Odisha Janamata : ନାବାଳିକା ମାନଙ୍କୁ ଶ୍ରମିକ ପାଇଁ ଅନ୍ୟ ଜିଲ୍ଳାକୁ ନେଉଥିଲା ବେଳେ ପୋଲିସ ଦ୍ଵାରା ଉଦ୍ଧାର |

ନାବାଳିକା ମାନଙ୍କୁ ଶ୍ରମିକ ପାଇଁ ଅନ୍ୟ ଜିଲ୍ଳାକୁ ନେଉଥିଲା ବେଳେ ପୋଲିସ ଦ୍ଵାରା ଉଦ୍ଧାର |

13-Jun-2026

ମହିଳା ଙ୍କୁ ଶ୍ରମିକ ପାଇଁ ମାଲକାନଗିରି ନେଉଥିଲା ବେଳେ ଡାବୁଗାଁ ପୋଲିସ ଉଦ୍ଧାର କଲା ୫ ନାବାଳିକା, ଜଣେ ଗିରଫ"

କିଛି ଅସାଧୁ ବ୍ୟକ୍ତି ନବାଳିକା ଝିଅ ମାନଙ୍କୁ ଶ୍ରମିକ ଭାବରେ କାମ କରେଇବା ନିମନ୍ତେ ଅନ୍ୟ ଜିଲ୍ଳାକୁ ନେଉଥିଲା ବେଳେ ଉଦ୍ଧାର କଲା ପୋଲିସ ||ନାବାଳିକା ଝିଅମାନଙ୍କ ସୁରକ୍ଷା ଓ ମାନବ ଚାଲାଣ ରୋକିବା ଦିଗରେ ଡାବୁଗାଁ ଥାନା ପୋଲିସକୁ ଏକ ବଡ଼ ସଫଳତା ମିଳିଛି। ଶ୍ରମିକ କାମ ପାଇଁ ମାଲକାନଗିରି ଅଭିମୁଖେ ଯାଉଥିବା ବେଳେ ପୋଲିସ ଦଳ ୫ ଜଣ ନାବାଳିକା ଝିଅ ଏବଂ ୪ ଜଣ ମହିଳାଙ୍କୁ ଉଦ୍ଧାର କରିଛି।ସୂଚନା ଅନୁଯାୟୀ, ସନ୍ଦେହଜନକ ପରିସ୍ଥିତିରେ ଉକ୍ତ ନାବାଳିକା ଓ ମହିଳାମାନଙ୍କୁ ଝରୀଗାଁ ବ୍ଲକରୁ ନେଇ ଯାଉଥିବା ବିଷୟରେ ଖବର ପାଇ ପୋଲିସ ତତ୍ପରତା ଦେଖାଇଥିଲା। ସରାଗୁଡା ଛକ ନିକଟରେ ବସ୍‌କୁ ଅପେକ୍ଷା କରିଥିବା ବେଳେ ପୋଲିସ ଅହଂଚି ସେମାନଙ୍କୁ ଉଦ୍ଧାର କରିଥିଲା। ଉଦ୍ଧାର ହୋଇଥିବା ନାବାଳିକାମାନଙ୍କୁ ସେମାନଙ୍କ ଅଭିଭାବକଙ୍କ ସହ ଶିଶୁ କଲ୍ୟାଣ କମିଟି (ସିଡବ୍ଲ୍ୟୁସି) ସମ୍ମୁଖରେ ଉପସ୍ଥାପନ କରାଯାଇଥିଲା। ସେଠାରେ ସେମାନଙ୍କୁ ଆବଶ୍ୟକ ପରାମର୍ଶ ଓ କାଉନସେଲିଂ ପ୍ରଦାନ କରାଯାଇଛି।
ଏହି ଘଟଣାକୁ ନେଇ ଡାବୁଗାଁ ଥାନାରେ ଏକ ମାମଲା ରୁଜୁ ହୋଇଥିବାବେଳେ ପୋଲିସ ପକ୍ଷରୁ ତଦନ୍ତ ଜାରି ରହିଛି। ଏହା ସହ ଘଟଣାରେ ସମ୍ପୃକ୍ତ ଜଣେ ଅଭିଯୁକ୍ତଙ୍କୁ ଗିରଫ କରାଯାଇ ଆଇନ ଅନୁଯାୟୀ ନ୍ୟାୟିକ ହାଜତକୁ ପଠାଯାଇଛି।ନାବାଳିକାମାନଙ୍କୁ ଶ୍ରମିକ କାମ ନାମରେ ବାହାରକୁ ନେବା ଘଟଣାକୁ ପୋଲିସ ଗୁରୁତ୍ୱର ସହ ନେଇଥିବାବେଳେ ମାନବ ଚାଲାଣ ରୋକିବା ପାଇଁ ଆଗାମୀ ଦିନରେ ମଧ୍ୟ କଡ଼ା ନଜରଦାରି ଜାରି ରହିବ ବୋଲି ସୂଚନା ମିଳିଛି।