Odisha Janamata : ମାଣିକ୍ୟ ପୁର ଉଚ୍ଚ ପ୍ରାଥମିକ ବିଦ୍ୟାଳୟ ପରିଦର୍ଶନ କଲେ ଦିଲ୍ଲୀ ବିଶ୍ୱ ବିଦ୍ୟାଳୟ ଓନିପୁଣ ସେଲ ଅଧିକାରୀ ମାନେ |

ମାଣିକ୍ୟ ପୁର ଉଚ୍ଚ ପ୍ରାଥମିକ ବିଦ୍ୟାଳୟ ପରିଦର୍ଶନ କଲେ ଦିଲ୍ଲୀ ବିଶ୍ୱ ବିଦ୍ୟାଳୟ ଓନିପୁଣ ସେଲ ଅଧିକାରୀ ମାନେ |

31-Jul-2026

ମାଣିକ୍ୟପୁର ଉଚ୍ଚ ପ୍ରାଥମିକ ବିଦ୍ୟାଳୟ ପରିଦର୍ଶନ କଲେ ନିପୁଣ ସେଲ୍‌ ଓ ଦିଲ୍ଲୀ ବିଶ୍ୱବିଦ୍ୟାଳୟ ପ୍ରତିନିଧି ଦଳ |

ଜନମତ ଓଡିଶା,ମାଧବ ବେହେରା,
ଖଲ୍ଲିକୋଟ : 1/8
ଖଲ୍ଲିକୋଟ ବ୍ଲକ ଅନ୍ତର୍ଗତ ମାଣିକ୍ୟପୁର ସରକାରୀ ଉଚ୍ଚ ପ୍ରାଥମିକ ବିଦ୍ୟାଳୟରେ ନିପୁଣ ଭାରତ ମିଶନ୍‌ ଅନ୍ତର୍ଗତ ଏକ ବିଶେଷ ପରିଦର୍ଶନ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି। ଆଜି ଶୁକ୍ରବାର ଦିନ ଦିଲ୍ଲୀ ବିଶ୍ୱବିଦ୍ୟାଳୟର ପ୍ରତିନିଧିଙ୍କ ସହ ନିପୁଣ ସେଲ୍‌ର ପ୍ରତିନିଧି ଇସ୍ମିତ୍‌ ସିଂ,ପାର୍ଥଜିତ୍‌ ଦାସ, ଅମରଜିତ୍‌ ଜେନା ଓ ଚାନ୍ଦିନୀ କାର୍ଲ ବିଦ୍ୟାଳୟ ପରିଦର୍ଶନ କରି ଶିକ୍ଷାଦାନର ସ୍ଥିତି ସମୀକ୍ଷା କରିଛନ୍ତି।ଏହି ପରିଦର୍ଶନ ସମୟରେ ପ୍ରତିନିଧି ଦଳ ବିଦ୍ୟାଳୟର ଏଫ୍‌ଏଲ୍‌ଏନ୍‌ (FLN) ଶ୍ରେଣୀଗୃହ, ଶିକ୍ଷଣ ସୋପାନ ରେଜିଷ୍ଟର, ସାକ୍ଷରତା ମିଟର, ଗ୍ୟାଲେରୀ ୱାକ୍‌ ଏବଂ ଛାତ୍ରଛାତ୍ରୀଙ୍କ ଶିକ୍ଷଣ ଫଳାଫଳ ପ୍ରତ୍ୟକ୍ଷ ଭାବେ ଅନୁଧ୍ୟାନ କରିଥିଲେ। ବିଦ୍ୟାଳୟର ଶିକ୍ଷଣ ପରିବେଶ ଓ ଛାତ୍ରଛାତ୍ରୀଙ୍କ କୃତିତ୍ୱ ଦେଖି ଅତିଥିମାନେ ଅତ୍ୟନ୍ତ ସନ୍ତୋଷ ପ୍ରକାଶ କରିବା ସହ ଭୂୟସୀ ପ୍ରଶଂସା କରିଥିଲେ।ଏହି କାର୍ଯ୍ୟକ୍ରମରେ ଗୋଷ୍ଠୀ ଶିକ୍ଷା ଅଧିକାରୀ ଶ୍ରୀ ସତ୍ୟ ନାରାୟଣ ଦାସ ଏବଂ ସି.ଆର୍.ସି.ସି ଶ୍ରୀମତି ଲିପନ ପଣ୍ଡା, ପ୍ରଧାନ ଶିକ୍ଷକ ଶ୍ରୀ ଗଙ୍ଗାଧର ବେହେରା ଉପସ୍ଥିତ ରହି ଶିକ୍ଷାର ଗୁଣାତ୍ମକ ମାନ ବୃଦ୍ଧି ନେଇ ଆଲୋଚନା କରିଥିଲେ। ଗୋଷ୍ଠୀ ଶିକ୍ଷା ଅଧିକାରୀ ବିଦ୍ୟାଳୟର ଶିକ୍ଷକ-ଶିକ୍ଷୟିତ୍ରୀଙ୍କ ନିଷ୍ଠାପର ଉଦ୍ୟମକୁ ପ୍ରଶଂସା କରିଥିଲେ, ଯାହା ଶିକ୍ଷକ ସମାଜକୁ ଆଗକୁ ଆହୁରି ଭଲ କାମ କରିବା ପାଇଁ ଅପୂର୍ବ ପ୍ରେରଣା ଯୋଗାଇଛି।( ଫୋଟୋ )