Odisha Janamata : ନୀଳକଣ୍ଠେଶ୍ଵର ଊଚ୍ଚ ବିଦ୍ୟାଳୟ ପରିଷର ରେ ପ୍ରତିଷ୍ଠା ହେଲା ଛଅ ମହାପୁରୁଷ ଙ୍କ ପ୍ରତି ମୂର୍ତ୍ତି,

ନୀଳକଣ୍ଠେଶ୍ଵର ଊଚ୍ଚ ବିଦ୍ୟାଳୟ ପରିଷର ରେ ପ୍ରତିଷ୍ଠା ହେଲା ଛଅ ମହାପୁରୁଷ ଙ୍କ ପ୍ରତି ମୂର୍ତ୍ତି,

11-Jan-2026

ନିଳକଣ୍ଠେଶ୍ବର ଉଚ୍ଚ ବିଦ୍ୟାଳୟ ପରିସରରେ ପ୍ରତିଷ୍ଠା ହେଲା ଛଅ ମହାପୁରୁଷଙ୍କ ପ୍ରତିମୂର୍ତ୍ତି,

ଓଡିଶା ଜନମତ , ଖଲ୍ଲିକୋଟ, ମାଧବ ବେହେରା,,

ଖଲ୍ଲିକୋଟ 10 /୦୧-ଖଲ୍ଲିକୋଟ ବ୍ଳକ ଅନ୍ତର୍ଗତ କୈରାଶୀ ଗ୍ରାମରେ ଥିବା ପୁରାତନ ଶିକ୍ଷା ଅନୁଷ୍ଠାନ ଶ୍ରୀ ନିଳକଣ୍ଠେଶ୍ବର ଉଚ୍ଚ ବିଦ୍ୟାଳୟ ପରିସରରେ ଛଅ ଗୋଟି ମହାପୁରୁଷଙ୍କ ପ୍ରତିମୂର୍ତ୍ତି ପ୍ରତିଷ୍ଠା ହୋଇ ଥିବା ଦେଖିବାକୁ ମିଳିଛି। ପୁରୀ ସ୍ଥିତ ଉତ୍କଳ ଗୌରବ ସ୍ବାଭିମାନ ମଞ୍ଚ ଓ ପୂଜ୍ୟ ପୂଜା ସମିତିର ସୌଜନ୍ୟରେ ପ୍ରତିଷ୍ଠା ହୋଇଥିବା ପ୍ରତିମୂର୍ତ୍ତି ଗୁଡିକୁ ମୂଖ୍ୟ ଅତିଥି ମର୍ଦରାଜ ସାଂସ୍କୃତିକ ପରିଷଦ ସଭାପତି ଡାକ୍ତର ସାକେତ ରାମାରାଓ ମୂତ୍ତି ଗୁଡିକୁ ଅନାବରଣ କରିଥିଲେ। ଏହି ଉପଲକ୍ଷେ ଆୟୋଜିତ ପ୍ରତିମୂର୍ତ୍ତି ଉନ୍ମୋଚନ ସଭାରେ ଡାକ୍ତର ସାକେତ ରାମାରାଓ ମୂଖ୍ୟ ଅତିଥି ଭାବରେ ଯୋଗ ଦେଇ ଓଡିଶା ଏକତ୍ରୀକରଣ ଆନ୍ଦୋଳନ ରମ୍ଭା ଠାରୁ ଆରମ୍ଭ କରି ପାରଳାଖେମୁଣ୍ଡି ମହାରାଜା କୃଷ୍ଣ ଚନ୍ଦ୍ର ଗଜପତି ତାର ଅନ୍ତିମ ଋପାୟନ କରିଥିଲେ ବୋଲି ପ୍ରକାଶ କରିଥିଲେ। ଉକ୍ତ କାର୍ଯ୍ୟକ୍ରମରେ ଉତ୍କଳ ଗୌରବ ସ୍ବଭିମାନ ମଞ୍ଚ ସଭାପତି ରାଧାନାଥ ଦାସ ମୂଖ ବକ୍ତା ଭାବରେ ଯୋଗ ଦେଇଥିବା ବେଳେ ରମ୍ଭା ଏନ ଏ ସି ପୂର୍ବତନ ନଗରପାଳ ସମାଜସେବୀ ସୁବାଷ ଚନ୍ଦ୍ର ପଣ୍ଡା,ସ୍ବାଭିମାନ ମଞ୍ଚ ସଂପାଦକ ପ୍ରଭାକର ତ୍ରିପାଠୀ, ମଞ୍ଚର ସଦସ୍ୟ ବାସୁଦେବ ସାହୁ,ଦେବେନ୍ଦ୍ର କୁମାର ନନ୍ଦ, ଇଂ ସୁବାଷ ଚନ୍ଦ୍ର ମହାପାତ୍ର ଓ ସଦସ୍ୟା ସୁଶ୍ରୀ ହରପ୍ରିୟା କର ପ୍ରମୁଖ ସମ୍ମାନିତ ଅତିଥି ଭାବରେ ଯୋଗ ଦେଇଥିଲେ। ବିଦ୍ୟାଳୟର ପୂର୍ବତନ ପ୍ରଧାନ ଶିକ୍ଷକ ଭିକାରୀ ଚନ୍ଦ୍ର ଗୌଡ ସଭାପତିତ୍ୱ କରିଥିବା ବେଳେ ପୂର୍ବତନ ସରପଞ୍ଚ ପ୍ରଫୁଲ୍ଲ ଚନ୍ଦ୍ର ସାହୁ, ଅଜୟ କୁମାର ପଣ୍ଡା, ସନ୍ତୋଷ କୁମାର ରାଉତ, ସମିତି ସଭ୍ୟ ବାନାମ୍ବର ସ୍ବାଇଁ, ଏମ ଇ ସ୍କୁଲ ପ୍ରଧାନ ଶିକ୍ଷକ ଦୂର୍ଯ୍ୟୋଧନ ପଲେଇ, ପ୍ରଧାନ ଶିକ୍ଷକ ହଜାରୀ ବାରିକ, ପୂର୍ଣ୍ଣ ଚନ୍ଦ୍ର ମର୍ଦରାଜ ଉଚ୍ଚ ବିଦ୍ୟାଳୟ ପ୍ରଧାନ ଶିକ୍ଷକ ପ୍ରମୋଦ କୁମାର ପଣ୍ଡା ପ୍ରମୁଖ ଅତିଥି ଭାବରେ ମଞ୍ଚା୍ସୀନ ଥିଲେ। କାର୍ଯ୍ୟକ୍ରମକୁ ପୂଜ୍ୟପୂଜା କମିଟିର ଶିକ୍ଷକ ରାମ ପ୍ରସାଦ ପଣ୍ଡା ପରିଚାଳନା କରିଥିବା ବେଳେ ଶିକ୍ଷକ ବଂଶୀ ଧର ସାହୁ ମଞ୍ଚ ପରିଚାଳନା କରିଥିଲେ। ବିଦ୍ୟାଳୟର ଛାତ୍ର ଛାତ୍ରୀ ଓ ଗ୍ରାମର ଭଦ୍ରବ୍ୟକ୍ତି ମାନେ କାର୍ଯ୍ୟକ୍ରମକୁ ଉପଭୋଗ କରିଥିଲେ। ଛାତ୍ରଛାତ୍ରୀ ମାନଙ୍କ ଦ୍ବାରା ବିଭିନ୍ନ ସାଂସ୍କୃତିକ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା।( ଫୋଟୋ )