Odisha Janamata : ଟଙ୍କା ଠକେଇ ଅଭିଯୋଗ ରେ ମାଆ, ପୁଅଙ୍କୁ ଗିରଫକଲା ସାଇବର ପୋଲିସ |

ଟଙ୍କା ଠକେଇ ଅଭିଯୋଗ ରେ ମାଆ, ପୁଅଙ୍କୁ ଗିରଫକଲା ସାଇବର ପୋଲିସ |

29-Dec-2024

ଟଙ୍କା ଠକେଇ: ଗାଜିଆବାଦରୁ ମା’– ପୁଅଙ୍କୁ ବାନ୍ଧିଲା ଓଡ଼ିଶା ସାଇବର ପୁଲିସ,

ଓଡିଶା ଜନମତ ବ୍ୟୁରୋ ,

ଭୁବନେଶ୍ୱର: ଲକ୍ଷାଧିକ ଟଙ୍କା ଠକେଇ ଅଭିଯୋଗରେ ଓଡ଼ିଶା ସାଇବର ଥାନା ପୁଲିସ ମା’-ପୁଅଙ୍କୁ ଉତରପ୍ରଦେଶର ଗାଜିଆବାଦ୍ରୁ ଗିରଫ କରିଛି । ଅଭିଯୁକ୍ତମାନେ ହେଲେ ନୀଲମ ଅଗ୍ରୱାଲ ଓ ତାଙ୍କର ପୁଅ ବଂଶ ଅଗ୍ରୱାଲ । ଉଭୟ ମା’– ପୁଅ ଗେମିଂ ପ୍ଲାଟଫର୍ମ ମାଧ୍ୟମରେ ଏକ କଂପାନି ଖୋଲି ଲୋକଙ୍କୁ ଡିଜିଟାଲ ମାଧ୍ୟମରେ ଠକେଇ କରୁଥିଲେ ।ଠକେଇ ନେଇ ଭୁବନେଶ୍ୱରର ଜଣେ ବରିଷ୍ଠ ନାଗରିକ ସାଇବର ଥାନାରେ ଗତ ୨୨ ତାରିଖ ଦିନ ଅଭିଯୋଗ କରିଥିଲେ । ସେ କହିଥିଲେ ଯେ, ତାଙ୍କୁ କିଛି ଅଜ୍ଞାତ ମୋବାଇଲ୍ ନମ୍ବର ଏବଂ ଟୋଲ୍ ଫ୍ରି ନମ୍ବରରୁ କଲ ଆସିଥିଲା, ଯାହାକୁ ସେ ଫେଡେକ୍ସ କ୍ୟୁରି ଅଫିସ୍ ଏବଂ ମୁମ୍ବାଇ ସାଇବର କ୍ରାଇମ୍ ଡିଭିଜନର ପୁଲିସ୍ କର୍ମଚାରୀ ବୋଲି ଦର୍ଶାଇଥିଲେ । ସାଇ ବର ଠକମାନେ କହିଥିଲେ ଯେ, କିଛି A ଦୁର୍ବୃତଙ୍କ ଦ୍ୱାରା ଅଭିଯୋଗକାରୀଙ୍କ ଆଧାର କାର୍ଡ ହ୍ୟାକ୍ ହୋଇଛି ଏବଂ ଟଙ୍କା ଠକେଇ ପାଇଁ ବ୍ୟବହୃତ ହୋଇଛି । ଏସଂପର୍କରେ ଅପରାଧିକ ମାମଲା ପଞ୍ଜୀକୃତ ହୋଇଛି ଏବଂ ସେମାନେ ଧମକ ଦେଇଛନ୍ତି ଯେ ତାଙ୍କୁ ତିନିରୁ ସାତ ବର୍ଷ ଜେଲ ଦଣ୍ଡ ଭୋଗିବାକୁ ପଡ଼ିବ । ଯାଞ୍ଚ ପାଇଁ ସେମାନେ ପରାମର୍ଶ ଦେଇଥିବା ଏକ ଆକାଉଂଟକୁ ତାଙ୍କର ସମସ୍ତ ଟଙ୍କା ସ୍ଥାନା ନ୍ତର କରିବାକୁ କହିଥିଲେ ଏବଂ ପରବର୍ତୀ ସମୟରେ ସମସ୍ତ ରାଶି ତାଙ୍କ ଆକାଉଂଟ କୁ ଫେରାଇ ଦିଆଯିବ ବୋଲି କହିଥିଲେ । ସେହିପରି ସେମାନେ ତାଙ୍କୁ ତାଙ୍କ ଏସବିଆଇ ଆକାଉଂଟରୁ ପାଂଚଟି କାରବାରରେ ଏବଂ ତାଙ୍କ ପତ୍ନୀଙ୍କ ଏସବିଆଇ ଆକାଉଂଟରୁ ୨୦୨୪ ମେ ୧୪ରୁ ୨୦୨୪ ମେ` ୧୮ ତାରିଖ ମଧ୍ୟରେ ୧,୩୭,୯୦,୦୦ (ଏକ କୋଟି ତିରିଶ ଲକ୍ଷ ନବେ ହଜାର) ଟ୍ରାନ୍ସଫର କରିବାକୁ ବାଧ୍ୟ କରିଥିଲେ । ସାଇବର ଅପରାଧ ଶାଖା ଟଙ୍କା ସମୀକ୍ଷା କରିବା ପରେ ପୀଡ଼ିତ ବ୍ୟକ୍ତି ତିନୋଟି ଭିନ୍ନ ଆକାଉଂଟରେ ୧.୩୮ କୋଟି ଟଙ୍କା ଜମା କରିଥିବା ନେଇ ସ୍ପଷ୍ଟ ହୋଇଥିଲା । ସେଥିମଧ୍ୟରୁ ୧.୧୨ କୋଟି ଟଙ୍କା ବଂଶୀଲାଲ ସଫ୍ଟୱେୟାର ପ୍ରାଇଭେଟ ଲିମିଟେଡ ଆକାଉଂଟରେ ଜମାକରାଯାଇ ଥିବା ଜଣାପଡ଼ିଥିଲା । ତଦନ୍ତ ବେଳେ ଏହା ଜଣାପଡ଼ିଥିଲା ଯେ ନୀଲମ ଅଗ୍ରୱାଲ ଏବଂ ବଂଶ ଅଗ୍ରୱାଲ ହେଉଛନ୍ତି ଏହି କଂପାନିର ମାଲିକ । ସୂଚନା ଆଧାରରେ କ୍ରାଇମ୍ ବ୍ରାଚ ଟିମ୍ ଗାଜିଆବାଦ୍ ରେ ପହଂଚି ଥିଲା ଏବଂ ସ୍ଥାନୀୟ ବିଜୟନଗର ଥାନା ପୁଲିସର ସହଯୋଗରେ ଅଭିଯୁକ୍ତ ମା’-ପୁଅଙ୍କୁ ଗତ ୨୭ ତାରିଖ ଦିନ ଗିରଫ କରିଛି । ପୁଲିସ ମା’-ପୁଅଙ୍କୁ ଟ୍ରାଞ୍ଜିଟ୍ ରିମାଣ୍ଡ ରେ ଆଣିଛି । ଅଭିଯୁକ୍ତମାନେ ୧୩ଟି ଆକାଉଂଟ ମାଧ୍ୟମରେ ଲୋକଙ୍କୁ ଡିଜିଟାଲ ମାଧ୍ଯମରେ ଠକୁ ଥିବା ପୁଲିସ ଜାଣିବାକୁ ପାଇଛି ।