Odisha Janamata : ସାପ କାମୁଡା ରେ ମହିଳା ମୃତ |

ସାପ କାମୁଡା ରେ ମହିଳା ମୃତ |

15-Jun-2026

ସାପ କାମୁଡିବା ଯୋଗୁଁ ମହିଳାଙ୍କର ମୃତ୍ୟୁ ||

ଓଡିଶା ଜନ ମତ ବ୍ୟୁରୋ,

ବର୍ତମାନ ପ୍ରବଳ ଖରା ଯୋଗୁଁ ବିଭିନ୍ନ ପ୍ରଜାତିର ବିଷଧର ସର୍ପ ମାନେ ନିଜର ଖାଦ୍ୟ ଅନ୍ୱେଷଣ ରେ ବୁଲୁଥିଲା ବେଳେ ଅଶାବଧନତା ଯଦି ସେମାନଙ୍କ ଉପରେ ଗୋଡ଼ ହାତ ପଡ଼ିଯାଏ କିମ୍ବା କୌଣସି ସ୍ଥାନ ରେ କାମ କରୁଥିଲା ବେଳେ ସେମାନେ ମନୁଷ୍ୟ କୁ କିମ୍ବା ପଶୁ ମାନଙ୍କୁ ଆଘାତ କରିଥାନ୍ତି | ତାଙ୍କର ଆଘାତ ପରେ ସଙ୍ଗେ ସଙ୍ଗେ ସାପ ମାରିଥିବା ବ୍ୟକ୍ତିଙ୍କୁ ଚିକିତ୍ସା ନକଲେ ସାପ ର ବିଶ୍ୱ ଜ୍ୱାଳା ରେ ଲୋକଟି ମରିଯାଏ | ଏପରି ଏକ ଘଟଣା ଘଟିଛି କଙ୍କଡ଼ାହାଡ଼ ଥାନା ଅନ୍ତର୍ଗତ ଉର୍ବେଙ୍ଗୀ ଗ୍ରାମରେ ଜଣେ ମହିଳାଙ୍କର ସାପ କାମୁଡ଼ାରେ ମୃତ୍ୟୁ ହୋଇଛି l ଉର୍ବେଙ୍ଗୀ ଗ୍ରାମର ଚନ୍ଦ୍ରମଣି ସିଂ ଙ୍କ ପତ୍ନୀ ମଞ୍ଜରୀ (୮0) ଅପରାହ୍ନରେ ଘର ବାଦି ରୁ ଲୁଗା ତୋଳିବାକୁ ଯାଇଥିଲେ l ଏଇ ସମୟରେ ଏକ ବିଷଧର ସର୍ପ ର ଆଘାତରେ ଗୁରୁତର ହୋଇ ପଡ଼ିଥିଲେ l ପରିବାର ଲୋକେ ତାଙ୍କୁ କାମାକ୍ଷାନଗର ଡାକ୍ତର ଖାନା ରେ ଭର୍ତ୍ତି କରିଥିବା ବେଳେ ସେଠାରେ ଡକ୍ଟର ତାଙ୍କୁ ମୃତ ଘୋଷଣା କରିଛନ୍ତି l