Odisha Janamata : ସିସି ଟିଭି କାମ କରୁନଥିବାରୁଘରୁ ଲୁଟ କରିନେଲେ ଚୋର |

ସିସି ଟିଭି କାମ କରୁନଥିବାରୁଘରୁ ଲୁଟ କରିନେଲେ ଚୋର |

31-Jul-2026

କାମ ଦେଉନି ଘରର ସିସି କ୍ୟାମେରା, କ୍ୟାମେରାକୁ ବୁଲାଇ ନିର୍ଭୟରେ ଲୁଟ୍
ଓଡିଶା ଜନମତ ରାୟଗଡ଼ା, ୩୦/୭,

କାମେଶ୍ୱର କରକରିଆ:-----

ସହର ସମେତ ଆଖପାଖ ଅଞ୍ଚଳରେ ପୁଣିଥରେ ବଢିବାରେ ଲାଗିଛି ଚୋରଙ୍କ ଆତଙ୍କ। ପୋଲିସର ପାଟ୍ରୋଲିଂକୁ ଚ୍ୟାଲେଞ୍ଜ କରି ରାତି ଅଧରେ ଘରେ ପଶି କଳାକନା ବୁଲାଉଛନ୍ତି ଦୁର୍ବୃତ୍ତ। ଗତକାଲି ରାୟଗଡ଼ା ସହରର ଜିଲ୍ଲା ପୋଲିସ କାର୍ଯ୍ୟାଳୟ ନିକଟସ୍ଥ ବ୍ୟାଙ୍କ କଲୋନୀର ଏକ ଆପାର୍ଟମେଣ୍ଟରେ ବଡ଼ଧରଣର ଚୋରି ଘଟିଛି। ସୁରକ୍ଷା କର୍ମଚାରୀ ଥା’ନ୍ତେ ଦ୍ୱିତୀୟ ମହଲାର ଗ୍ରିଲ୍ ଲକ୍ କାଟି ଫ୍ଲାଟରୁ ଲୁଟ୍ କରିଛନ୍ତି ଦୁର୍ବୃତ୍ତ। ସେହିପରି ଅନ୍ୟ ଏକ ଘରର ଗ୍ରିଲ୍ ଭାଙ୍ଗି ମଧ୍ୟ ଚୋରି ହୋଇଥିବା ବେଳେ, ସୁରକ୍ଷା ପାଇଁ ଲାଗିଥିବା ସିସି କ୍ୟାମେରାଗୁଡ଼ିକୁ ମଧ୍ୟ ଉପରକୁ ବୁଲାଇ ଦେଇଛନ୍ତି ଚୋର।କେବଳ ସହର ନୁହେଁ, ଶେଷଖାଲ ଥାନା ଅଧୀନ ଜେମାଦେଇପେଣ୍ଠ ଗୋଦାମ ଛକରେ ମଧ୍ୟ ଏକ ବଡ଼ ଧରଣର ଡକାୟତି ଘଟିଛି। କୁକୁଡ଼ା ବ୍ୟବସାୟୀ ଗଙ୍ଗାରାଜୁ ଶୋଇଥିବା ବେଳେ ଦୁର୍ବୃତ୍ତମାନେ ମୁହଁରେ ସ୍ପ୍ରେ ମାରି ଅଚେତ କରିଦେଇଥିଲେ। ପରେ ଘରୁ ପ୍ରାୟ ୭୦ ତୋଳା ରୂପା ଗହଣା, ଅଧା ତୋଳା ସୁନା ଓ ୫୦ ହଜାର ଟଙ୍କା ଲୁଟି ନେଇଥିବା ଅଭିଯୋଗ ହୋଇଛି।ବାରମ୍ବାର ଏଭଳି ଚୋରି ଘଟଣା ଘଟୁଥିଲେ ମଧ୍ୟ ପୋଲିସର ନିଷ୍କ୍ରିୟତା ଯୋଗୁଁ ସାଧାରଣରେ ଅସନ୍ତୋଷ ବଢ଼ିବାରେ ଲାଗିଛି। ଘଟଣାସ୍ଥଳରେ ପୋଲିସ ପହଞ୍ଚି ତଦନ୍ତ ଜାରି ରଖିଥିବା ବେଳେ ଏହାକୁ ନେଇ ସ୍ଥାନୀୟ ଅଞ୍ଚଳରେ ଆତଙ୍କର ବାତାବରଣ ସୃଷ୍ଟି ହୋଇଛି।