Odisha Janamata : ଇସ୍ତଫା ଦେଲେ ଭୁବନେଶ୍ୱର ଡିସିପି ଜଗମୋହନ ମୀନା ||

ଇସ୍ତଫା ଦେଲେ ଭୁବନେଶ୍ୱର ଡିସିପି ଜଗମୋହନ ମୀନା ||

06-Jul-2026

ଭୁବନେଶ୍ୱର ଡିସିପି ଜଗମୋହନ ମିନା ଇସ୍ତଫା ଦେଲେ ।

ଓଡିଶା ଜନ ମତ,

ଭୁବନେଶ୍ୱର ଡିସିପି ଜଗମୋହନ ମୀନା ଇସ୍ତଫା ଦେଇଥିବା ସୂଚନା ମିଳିଛି । ତେବେ ସେ ବ୍ୟକ୍ତିଗତ କାରଣ ଦର୍ଶାଇ ଚାକିରି ଛାଡିଥିବା ନେଇ ଦର୍ଶାଇଛନ୍ତି । ତେବେ ତାଙ୍କ ଇସ୍ତଫା ନେଇ ସରକାରୀ ଭାବେ କିଛି କୁହାଯାଇ ନାହିଁ ।୨୦୧୩ ବ୍ୟାଚ୍ ର ଆଇପିଏସ୍ ଅଫିସର ହେଲେ ଶ୍ରୀ ମୀନା। ସେ ୨୦୨୫ରେ ଭୁବନେଶ୍ବର ଡିସିପି ଭାବେ ଯୋଗ ଦେଇଥିଲେ। ପୂର୍ବରୁ ସେ ଅନୁଗୋଳ ଏବଂ ଗଞ୍ଜାମର ଏସପି ଭାବେ ମଧ୍ୟ କାର୍ଯ୍ୟ କରି ସାରିଛନ୍ତି । କଟକର ଡିସିପି ଭାବେ ମଧ୍ୟ ସେ ଦାୟିତ୍ୱ ନେଇଛନ୍ତି । ତେବେ ଇସ୍ତଫା ନେଇ ସରକାରଙ୍କ ତରଫରୁ କୌଣସି ସୂଚନା ମିଳିପାରିନାହିଁ |କୁହାଯାଉଛି ଯେ, ଭୁବନେଶ୍ୱର ଡିସିପି ହେବା ପରେ ସହରରେ ଆଇନ ଶୃଙ୍ଖଳାକୁ ନେଇ ତାଙ୍କୁ ଅନେକ ସମାଲୋଚନା ର ଶିକାର ହେବାକୁ ପଡିଥିଲା । ଯାହା ତାଙ୍କ ପାଇଁ ଏକ ଚ୍ୟାଲେଞ୍ଜ୍ ଥିଲା । ଅନେକ ମାମଲାକୁ ସେ ସଫଳତା ପୂର୍ବକ ସମାଧାନ କରିଛନ୍ତି । କିଛି କିଛି ମାମଲାରେ ଏବେବି ତଦନ୍ତ ଜାରି ରହିଛି । କିନ୍ତୁ ତାଙ୍କ ହଠାତ ଇସ୍ତଫାକୁ ନେଇ ଚର୍ଚ୍ଚା ଜୋର ଧରିଛି । ତେବେ ଘଟଣାରେ ଡିସିପିଙ୍କୁ ପଚାରିବାରେ ସେ ରାଜ୍ୟ ସରକାର ଙ୍କ ସହଯୋଗ ରେ ବହୁତ କାର୍ଯ୍ୟ କରିଛନ୍ତି ସେଥି ପାଇଁ ରାଜ୍ୟ ସରକାର ଙ୍କୁ କୃତଜ୍ଞତା ଜଣାଇ ଛନ୍ତି | ଭବିଷ୍ୟତ କଥା ଆଗାମୀ ଦିନରେ କହିବେ ବୋଲି କହିଛନ୍ତି |