Odisha Janamata : ପାଣି ପାଇଁ ଗ୍ରାମବାସୀଙ୍କ ରାସ୍ତା ରୋକ

ପାଣି ପାଇଁ ଗ୍ରାମବାସୀଙ୍କ ରାସ୍ତା ରୋକ | କୋରାପୁଟ ରାୟଗଡା ଯାତାୟତ ଠପ ||

05-Jun-2026

ପାଣି ଟୋପାଏ ପାଇଁ ରାସ୍ତାରୋକ: କୁମ୍ବିକୋଟାରେ ଶତାଧିକ ଗ୍ରାମବାସୀଙ୍କ ଆନ୍ଦୋଳନ, କୋରାପୁଟ–ରାୟଗଡ଼ା ଯାତାୟାତ ଠପ୍,

ଓଡିଶା ଜନମତ, ରାୟଗଡ଼ା, ୦୫/୦୬,

କାମେଶ୍ୱର କରକରିଆ :---

ପିଇବା ପାଣି ସମସ୍ୟାକୁ ନେଇ ରାୟଗଡ଼ା ସଦର ବ୍ଲକର କୁମ୍ବିକୋଟା ଗ୍ରାମରେ ଗୁରୁବାର ଶତାଧିକ ମହିଳା ଓ ପୁରୁଷ ରାସ୍ତାରୋକ କରି ପ୍ରଶାସନ ବିରୋଧରେ ତୀବ୍ର ଅସନ୍ତୋଷ ପ୍ରକାଶ କରିଛନ୍ତି। ଏହି ଆନ୍ଦୋଳନ ଯୋଗୁଁ କୋରାପୁଟ–ରାୟଗଡ଼ା ମୁଖ୍ୟ ସଡ଼କରେ ଯାନବାହନ ଚଳାଚଳ ସମ୍ପୂର୍ଣ୍ଣ ଠପ୍ ହୋଇଯାଇଥିବା ବେଳେ ଉଭୟ ପାର୍ଶ୍ୱରେ ଶହ ଶହ ଗାଡ଼ି ଅଟକି ରହିଥିଲା।ସୂଚନା ଅନୁଯାୟୀ, କୁମ୍ବିକୋଟା ଗ୍ରାମରେ ପ୍ରାୟ ଏକ ହଜାର ଲୋକ ବସବାସ କରୁଥିବା ବେଳେ ଗ୍ରାମକୁ ମାତ୍ର ପାଞ୍ଚଟି ନଳକୂପ ଯୋଗାଇ ଦିଆଯାଇଛି। ସେଥିମଧ୍ୟରୁ ଅଧିକାଂଶ ନଳକୂପ ଦୀର୍ଘଦିନ ଧରି ଅଚଳ ହୋଇ ପଡ଼ିଥିବାରୁ ଗ୍ରାମବାସୀ ପିଇବା ପାଣି ପାଇଁ ନାହିଁ ନଥିବା ଅସୁବିଧାର ସମ୍ମୁଖୀନ ହେଉଛନ୍ତି। ବାରମ୍ବାର ପ୍ରଶାସନର ଦ୍ୱାରସ୍ଥ ହୋଇଥିଲେ ମଧ୍ୟ ସମସ୍ୟାର ସମାଧାନ ହୋଇନଥିବାରୁ ଶେଷରେ ଗ୍ରାମବାସୀ ରାସ୍ତାକୁ ଓହ୍ଲାଇ ଆନ୍ଦୋଳନ କରିଥିବା ଜଣାପଡ଼ିଛି।ରାସ୍ତାରୋକ ଖବର ପାଇ ରାୟଗଡ଼ା ଉପଜିଲ୍ଲାପାଳ ରମେଶ କୁମାର ଜେନାଙ୍କ ନିର୍ଦ୍ଦେଶକ୍ରମେ ସଦର ବିଡିଓ ଓ ତହସିଲଦାର ଘଟଣାସ୍ଥଳରେ ପହଞ୍ଚି ଆନ୍ଦୋଳନକାରୀଙ୍କ ସହ ଆଲୋଚନା କରିଥିଲେ। ତେବେ, ପିଇବା ପାଣିର ସ୍ଥାୟୀ ବ୍ୟବସ୍ଥା ନ ହେବା ପର୍ଯ୍ୟନ୍ତ ଆନ୍ଦୋଳନରୁ ହଟିବେ ନାହିଁ ବୋଲି ଗ୍ରାମବାସୀ ସ୍ପଷ୍ଟ କରିଥିଲେ।ଘଟଣାସ୍ଥଳରେ ଉତ୍ତେଜନାପୂର୍ଣ୍ଣ ପରିସ୍ଥିତି ଲାଗି ରହିଥିବା ବେଳେ କୁମ୍ବିକୋଟା ଫାଣ୍ଡି ପୁଲିସ ଓ ପ୍ରଶାସନ ପକ୍ଷରୁ ଲୋକଙ୍କୁ ବୁଝାସୁଝା କରିବା ଉଦ୍ୟମ ଜାରି ରହିଛି। ପାଣି ପରି ମୌଳିକ ସୁବିଧା ପାଇଁ ଲୋକଙ୍କୁ ରାସ୍ତାକୁ ଓହ୍ଲାଇବାକୁ ପଡ଼ୁଥିବା ଘଟଣା ପ୍ରଶାସନିକ ବ୍ୟବସ୍ଥା ଉପରେ ପ୍ରଶ୍ନବାଚୀ ସୃଷ୍ଟି କରିଛି।

ବେଗୁନିଆପଡା ଥାନା ଅଞ୍ଚଳ ରେ ଅଂଶୁଘାତ ରେ ଯୁବକଙ୍କ ମୃତ୍ୟୁ |

ଆମ୍ବୁଲାନ୍ସ ସେବା ନ ମିଳିବାରୁ ଯୁବକଙ୍କ ମୃତ୍ୟୁ ଅଭିଯୋଗ |