Odisha Janamata : ପଣ୍ଡିତ ଗାଁ ସରକାରୀ ପ୍ରାଥମିକ ବିଦ୍ୟାଳୟ ର ପ୍ରତେକ କ୍ଲାସ ରୁମରେ ଦୁଇଟି ଲେଖାଏଁ ତାଲା ପକାଇଲେ ଅଜଣା ବ୍ୟକ୍ତି, ପିଲାଙ୍କ ପାଠ ପଢ଼ାରେ ବ୍ୟାଘାତ |

ପଣ୍ଡିତ ଗାଁ ସରକାରୀ ପ୍ରାଥମିକ ବିଦ୍ୟାଳୟ ର ପ୍ରତେକ କ୍ଲାସ ରୁମରେ ଦୁଇଟି ଲେଖାଏଁ ତାଲା ପକାଇଲେ ଅଜଣା ବ୍ୟକ୍ତି, ପିଲାଙ୍କ ପାଠ ପଢ଼ାରେ ବ୍ୟାଘାତ |

02-Jul-2026

ପଣ୍ଡିତ ଗାଁ ସରକାରୀ ଉଚ୍ଚ ପ୍ରାଥମିକ ବିଦ୍ୟାଳୟରେ ସ୍କୁଲର ସମସ୍ତ କ୍ଲାସ୍ ରୁମରେ ରାତାରାତି ତାଲାପଡ଼ି ଥିଲା ।

ଓଡିଶା ଜନ ମତ ଖଲ୍ଲିକୋଟ ୨-୭-୨୦୨୬

ପ୍ରଶାନ୍ତ କୁମାର ମିଶ୍ର :-----

ପଣ୍ଡିତ ଗାଁ ଉଚ୍ଚପ୍ରାଥମିକ ବିଦ୍ୟାଳୟ ରେ ରାତାରାତି ତାଲା ପଡିଥିଲା। କିଏ ଓ କାହିଁକି ଏଭଳି କାଣ୍ଡ ଘଟାଇଲା, ତାହା ନେଇ ଅଞ୍ଚଳରେ ଅସନ୍ତୋଷ ଦେଖା ଯାଇଛି। ଫଳରେ ସ୍କୁଲ ପରିସରରେ ପାଠପଢ଼ା ବ୍ୟାହତ ହୋଇଥିବାବେଳେ ଛାତ୍ରୀଛାତ୍ର ବାହାରେ ବୁଲୁଥିବା ଦେଖିବାକୁ ମିଳିଥିଲା ପ୍ରତ୍ୟେକ କ୍ଲାସ୍ ରୁମରେ ଦୁଇଟି ଲେଖାଏଁ ତାଲା ପକାଯାଇଥିବାରୁ ଶିକ୍ଷକମାନେ ମଧ୍ୟ ଅସହାୟ ହୋଇପଡ଼ିଥିଲେ। ପ୍ରତିଦିନ ଭଳି ସକାଳ ପ୍ରାୟ ୧୦ଟା ବେଳେ ଛାତ୍ରୀଛାତ୍ର ଓ -ଶିକ୍ଷୟିତ୍ରୀଶିକ୍ଷକ ବିଦ୍ୟାଳୟକୁ ଆସିଥିଲେ। କିନ୍ତୁ ସ୍କୁଲର ସମସ୍ତ କ୍ଲାସ୍ ରୁମରେ ବାହାର ପଟୁ ଦୁଇଟି ଲେଖାଏଁ ତାଲା ପଡ଼ିଥିବା ଦେଖି ସମସ୍ତେ ଆଶ୍ଚର୍ଯ୍ୟ ହୋଇଯାଇଥିଲେ। ତାଲା ଖୋଲିବା ସମ୍ଭବ ହୋଇନଥିବାରୁ ପିଲାମାନେ କ୍ଲାସ୍‌କୁ ଯାଇପାରିନଥିଲେ ଏବଂ ସ୍କୁଲ ପରିସରରେ ବାହାରେ ରହିଥିଲେ। ଘଟଣା ପରେ ସ୍କୁଲ କର୍ତ୍ତୃପକ୍ଷ ସମ୍ପୃକ୍ତ ଅଧିକାରୀଙ୍କୁ ଅବଗତ କରିଥିଲେ ପରେ ସି ଆର ସି, ଏ ବି ଇ ଓ, ଏବଂ ପୋଲିସ ପହଁଚି ତାଲା ଭାଙ୍ଗି ପିଲା ଏ କ୍ଲାସ ରୁମକୁ ଯାଇଥିଲେ। ତେବେ କିଏ ଏହି ତାଲା ପକାଇଛି, କେଉଁ ଉଦ୍ଦେଶ୍ୟରେ ପକାଇଛି ଏବଂ ଏହା ପଛରେ କାହାର ହାତ ରହିଛି, ତାହା ଏପର୍ଯ୍ୟନ୍ତ ସ୍ପଷ୍ଟ ହୋଇନାହିଁ। ଘଟଣାକୁ ନେଇ ଅଞ୍ଚଳରେ ଚର୍ଚ୍ଚା ଜୋର ଧରିଥିବାବେଳେ ଅଭିଭାବକମାନେ ମଧ୍ୟ ଅସନ୍ତୋଷ ପ୍ରକାଶ କରିଛନ୍ତି।