କ୍ରମେ ଶବ ଇନ୍ସପେକ୍ଟର ଗୌରୀ ଶଙ୍କର ସେଠୀଙ୍କ ନେତୃତ୍ବରେ ଦୁର୍ବୃତ୍ତଙ୍କୁ ଧରିବାକୁସ୍ଵତନ୍ତ୍ର ଟିମ ଗଠନ ହୋଇଥିଲା । ଦୁର୍ବୃତ୍ତଙ୍କୁ ଜଗତସିଂହପୁର ଜିଲ୍ଲାରୁ ଗିରଫ କରିବାରେ ସଫଳ ହୋଇଛି କାକଟପୁର ପୋଲିସ। ଦୁଇ ଅଭିଯୁକ୍ତ ହେଲେ ନାଉଗାଁ ଅଂଚଳର ଶୁଭମ ଦାସ ଓରଫ ତପୁ (୨୯), ମହିରା ଗ୍ରାମର ଶକ୍ତି ଚନ୍ଦନ ମହାନ୍ତି ଓରଫ ମିଲୁ (୨୬) ଙ୍କୁ ଗିରଫ କରି ଉଭୟଙ୍କୁ ଡିସେମ୍ବର ୧୭ତାରିଖ କୋର୍ଟ ଚାଲାଣ କରାଯାଇଥିଲା । ଅନ୍ୟ ଦୁଇ ଅଭିଯୁକ୍ତ ମଧ୍ଯରୁ ଗୋପ ବ୍ଳକ ଧୂମାଳ ଅଂଚଳର ବିଜୟ ଖଟୋଇ ଙ୍କୁ ଡିସେମ୍ବର ୧୮ ତାରିଖ ରେ ଗିରଫ କରି ଅଦାଲତ ଚାଲାଣ କରାଯାଇଛି । ଜାମିନ ନାମଞ୍ଜୁର ହେବାରୁ ବିଚାର ବିଭାଗୀୟ ହାଜତ ପଠା ଯାଇଛି । କିନ୍ତୁ ଜଣେ ଅଭିଯୁକ୍ତ ଫେରାର ଥିବା ବେଳେ କାକଟପୁର ପୁଲିସ ସ୍ୱତନ୍ତ୍ର ଟିମ୍ ଗଠନ କରି ଅନ୍ୟ ଜଣେ ଅଭିଯୁକ୍ତ ରାଜେଶ ସ୍ୱାଇଁ ଓରଫ ରାଜୁ (୨୭) ଙ୍କୁ ଗିରଫ କରିବାରେ ସଫଳ ହୋଇଛି। ଜଗତସିଂହପୁର ଜିଲ୍ଲା ନାଉଗାଁ ବ୍ଲକ ଗଙ୍ଗଦା ଗୋବରୀକୂଳ ଗାଁରୁ ଅଭିଯୁକ୍ତ କୁ ଗୁରୁବାର ଦିନ ଗିରଫ କରି କୋର୍ଟ ଚାଲାଣ କରିଥିଲେ। ଜାମିନ ନାମଞ୍ଜୁର ହେବାରୁ ରୁ ବିଚାର ବିଚାର ବିଭାଗୀୟ ହାଜତ କୁ ପଠାଯାଇଛି। ଯାହା ସୂଚନା ଦେଇଛନ୍ତି କାକଟପୁର ଥାନା ଅଧିକାରୀ ବସନ୍ତ କୁମାର ସାହୁ ।