Odisha Janamata : ନିୟମ ଗିରି ଦୁର୍ଗମ ଅଞ୍ଚକରେ ରାୟଗଡା ଜିଲ୍ଲା ପ୍ରଶାସନ ଡଙ୍ଗରିଆ କନ୍ଧ ସମ୍ପ୍ରଦାୟ ଙ୍କୁ ବାଣ୍ଟିଲାପରି ଗଣନା ଫର୍ମ |

ନିୟମ ଗିରି ଦୁର୍ଗମ ଅଞ୍ଚକରେ ରାୟଗଡା ଜିଲ୍ଲା ପ୍ରଶାସନ ଡଙ୍ଗରିଆ କନ୍ଧ ସମ୍ପ୍ରଦାୟ ଙ୍କୁ ବାଣ୍ଟିଲାପରି ଗଣନା ଫର୍ମ |

01-Jun-2026

ନିୟମଗିରିର ଦୁର୍ଗମ ଅଞ୍ଚଳରେ ପହଞ୍ଚିଲା ରାୟଗଡ଼ ଜିଲ୍ଲା ପ୍ରଶାସନ, ଡୋଙ୍ଗରିଆ କନ୍ଧ ସମ୍ପ୍ରଦାୟଙ୍କୁ ବଣ୍ଟନ ହେଲା ଏନ୍ୟୁମେରେସନ ଫର୍ମ,

ଓଡ଼ିଶା ଜନମତ, ରାୟଗଡ଼ା, ୩୧/୦୫,

କାମେଶ୍ୱର କରକରିଆ:--
ରାୟଗଡ଼ ଜିଲ୍ଲାର ନିୟମଗିରି ଅଞ୍ଚଳରେ ବସବାସ କରୁଥିବା ଡୋଙ୍ଗରିଆ କନ୍ଧ ପିଭିଟିଜି ସମ୍ପ୍ରଦାୟର ଲୋକଙ୍କୁ ଗଣତନ୍ତ୍ରର ମୁଖ୍ୟ ସ୍ରୋତରେ ସାମିଲ କରିବା ପାଇଁ ଜିଲ୍ଲା ପ୍ରଶାସନ ପକ୍ଷରୁ ଏକ ଉଲ୍ଲେଖନୀୟ ପଦକ୍ଷେପ ଗ୍ରହଣ କରାଯାଇଛି। ଜିଲ୍ଲାପାଳ ଆଶୁତୋଷ କୁଲକର୍ଣ୍ଣୀଙ୍କ ନିର୍ଦ୍ଦେଶକ୍ରମେ ୧୩୯-ବିଷମକଟକ ବିଧାନସଭା ନିର୍ବାଚନମଣ୍ଡଳୀର ଇଲେକ୍ଟୋରାଲ ରେଜିଷ୍ଟ୍ରେସନ ଅଫିସର (ଇଆରଓ) ତଥା ଅତିରିକ୍ତ ଜିଲ୍ଲାପାଳ (ସାଧାରଣ) ନବୀନ ଚନ୍ଦ୍ର ନାୟକଙ୍କ ତତ୍ତ୍ୱାବଧାନରେ ସ୍ୱତନ୍ତ୍ର ସଂଘନ ସଂଶୋଧନ କାର୍ଯ୍ୟକ୍ରମ ଚାଲିଛି।ଏହି କାର୍ଯ୍ୟକ୍ରମ ଅନ୍ତର୍ଗତ ବିଷମକଟକ ବ୍ଲକର ନିୟମଗିରି ପାହାଡ଼ ଅଞ୍ଚଳରେ ବସବାସ କରୁଥିବା ଡୋଙ୍ଗରିଆ କନ୍ଧ ସମ୍ପ୍ରଦାୟଙ୍କ ନିକଟରେ ପହଞ୍ଚି ଏନ୍ୟୁମେରେସନ ଫର୍ମ ବଣ୍ଟନ କରାଯାଇଛି। ସମାଜର ପ୍ରତ୍ୟେକ ବର୍ଗର ଯୋଗ୍ୟ ମତଦାତାଙ୍କୁ ଭୋଟର ତାଲିକା ସଂଶୋଧନ ପ୍ରକ୍ରିୟାରେ ସାମିଲ କରିବା ଲକ୍ଷ୍ୟରେ ଆଜି ଏଇଆରଓ-କମ୍-ବିଡିଓ ଶିବ ପ୍ରସାଦ ପଟ୍ଟନାୟକ, ଜିପିଡିଓ ସୁଦୀପ କୃଷ୍ଣ ବେହେରା, ବିଏଲଓ ସୁପରଭାଇଜର ହରିଦାସ ବାଧ୍ରା ଏବଂ ପାର୍ଟ ନଂ–୯୩ ଓ ୯୪ର ବୁଥ ସ୍ତରୀୟ ଅଧିକାରୀ ଉମେଶ ପେଦେଣ୍ଡି ଓ ଭୀମ କୌଶଲ୍ୟା ନିୟମଗିରିର ଦୁର୍ଗମ ବସତିଗୁଡ଼ିକ ପରିଦର୍ଶନ କରିଥିଲେ।ପରିଦର୍ଶନ ସମୟରେ ଯୋଗ୍ୟ ମତଦାତାଙ୍କୁ ଏନ୍ୟୁମେରେସନ ଫର୍ମ ବଣ୍ଟନ କରାଯିବା ସହ ସ୍ୱତନ୍ତ୍ର ନିବିଡ଼ ସଂଶୋଧନ କାର୍ଯ୍ୟକ୍ରମ ସମ୍ପର୍କରେ ସଚେତନ କରାଯାଇଥିଲା। ଦୁର୍ଗମ ଭୌଗୋଳିକ ପରିସ୍ଥିତି ସତ୍ତ୍ୱେ କୌଣସି ଯୋଗ୍ୟ ମତଦାତା ଯେପରି ଏହି ପ୍ରକ୍ରିୟାରୁ ବାଦ ପଡ଼ିବେ ନାହିଁ, ସେଥିପାଇଁ ପ୍ରଶାସନ ପକ୍ଷରୁ ସମସ୍ତ ପ୍ରୟାସ ଜାରି ରହିଛି।ରାୟଗଡା ଜିଲ୍ଲା ପ୍ରଶାସନର ଏହି ସ୍ୱିପ୍ (SVEEP) ପଦକ୍ଷେପ ମାଧ୍ୟମରେ ଆଦିବାସୀ ଓ ପିଭିଟିଜି ସମ୍ପ୍ରଦାୟ ସମେତ ସମାଜର ସମସ୍ତ ବର୍ଗଙ୍କୁ ନିର୍ବାଚନ ପ୍ରକ୍ରିୟାରେ ସକ୍ରିୟ ଭାବେ ସାମିଲ କରିବା ଦିଗରେ ଏକ ଉଲ୍ଲେଖନୀୟ ପ୍ରୟାସ କରାଯାଇଛି। ଏହା ମାଧ୍ୟମରେ ଦୁର୍ଗମ ଅଞ୍ଚଳର ଲୋକମାନେ ମଧ୍ୟ ନିଜର ଗଣତାନ୍ତ୍ରିକ ଅଧିକାର ସମ୍ପର୍କରେ ସଚେତନ ହୋଇ ଭୋଟର ତାଲିକାରେ ନାମ ଅନ୍ତର୍ଭୁକ୍ତି ଓ ସଂଶୋଧନ ପ୍ରକ୍ରିୟାରେ ସାମିଲ ହେବାର ସୁଯୋଗ ପାଉଛନ୍ତି।