Odisha Janamata : ଖୋର୍ଦ୍ଧା ଜିଲ୍ଲା କର୍ମଜୀବି ସାମ୍ବାଦିକ ସଙ୍ଘ ର ପ୍ରତିବାଦ ପରେ ପୂର୍ବ ନିଷ୍ପତିକୁ ପ୍ରତ୍ୟାହାର କଲା ଜିଲ୍ଲା ପ୍ରଶାସନ ||

ଖୋର୍ଦ୍ଧା ଜିଲ୍ଲା କର୍ମଜୀବି ସାମ୍ବାଦିକ ସଙ୍ଘ ର ପ୍ରତିବାଦ ପରେ ପୂର୍ବ ନିଷ୍ପତିକୁ ପ୍ରତ୍ୟାହାର କଲା ଜିଲ୍ଲା ପ୍ରଶାସନ ||

19-Mar-2026

ସମ୍ମିଳିତ କର୍ମଜୀବି ସାମ୍ୱାଦିକ ସଂଘ ଖୋର୍ଦ୍ଧା ଜିଲ୍ଲା ଶାଖା ର ତୀବ୍ର ବିରୋଧ ପରେ ପୂର୍ବ ନିଷ୍ପତି କୁ ପ୍ରତ୍ୟାହାର କଲା ଜିଲ୍ଲା ପ୍ରଶାସନ,

