Odisha Janamata : ଖୋର୍ଦ୍ଧା ମଙ୍ଗଳା ନଗର କିଡ଼ଜି ସ୍କୁଲର ଦ୍ୱ୍ୱତୀୟ ବାର୍ଷିକ ଉତ୍ସବ ଅନୁଷ୍ଠିତ |

ଖୋର୍ଦ୍ଧା ମଙ୍ଗଳା ନଗର କିଡ଼ଜି ସ୍କୁଲର ଦ୍ୱ୍ୱତୀୟ ବାର୍ଷିକ ଉତ୍ସବ ଅନୁଷ୍ଠିତ |

10-Jan-2026

ଖୋର୍ଦ୍ଧା ମଙ୍ଗଳାନଗର କିଡ଼ଜି ସ୍କୁଲର ଦ୍ୱିତୀୟ ବାର୍ଷିକ ଉତ୍ସବ::ପିଲାଙ୍କ ଶାରୀରିକ, ମାନସିକ ବୃଦ୍ଧି ପାଇଁ କିଡ଼ିଜ ସ୍କୁଲ କୁ ପ୍ରଶଂସା କଲେ ଅତିଥି

ଓଡିଶା, ଜନମତ, ଖୋର୍ଦ୍ଧା, ଗୋପାଳ କୃଷ୍ଣ ପ୍ରଧାନ

ଖୋର୍ଦ୍ଧା (ନିପ୍ର )ଖୋର୍ଦ୍ଧା ପୌର ପରିଷଦ ଅନ୍ତର୍ଗତ ମଙ୍ଗଳା ନଗର ଠାରେ ସ୍ଥାପିତ କିଡ଼ଜି ପ୍ଲେ ସ୍କୁଲର ଦ୍ୱିତୀୟ ବାର୍ଷିକ ଉତ୍ସବ ବିଦ୍ୟାଳୟ ର ପ୍ରିନ୍ସିପାଲ ଜୟପ୍ରଦା ତ୍ରିପାଠୀ ଙ୍କ ଆୟୋଜନ ରେ ଅନୁଷ୍ଠିତ ହୋଇଯାଇଛି l ଅତିଥି ରୂପେ ସୋଆ ର ପ୍ରଫେସର ଜ୍ୟୋତି ରଞ୍ଜନ ଦାସ, କିଡ଼ିଜ ପ୍ଲେ ସ୍କୁଲର ଏକାଡେମୀ ସେଲ ର ଅଧ୍ୟକ୍ଷ ଆତ୍ରୀ ସରକାର, ବରିଷ୍ଠ ଶିକ୍ଷାବିତ ଅବସରପ୍ରାପ୍ତ ମେଜର କ୍ଷୀରୋଦ ପ୍ରସାଦ ମହାନ୍ତି, ବରିଷ୍ଠ ଶିକ୍ଷାବିତ ଡ଼ ବୃନ୍ଦାବନ ପଣ୍ଡା ଯୋଗଦେଇ ଏହି କାର୍ଯ୍ୟକ୍ରମ କୁ ଉଦଘାଟନ କରିବା ସହିତ ଖୋର୍ଦ୍ଧା ସହରରେ କିଡ଼ିଜ ସ୍କୁଲ ଅଳ୍ପ ଦିନ ଭିତରେ ଛୋଟ ଛୋଟ ପିଲାଙ୍କ ମାନସିକ, ଶାରୀରିକ ଅଭିବୃଦ୍ଧି ପାଇଁ ଅଭିଭାବକ ଙ୍କ ପ୍ରଶଂସା ର ଯୋଗ୍ୟ ହୋଇପାରିଛି ବୋଲି କହିଥିଲେ l ସାରା ଭାରତ ବର୍ଷ ରେ 2500 ସ୍କୁଲ ଓ ଓଡ଼ିଶାରେ 65 ଟି କିଡ଼ଜି ସ୍କୁଲ ଚାଲି ଥିବା ବେଳେ ଖୋର୍ଦ୍ଧା ରେ 10 ଜଣ ପିଲାଙ୍କୁ ନେଇ ଆରମ୍ଭ ହୋଇଥିବା ଏହି ସ୍କୁଲରେ ବର୍ତମାନ 90 ଜଣ ପିଲା ଥିବା ଅଧ୍ୟକ୍ଷା ତ୍ରିପାଠୀ କହିଥିଲେ l ପ୍ଲେ ସ୍କୁଲ ଠାରୁ ସିନିଅର କେଜି ପର୍ଯ୍ୟନ୍ତ ଚାଲୁଥିବା ଏହି ସ୍କୁଲରେ କୋମଳମତି ପିଲାଙ୍କୁ ଖେଳ, ନାଚ, ଗୀତ ମାଧ୍ୟମରେ ଶିକ୍ଷା ଦାନ କରିବା ଦ୍ୱାରା ପିଲାଙ୍କ ବ୍ରେନ ଡେଭେଲପମେଣ୍ଟ ହୋଇପାରୁଛି ସେଥିପାଇଁ ପିଲାଙ୍କ ରୁଚି କୁ ନେଇ ଛୋଟ ପିଲା କଣ ଚାହୁଁଛି ତାକୁ ଅନୁଧ୍ୟାନ କରି ଶିକ୍ଷାଦାନ ପ୍ରତି ଗୁରୁତ୍ୱ ଦିଆଯାଉଛି ବୋଲି ମଧ୍ୟ କହିଥିଲେ l ସେହିପରି ଆଜି ପିଲାଙ୍କ ଦ୍ୱାରା ନାଚ, ଗୀତ କରାଯିବା ସହିତ ପୁରସ୍କାର କାର୍ଯ୍ୟକ୍ରମ ଆୟୋଜନ ହୋଇଥିଲା l l ପିଲାଙ୍କୁ କିଭଳି ଶୈକ୍ଷିକ ବାତାବରଣ ରେ ଉଚ୍ଚ ଉନ୍ନତ ମାନର ଶିକ୍ଷା ଦିଆଯିବ ସେଥିପାଇଁ ଚେଷ୍ଟା ଚାଲିଥିବାରୁ ଅଭିଭାବକ ମାନେ କିଡ଼ିଜ ସ୍କୁଲ କୁ ପ୍ରଶଂସା କରିଥିଲେ l ବିଦ୍ୟାଳୟ ର ଶିକ୍ଷକ ଶିକ୍ଷୟିତ୍ରୀ, ଙ୍କ ସହିତ ବହୁ ଅଭିଭାବକ ପ୍ରମୁଖ ସହଯୋଗ କରିଥିଲେ l ଶେଷରେ ପିଲାଙ୍କ ଦ୍ୱାରା ସାଂସ୍କୃତିକ ନୃତ୍ୟ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା l ରିପୋର୍ଟ ---ଗୋପାଳ କୃଷ୍ଣ ପ୍ରଧାନ