Odisha Janamata : ଲୋକଙ୍କୁ ଠକୁ ଥିବା ଦୁଇ ଅଭିଯୁକ୍ତ ଗିରଫ |

ଲୋକଙ୍କୁ ଠକୁ ଥିବା ଦୁଇ ଅଭିଯୁକ୍ତ ଗିରଫ |

18-Jun-2026

ଭୁବନେଶ୍ବ ରେ ମାତିଥିଲେ ବାପା ଝିଅ ଠକେଇ ରାକେଟ।

ଓଡିଶା ଜନ ମତ ବ୍ୟୁରୋ,
ଅପରାଧିକ କାର୍ଯ୍ୟରେ ଅଧିକାଂଶ ପୁରୁଷ ଓଁ ନାରୀ ସମ୍ପୃକ୍ତ ରହିଥିବାର ଆମେ ଶୁଣିଛେ ଏବଂ କେବେ, କେବେ ଦେଖିଛେ | ହେଲେ ବାପା, ଝିଅ ମିଶି ଏପରି ଠକେଇ ଭଳି ଅପରାଧିକ କାର୍ଯ୍ୟରେ ସାମିଲ ଥିବେ ଏହି କଥାଟି ଟିକେ ଶୁଣିବାକୁ ଅଜବ ଲାଗୁଥିବ | ହେଲେ ସେହିପରି ଏକ ଘଟଣା ଦେଖିବାକୁ ମିଳିଛି ଖୋଦ ଓଡ଼ିଶାର ପ୍ରାଣ କେନ୍ଦ୍ର ଭୁବନେଶ୍ୱର ସହର ରେ | ରେଳବାଇରେ ଚାକିରି କରାଇ ଦେବାକୁ କହି ଠକିଥିଲେ ୧୭ ଲକ୍ଷ ଟଙ୍କାରୁ ଅଧିକ। ହେଲେ ଏବେ ଏହି ୪୨୦ ବାପା- ଝିଅକୁ ଗିରଫ କରିଛି କ୍ୟାପିଟାଲ ଥାନା ପୋଲିସ। ଗିରଫ ହେଲେ ବିଦ୍ୟାଧର ଦାସ ଓ ତାଙ୍କ ଝିଅ।ସୂଚନା ଅନୁସାରେ, ଅଭିଯୁକ୍ତ ଜଣକ ଭୁବନେଶ୍ବର ୟୁନିଟ ୧ ହାଟରେ ଏକ ଚାହା ଦୋକନ ଖୋଲିଥିଲେ ଗିରଫ ବିଦ୍ୟାଧର ପୂର୍ବରୁଏକଠକେଇ ର ଶିକାର ହୋଇଥିଲେ। ଏମିତିକି ତାଙ୍କ ଅଭିଯୋଗ ପରେ ୭ ଦିନ ତଳେ ଦୁଇ ଜଣଙ୍କୁ ଗିରଫ ମଧ୍ୟ କରା ଯାଇଥିଲା। ହେଲେ ଏହିଠାରୁ ବିଦ୍ୟାଧରଙ୍କ ମୁଣ୍ଡରେ ଜୁଟିଥିଲା ସଇତାନୀ ଯୋଜନା। ଝିଅ ସହ ମିଶି କରିଥିଲେ ଲୁଟ୍ ପ୍ଲାନିଂବିଦ୍ୟାଧର ସମସ୍ତଙ୍କୁ ନିଜ ଝିଅର ରେଳବାଇ ବିଭାଗର ଚାକିରି ହୋଇଥିବା ନେଇ କହିଥିଲେ। ଆଉ ଟଙ୍କା ଦେଲେ ରେଳବାଇରେ ଚାକିରି କରାଇଦେବାକୁ ମିଥ୍ୟା ପ୍ରତିଶୃତି ମଧ୍ୟ ଦେଉଥିଲେ । ଏମିତିରେ ଏଭଳି ପ୍ରଲୋଭନରେ ଫସିଯାଉଥିବା ଲୋକଙ୍କ ଟଙ୍କା ଝିଅ ଆକାଉଣ୍ଟକୁ ଆସୁଥିଲା । ଅଭିଯୋଗକାରୀ ନୃସିଂହ ଚରଣ ସାହୁଙ୍କୁ ମଧ୍ୟ ୨୦ ଲକ୍ଷ ଟଙ୍କା ଦାବି କରି ଥିଲେ ବିଦ୍ୟାଧର। ଏହି ଭଳି ଭାବରେ ସେ ପ୍ରାୟ ୨୫ ଲକ୍ଷ ଟଙ୍କା ଠକିଥିବା ପୋଲିସ ସୂଚନା ଦେଇଥିବା ବେଳେ ଠକେଇ ରାକେଟ ନେଇ ତଦନ୍ତ ଚାଲିଛି। ବର୍ତମାନ ବାପା ଝିଅ ଙ୍କୁ ପୋଲିସ କୋର୍ଟ ଚାଲାଣ କରି ଏହି ଗେଙ୍ଗ ରେ ଆଉ କିଏ ସାମିଲ ଅଛିକି, କିମ୍ବା ଆଉ କେତେ ଜଣ ଟଙ୍କା ଦେଈ କୁଟର ଶିକାର ହୋଇଛନ୍ତି ତାହା ପୋଲିସ ସେମାନଙ୍କୁ ରିମାଇଣ୍ଡ ରେ କୋର୍ଟ ରୁ ଆଣି ପଚରା ଉଚରା କରି ଅଧିକ ତଦନ୍ତ ଚାଲୁ ରଖିବ ବୋଲି କହିଛି ପୋଲିସ |