ଓଡିଶା ଜନମତ, ଖୋର୍ଦ୍ଧା, ଗୋପାଳ କୃଷ୍ଣ ପ୍ରଧାନ,

କିଛି ଅସାମାଜିକ ଙ୍କ ଏକ ପତ୍ର କୁ ତର୍ଜମା ନକରି ଜିଲ୍ଲା ପ୍ରଶାସନ ଏବଂ ଜିଲ୍ଲା ସୁଚନା ଓ ଲୋକସମ୍ପର୍କ ଅଧିକାରୀ ସମ୍ମିଳିତ କର୍ମଜୀବୀ ସାମ୍ବାଦିକ ସଙ୍ଘ (ଓ.ୟୁ.ଡବ୍ଲୁ.ଜେ) ଖୋର୍ଦ୍ଧା ଜିଲ୍ଲା ଶାଖା ସଭାପତି ପ୍ରକାଶ କୁମାର ହାତୀ ଙ୍କ କାର୍ଯ୍ୟଶୈଳୀ ଓ ସ୍ୱଚ୍ଛତା ଉପରେ ଉଠାଇଥିବା ପ୍ରଶ୍ନ କୁ ସଂଘ ତରଫରୁ ତୀବ୍ର ବିରୋଧ କରଯାଇଥିଲା । ଏହା ବିରୋଧରେ ଆଜି ଏକ ପ୍ରତିବାଦ ସଭା ଖୋର୍ଦ୍ଧା ସାମ୍ୱାଦିକ ଭବନ ଠାରେ ଅନୁଷ୍ଠିତ ହୋଇଥିଲା । ବୈଠକ ରେ ଖୋର୍ଦ୍ଧା ଜିଲ୍ଲା ର ଟାଙ୍ଗି, ବାଣପୁର, ଚିଲିକା, ବୋଲଗଡ, ବେଗୁନିଆ, ଜଟଣୀ, ଭୁବନେଶ୍ୱର ପ୍ରଭୃତି ଅଂଚଳ ସମେତ ପୁରୀ , କଟକ, ଯାଜପୁର, ନୟାଗଡ ଜିଲ୍ଲାରୁ ବହୁ ସଂଖ୍ୟାରେ ସଂଘର ସଦସ୍ୟମାନେ ଏକତ୍ରିତ ହୋଇ ଜିଲ୍ଲା ପ୍ରସାଶନ ର ମନମୁଖୀ କାର୍ଯ୍ୟକୁ ତୀବ୍ର ବିରୋଧ କରିବା ସହିତ, ନିଷ୍ପତି ର ପୁନର୍ବିଚାର ନ କରାଗଲେ ଆଗାମୀ ଦିନରେ ଏହା ତୀବ୍ର ରୂପ ଧାରଣ କରିବ ବୋଲି ଜିଲ୍ଲା ପ୍ରଶାସନ କୁ ଚେତାବନୀ ଦେଇଥିଲେ ।ପରେ ଜିଲ୍ଲା ସୂଚନା ଓ ଲୋକ ସମ୍ପର୍କ କାର୍ଯ୍ୟାଳୟ ଠାରୁ ଜିଲ୍ଲା ପ୍ରଶାସନ ର ମନମୁଖୀ କାର୍ଯ୍ୟ ପ୍ରତିବାଦରେ ଶୋଭାଯାତ୍ରାରେ ଜିଲ୍ଲାପାଳଙ୍କ କାର୍ଯ୍ୟାଳୟ ପର୍ଯ୍ୟନ୍ତ ଯାଇଥିଲେ । ଜିଲ୍ଲାପାଳଙ୍କ କାର୍ଯ୍ୟାଳୟ ସମ୍ମୁଖରେ ଧାରଣା ଦେଇ ପ୍ରତିବାଦ କରିଥିଲେ । ଏଥିରେ ସର୍ବଭାରତୀୟ ସମ୍ମିଳିତ କର୍ମଜୀବୀ ସାମ୍ବାଦିକ ସଙ୍ଘ ସଭାପତି ଡ. ପୀତବାସ ମିଶ୍ର, ସମ୍ମିଳିତ କର୍ମଜୀବୀ ସାମ୍ବାଦିକ ସଙ୍ଘ ରାଜ୍ୟ ସଭାପତି ଭାଗବତ ତ୍ରିପାଠୀ, ରାଜ୍ୟ ସଂଗଠନ ସମ୍ପାଦକ ଅର୍ଜ୍ଜୁନ ମୁଦୁଲି ପ୍ରମୁଖ ଖୋର୍ଦ୍ଧା ଜିଲ୍ଲା ପ୍ରଶାସନ ର ଏହି ନିଷ୍ପତି ବିରୁଦ୍ଧରେ ସ୍ୱର ଉତୋଳନ କରିବା ସହିତ ଜିଲ୍ଲା ପ୍ରଶାସନ ତାର ନିଷ୍ପତି ର ପୁନର୍ବିଚାର କରିବାକୁ ଦାବୀ କରିଥିଲେ । ଏଥିସହିତ ଖୋର୍ଦ୍ଧା ଜିଲ୍ଲା ପ୍ରେସ କ୍ଲବ ପକ୍ଷରୁ ସଭାପତି ଶୁଭ୍ରାଂଶୁ ରଞ୍ଜନ ସାମନ୍ତରାୟ ସେଠାରେ ଉପସ୍ଥିତ ରହି ଘଟଣା କୁ ଦୃଢ଼ ନିନ୍ଦା କରିଥିଲେ । ଜିଲ୍ଲାପାଳଙ୍କ ଅନୁପସ୍ଥିତି ରେ ଧାରଣାସ୍ଥଳ ରେ ଅତିରିକ୍ତ ଜିଲ୍ଲାପାଳ ପ୍ରତାପ ଚନ୍ଦ୍ର ବେଉରା ପହଁଚି ଧାରଣା ରେ ବସିଥିବା ସଂଘ ସମସ୍ତ କର୍ମକର୍ତା ଏବଂ ସଦସ୍ୟ ମାନଙ୍କ ସହିତ ଆଲୋଚନା କରିବା ପରେ ଜିଲ୍ଲା ପ୍ରଶାସନ ତାର ପୂର୍ବ ନିଷ୍ପତି କୁ ଏକ ଲିଖିତ ପତ୍ର ମାଧ୍ୟମ ରେ ପ୍ରତ୍ୟାହାର କରିବାରେ ପରିସ୍ଥିତି ଶାନ୍ତ ପଡିଥିଲା । ପ୍ରକାଶ ଥାଉକି,କିଛି ଅସାମାଜିକ ତତ୍ୱଙ୍କ ଏକ ପତ୍ର କୁ ତର୍ଜମା ନକରି ଜିଲ୍ଲା ପ୍ରଶାସନ ଏବଂ ଜିଲ୍ଲା ସୁଚନା ଓ ଲୋକସମ୍ପର୍କ ଅଧିକାରୀ ସମ୍ମିଳିତ ଓ.ୟୁ.ଡବ୍ଲୁ.ଜେ ଖୋର୍ଦ୍ଧା ଜିଲ୍ଲା ଶାଖା ସଭାପତିଙ୍କ କାର୍ଯ୍ୟଶୈଳୀ ଓ ସ୍ୱଚ୍ଛତା ଉପରେ ପ୍ରଶ୍ନ ଉଠାଇ ବିଭିନ୍ନ ବିଭାଗ କୁ ଭିତିହୀନ ଚିଠି କରିଥିଲେ । ଯାହାକୁ ସଂଘ ଗୁରୁତର ସହ ଗ୍ରହଣ କରିଥିଲା । ଏ ସମ୍ପର୍କ ରେ ଜିଲ୍ଲା ଶାଖା ପକ୍ଷରୁ ଆଇ.ଓ.ଡବ୍ଲୁ.ଜେ.ସର୍ବଭାରତୀୟ ସଭାପତି, ରାଜ୍ୟ ସଭାପତି, ରାଜ୍ୟ ସାଧାରଣ ସମ୍ପାଦକ, ରାଜ୍ୟ ସଂଗଠନ ସମ୍ପାଦକ ଙ୍କ ଦୃଷ୍ଟି ଆକର୍ଷଣ କରାଯାଇଥିଲା । ସଂଘ ପକ୍ଷରୁ ଏହି ଘଟଣା କୁ ଗୁରୁତ୍ୱର ସହ ନିଆଯାଇ ଜିଲ୍ଲାପାଳ ଏବଂ ଜିଲ୍ଲା ସୁଚନା ଓ ଲୋକ ସମ୍ପର୍କ ଅଧିକାରୀ ଙ୍କ ନିକଟରେ ଦୃଢ଼ ପ୍ରତିବାଦ କରାଯିବା ସହିତ ଘଟଣା ସମ୍ପର୍କ ରେ ପୁଙ୍ଖାନୁପୁଙ୍ଖ ଭାବରେ ତର୍ଜମା ନକରି ଅତି ତରବରିଆ ଭାବେ ନିଆଯାଇଥିବା ନିଷ୍ପତି ର ପ୍ରତ୍ୟାହାର କରିବା ନିମନ୍ତେ ଦାବୀ ଉପସ୍ଥାପନ କରଯାଇଥିଲା । ଘଟଣା ସମ୍ପର୍କ ରେ ଅବଗତ ହେବା ପରେ ରାଜ୍ୟସାରା ବିଭିନ୍ନ ଜିଲ୍ଲା ରେ ପ୍ରତିବାଦ ର ସ୍ୱର ଉଠିଥିଲା ।