Odisha Janamata : ନୂଆଁବର୍ଷରେ ମାଆ ତାରା ତାରିଣୀ ଙ୍କ ପିଠରେ ଭକ୍ତଙ୍କ ପ୍ରବଳ ଗହଳି |

ନୂଆଁବର୍ଷରେ ମାଆ ତାରା ତାରିଣୀ ଙ୍କ ପିଠରେ ଭକ୍ତଙ୍କ ପ୍ରବଳ ଗହଳି |

01-Jan-2025

ନବବର୍ଷରେ ତାରା ତାରିଣୀ ମନ୍ଦିର ରେ ମାଆଙ୍କ ଦର୍ଶନ ସହିତ ବଣଭୋଜି ପାଈଁ ପ୍ରବଳ ଭିଡ଼ |

ଓଡିଶା ଜନମତ ବ୍ୟୁରୋ ,

ଆଜି ଇଂରାଜୀ ନବବର୍ଷ ଯୋଗୁଁ ଚଳ ଚଞ୍ଚଳ ଦକ୍ଷିଣ ଓଡିଶା ତଥା ଗଞ୍ଜାମ ଜିଲ୍ଲା ର ଅଧିଷ୍ଠାତ୍ରୀ ଦେବୀ ମାଆ ତାରା ତାରିଣୀ ଙ୍କ ପୀଠ |ଜିଲ୍ଲା ତଥା ରାଜ୍ୟ ବାହାରୁ ଆସୁଥିବା ଭକ୍ତ ମାନେ ମାଆ ଙ୍କୁ ଦର୍ଶନ କରି ନୂଆଁ ବର୍ଷରେ ଭକ୍ତ ମାନେ ସେମାନଙ୍କ ପରିବାର ସହିତ ଆସି ମାଆଙ୍କ ସାନିଧ୍ୟ ପାଇବା ସହ ତାଙ୍କ ଚରଣରେ ପ୍ରଣିପାତ କରିଥିଲେ | ଅଧିକାଂଶ ଲୋକ ଇଂରାଜୀ ନବବର୍ଷ କୁ ପାଳନ କରନ୍ତି | ନୁଆଁ ବର୍ଷ ରେ ପ୍ରାୟଲୋକ ଭୋଜି କରିଥାନ୍ତି | ପୁରୁଣା ଦିନକୁ ମନେରଖିବାପାଇଁ ନୁଆଁ ବର୍ଷ ରେ ବହୁଦିନର ପୁରାତନ ସାଙ୍ଗସାଥି ଙ୍କ ମିଳନ, ହେବା ସହ ଭୋଜିଭାତର ଆଶାର ଜମିଥାଏ | ନୂଆଁ ବର୍ଷରେ ମାଆ ତାରା ତାରିଣୀ ଙ୍କୁ ନୂଆଁ ବେଶ କରାଯାଇ ଥାଏ, ଓ ସୁନା ରୂପାର ଅଳଙ୍କାରମାନ ମାଆଙ୍କୁ ଆଭୂଷଣ କରାଯାଇ ନିତିକାନ୍ତି ଅନୁସାରେ ଭୋଗ,ରାଗ କରାଯାଇ ଥାଏ | ଭକ୍ତ ମାନେ ଯେପରି ଶୃଙ୍ଖଳିତ ଭାବେ ଦର୍ଶନ କରି ଫେରିବେ ସେଥି ନିମନ୍ତେ ପୁରୁଷୋତ୍ତମପୁର ଏସ୍ଡ଼ିପିଓ ରଜନୀ କାନ୍ତ ସାମଲ, ଥାନା ଅଧିକାରୀ ରାଜେଶ କୁମାର ନାୟକ , ଓ ଷ୍ଟାଫ ମାନେ ଉପସ୍ଥିତ ରହି ଯାତ୍ରୀଙ୍କୁ ସହଯୋଗ ପ୍ରଦାନ କରିଥିଲେ | ତଳେ ଦୂର, ଦୁରାନ୍ତ ରୁ ଆସୁଥିବା ଭକ୍ତମାନେ ବଣର ଅଧିକାଂଶ ସ୍ଥାନରେ ଭୋଜି ଭାତ, ନାଚ, ଗୀତର ଆଶାର ଜମାଇ ଥିଲେ | ପ୍ରାୟ 2ଲକ୍ଷ ରୁ ଉର୍ଦ୍ଧ ଭକ୍ତଙ୍କ ସମାଗମ ହୋଇ ଥିଲା | ସେବାୟତ ମାନେ ମଧ୍ୟ ଭକ୍ତଙ୍କ ଭୋଗରାଗ କରି ଦର୍ଶନ କରାଇ ଛାଡୁଥିଲେ | ଆଜି ବହୁ ସରକାରୀ ଅଧିକାରୀ, କର୍ମଚାରୀ ଙ୍କ ସହିତ ସ୍କୁଲ କଲେଜ ଛାତ୍ର, ଛାତ୍ରୀ ଓ ବହୁ ପର୍ଯ୍ୟଟକ ମାଆଙ୍କୁ ଦର୍ଶନ କରିବା ସହିତ ବଡ଼ଖୁସିରେ ଘରକୁଫେରିଥିଲେ |ସମସ୍ତେ ଜଗତରମଙ୍ଗଳକାମନା କରିଥିଲେ | ମାଆଙ୍କ ମୁଖ୍ୟ ସେବାୟତ ବାପୁଜୀ ରଣା ସହିତ ବହୁ ସେବା ୟତ ଓ ପୁରୁଷୋତ୍ତମ ପୁର ତହସିଲଦାର ବିନୋଦ କୁମାର ବେହେରା, ବିଡ଼ିଓ ମନୋଜ କୁମାର ନାୟକ, ମନ୍ଦିର କାର୍ଯ୍ୟ ନିର୍ବାହୀ ଅଧିକାରୀ ଟିକେରେଡି,ଉପସ୍ଥିତ ଥିଲେ |