Odisha Janamata : 16ଲକ୍ଷ ଟଙ୍କା ହେରଫେର ଅଭିଯୋଗ ରେ ପୂର୍ବତନ ପୋଷ୍ଟ ମାଷ୍ଟର ଙ୍କୁ5ବର୍ଷ ଜେଲ ଦଣ୍ଡଦେଶ ଶୁଣାଇଲେ କେନ୍ଦ୍ରାପଡା କୋର୍ଟ |

16ଲକ୍ଷ ଟଙ୍କା ହେରଫେର ଅଭିଯୋଗ ରେ ପୂର୍ବତନ ପୋଷ୍ଟ ମାଷ୍ଟର ଙ୍କୁ5ବର୍ଷ ଜେଲ ଦଣ୍ଡଦେଶ ଶୁଣାଇଲେ କେନ୍ଦ୍ରାପଡା କୋର୍ଟ |

29-Nov-2025

ପୂର୍ବତନ ପୋଷ୍ଟମାଷ୍ଟରଙ୍କୁ ୫ବର୍ଷ ଜେଲ, 16ଲକ୍ଷ ହେର ଫେର,

ଓଡିଶା ଜନ ମତ ବ୍ୟୁରୋ,

ବେଳେ ବେଳେ ମନୁଷ୍ୟ ମାନେ ଅର୍ଥ ପାଇଁ ଏତେ ତଳକୁ ଖସି ଯାଆନ୍ତି ତାର ଉଦାହରଣ ଦେଖିବାକୁ ମିଳିଛି କେନ୍ଦ୍ରାପଡା ସହର ରେ | ପୋଷ୍ଟ ଅଫିସରୁ ଲୋକଙ୍କ ଜମା ଟଙ୍କା ହେରଫେର ମାମଲାର ବିଚାର କରି କେନ୍ଦ୍ରାପଡ଼ା ମୁଖ୍ୟ ବିଚାର ବିଭାଗୀୟ ଅଦାଲତ ମହାକାଳପଡ଼ା ବ୍ଲକ ରାମନଗର ଶାଖାର ପୂର୍ବତନ ପୋଷ୍ଟ ମାଷ୍ଟର କାବେରୀ ମଲ୍ଲିକଙ୍କୁ ୫ ବର୍ଷ ଜେଲ ଦଣ୍ଡରେ ଦଣ୍ଡିତ କରିଛନ୍ତି। ଏହାସହ ୧୦ ହଜାର ଟଙ୍କା ଜୋରିମାନା ଦଣ୍ଡାଦେଶ ଦେଇଛନ୍ତି । ଜୋରିମାନା ଅନାଦେୟ ଅଭିଯୁକ୍ତ ଅଧିକ ୬ ମାସ ଜେଲ ଦଣ୍ଡ ଭୋଗିବ ବୋଲି ବିଚାରପତି ତାଙ୍କ
ରାୟରେ ଉଲ୍ଲେଖ କରିଛନ୍ତି । ମାମଲାର ବିବରଣୀରୁ ପ୍ରକାଶ, କାବେରୀ ମଲ୍ଲିକ ଡାକ ବିଭାଗର ରାମନଗର ଶାଖାରେ ପୋଷ୍ଟ ମଷ୍ଟର ଥିବା ବେଳେ ୧୬ ଲକ୍ଷ ୬୩ ହଜାର ୮୮୩ ଟଙ୍କା ହେରଫେର କରିଥିଲେ। ସେ ଲୋକଙ୍କ ଠାରୁ ଯେଉଁ ଜମା ଅର୍ଥ ନେଉଥିଲେ ତାହାକୁ ପାସବୁକରେ ଚଢଉଥିଲେ କିନ୍ତୁ ଲେଜରରେ ନ ଚଢାଇ ଅର୍ଥ ହଡ଼ପ କରୁଥିଲେ। ଏହା ଜଣାପଡିବା ପରେ ଜମାକାରୀମାନେ ଡାକ ବିଭାଗ ଅଧୀକ୍ଷକଙ୍କ ନିକଟରେ ୨୦୨୨ ମସିହାରେ ଅଭିଯୋଗ କରିଥିଲେ। ଫଳରେ
ତତ୍‌କାଳୀନ କେନ୍ଦ୍ରାପଡ଼ା ଡାକ ବିଭାଗ ଅଧୀକ୍ଷକ ଦେବାଶିଷ ଶତପଥି ଜମ୍ବୁ ସାମୁଦ୍ରିକ ଥାନାରେ ୨୦୨୨ ମସିହା ମାର୍ଚ୍ଚ ମାସ ୧୦ ତାରିଖରେ କାବେରୀ ମଲ୍ଲିକଙ୍କ ନାମରେ ଏତଲା ଦେଇଥିଲେ । ଏତଲ ହେବା ପରେ ପୋଲିସ ଏକ ମାମଲା ରୁଜୁ କରି କାବେରୀ ମଲ୍ଲିକଙ୍କୁ ଗିରଫ କରିଥିଲା । ମାମଲାର ବିଚାର ଚାଲିଥିବା ବେଳେ ୧୫ ଜଣ ସାକ୍ଷୀଙ୍କ ବୟାନ ରେକର୍ଡ କରାଯାଇ ଥିଲା । ସମସ୍ତ ସାକ୍ଷ୍ୟ ପ୍ରମାଣକୁ ଆଧାର କରି ବିଚାରପତି ସରିତା ମହାନ୍ତି ଉପରୋକ୍ତ ରାୟ ପ୍ରଦାନ କରିଛନ୍ତି ।