Odisha Janamata : କାଠ କାଟି ତାକୁ ନେବାପାଇଁ ରଖିଥିଲା ବେଳେ ଜବତ କଲା ବନ ବିଭାଗ |

କାଠ କାଟି ତାକୁ ନେବାପାଇଁ ରଖିଥିଲା ବେଳେ ଜବତ କଲା ବନ ବିଭାଗ |

29-Jun-2026

ରେଙ୍ଗାଳି ଗେଟ ନିକଟରେ ରଖାଯାଇଥିବା 30ସିଫ୍ଟ ଶାଗୁଆନ
କାଠ କୁ ଜବତକଲା ଗଣ୍ଠି ଗାଡ଼ିଆ ବିଟଫରେଷ୍ଟ ଟିମ |

ଓଡିଶା ଜନ ମତ ବ୍ୟୁରୋ,

ପୋଲିସ କିମ୍ବା ବନ ବିଭାଗ ଡାଳେ ଡାଳେ ଗଲେ ପତ୍ରେ, ପତ୍ରେ ଗତି କରନ୍ତି ମାଫିଆ ମାନେ ||ବିଶେଷ କରି ଓଡ଼ିଶାର ଅଧିକାଂଶ ଜିଲ୍ଳାର ବନ୍ୟ ସମ୍ପଦ ତଥା ମୂଲ୍ୟବାନ କାଠକୁ କାଟି ବିକ୍ରି କରିଥାନ୍ତି କାଠ ମାଫିଆ ମାନେ | ତେବେ କାଠ କାଟି ତାକୁ ନେବାପାଇଁ ରଖିଥିଲା ବେଳେ ବନ ବିଭାଗ କୌଣସି ସୂତ୍ରରୁ ଖବର ପାଇ ଚଢ଼ାଉ କରି କାଠକୁ ଜବତ କରିଛି | ଏପରି ଘଟଣା ଦେଖିବାକୁ ମିଳିଛି ଅନୁଗୋଳ ଜିଲ୍ଲା ବଅଁରପାଳ ବ୍ଲକ ଅନ୍ତର୍ଗତ ବୁଢ଼ାପଙ୍କ ଦକ୍ଷିଣ ପାର୍ଶ୍ଵରେ ଥିବା ରେଙ୍ଗାଳି କେନାଲ ନିକଟରେ ଗଛମୂଳେ ରଖାଯାଇଥିବା ୩୦ ସିଫ୍ଟ ଶାଗୁଆନ କାଠକୁ ବନ ବିଭାଗ ଜବତ କରିଛି। ବିଶ୍ବସ୍ତ ସୂତ୍ରରୁ ଖବର ପାଇ ତାଳଚେର ରେଞ୍ଜ ଗଣ୍ଠିଗାଡ଼ିଆ ବିଟ୍‌ର ଫରେଷ୍ଟର ବୈଶିଷ୍ଠ ଦେହୁରୀଙ୍କ ନେତୃତ୍ବରେ ଉକ୍ତ ସ୍ଥାନ ଉପରେ ଚଢ଼ଉ କରି ଜବତ କାଠ ଜବତ କରିଥିବା ଜଣାପଡିଛି ।କାଠର ଆନୁମାନିକ ମୂଲ୍ୟ ଲକ୍ଷାଧିକ ଟଙ୍କା ବୋଲି ବନ ବିଭାଗ ପକ୍ଷରୁ ସୂଚନା ମିଳିଛି | ଚଢ଼ଉରେ ଫରେଷ୍ଟ ଗାର୍ଡ ମନ୍ମଥ ମହାନ୍ତି, ନିବେଦିତା ପ୍ରଧାନଙ୍କ ସମେତ ବନ ବିଭାଗର ସ୍ପାଇ‌ଡ୍ ସଦସ୍ୟ ସାମିଲ ଥିଲେ |