09-Jan-2026

ଜିଲ୍ଲା ଶିକ୍ଷା ଓ ପ୍ରଶିକ୍ଷଣ ପ୍ରତିଷ୍ଠାନରେ ଦ୍ୱିଦିବସୀୟ ପାଠଚକ୍ର ଶୁଭୋଦ୍ଘାଟିତ

ଦକ୍ଷତା ଭିତ୍ତିକ ଶିକ୍ଷାଦାନ ସମୃଦ୍ଧିରେ ଅଭିନବ ଶିକ୍ଷଣ ଶୈଳୀର ଭୂମିକା ଗୁରୁତ୍ୱପୂର୍ଣ୍ଣ

ଅଭିନବ ଶୈକ୍ଷିକ ଅଭ୍ୟାସ ହିଁ ଶିକ୍ଷଣ ଦକ୍ଷତା ଅଭିବୃଦ୍ଧିରେ ସହାୟକ ହେବା ସହିତ ଶିକ୍ଷଣ ପ୍ରକ୍ରିୟାକୁ ପ୍ରଭାବିତ କରିଥାଏ । ଏହି ପରିପ୍ରେକ୍ଷୀରେ ଏକ ଦୁଇ ଦିବସୀୟ ଜିଲ୍ଲା ସ୍ତରୀୟ ପାଠଚକ୍ର ଜିଲ୍ଲା ଶିକ୍ଷା ଓ ପ୍ରଶିକ୍ଷଣ ପ୍ରତିଷ୍ଠାନ, ଗଂଜାମ, ଖଲ୍ଲିକୋଟ ଠାରେ ଆଜି ଶୁଭ ଉଦଘାଟିତ ହୋଇଯାଇଛି । ଆଜି ଆୟୋଜିତ ଉଦ୍ଘାଟନୀ ଉତ୍ସବରେ ସର୍ବ ପ୍ରଥମେ ଜଗତର ନାଥ ଶ୍ରୀଜଗନ୍ନାଥଙ୍କ ପ୍ରତିମୂର୍ତ୍ତି ନିକଟରେ ପ୍ରଦୀପ ପ୍ରଜ୍ଜ୍ୱଳନ ପରେ ବେଲଗୁଣ୍ଠା ବ୍ଲକର ସି ଆର ସି ସି ଛାୟାକାନ୍ତ ମହାପାତ୍ର ଶ୍ଳୋକ ଉଚ୍ଚାରଣ କରିଥିଲେ । ପ୍ରତିଷ୍ଠାନର ଗୁରୁ ଛାତ୍ରୀ ସମୂହ ସମବେତ କଣ୍ଠ ସଂଗୀତ ପରିବେଷଣ କରିଥିଲେ ।ପ୍ରତିଷ୍ଠାନର ଅଧ୍ୟକ୍ଷ ତଥା ବିଶିଷ୍ଟ ଶିକ୍ଷାବିତ୍ ଡକ୍ଟର ସନ୍ତୋଷ କୁମାର ପରିଡା ପାଠଚକ୍ର ସମ୍ପର୍କିତ ଅଭିଭାଷଣ ପ୍ରଦାନ କରିଥିଲେ । ନିଉଜ ଲେଟର "ଏଜୁ ଭିଷ୍ଟା"ର ଶୁଭ ଉନ୍ମୋଚନ କରିଥିଲେ ଅତିଥିମାନେ । ପ୍ରଥମ ଦିବସର କାର୍ଯ୍ୟକ୍ରମରେ ଆର୍ ଆଇ ଇ, ଭୋପାଳର ପ୍ରାକ୍ତନ ଅଧ୍ୟକ୍ଷ ତଥା ଓ ସି ଏଫର ଅଧ୍ୟକ୍ଷ ପ୍ରଫେସର ନିତ୍ୟାନନ୍ଦ ପ୍ରଧାନ ମୁଖ୍ୟ ଅତିଥି, ଜିଲ୍ଲା ଏ ଡି ଏମ୍ ସୁନୀଲ୍ କୁମାର କେରକେଟା ସମ୍ମାନୀତ ଅତିଥି, ଅତିରିକ୍ତ ଶିକ୍ଷା ଜିଲ୍ଲା ଅଧିକାରୀ ଶ୍ରୀମତୀ ପ୍ରଭାତୀ କୁମାରୀ ମହାପାତ୍ର ସମ୍ମାନୀତ ଅତିଥି, ଡି ପି ଆଇ ଏ ଏସ ଇର ଶିକ୍ଷା ବିଭାଗ ପ୍ରଫେସର ଡକ୍ଟର ଦେବେନ୍ଦ୍ର କୁମାର ସେଠୀ ସ୍ୱତନ୍ତ୍ର ଅତିଥି, ବର୍ତ୍ତମାନର ଅଧ୍ୟକ୍ଷ ଡକ୍ଟର ମନୋଜ କୁମାର ପ୍ରଧାନ ମୁଖ୍ୟ ବକ୍ତା, ଶିକ୍ଷକ ପ୍ରଶିକ୍ଷିକା ତଥା ପାଠଚକ୍ର ସଂଯୋଜିକା ସୁଶ୍ରୀ ଗାୟତ୍ରୀ ସ୍ୱାଇଁ ପ୍ରମୁଖ ଅତିଥି ଭାବେ ଯୋଗଦାନ କରି ତୃଣମୂଳ ସ୍ତରରେ ଦକ୍ଷତା ଆଧାରିତ ଶିକ୍ଷଣ ପଦ୍ଧତି, ପ୍ରତ୍ୟେହ ନୂଆ ନୂଆ ଅଭିନବ ଶୈକ୍ଷିକ ଅଭ୍ୟାସ, ଶିକ୍ଷଣ ଦକ୍ଷତା ବୃଦ୍ଧିରେ ଭାଷା ଜନିତ ସମସ୍ୟା, ସଂକଟ, କାର୍ଯ୍ୟ ଆରମ୍ଭ କରି ଶିଖିବା, ଅଭିଜ୍ଞତାରୁ ଶିଖିବା, ଶିକ୍ଷଣ କଳା କଉଶଳ, ଶିକ୍ଷାର୍ଥୀଙ୍କ ମାନସିକତା ଉପଲବ୍ଧି, ବୃହତ୍ତର ଲକ୍ଷ୍ୟ ଆଭିମୁଖ୍ୟ ହାସଲରେ ଶିକ୍ଷକ ଙ୍କ ଗୁରୁତ୍ୱପୂର୍ଣ୍ଣ ଭୂମିକା, ଶିକ୍ଷଣରେ କିଛି ଭିନ୍ନ ସ୍ୱତନ୍ତ୍ର ଯାହାକି ଶିକ୍ଷଣ ଉପଯୋଗୀ, ବିଦ୍ୟାଳୟ ସ୍ତରରେ ଅଭିନବ ଶିକ୍ଷଣ କଉଶଳର କାର୍ଯ୍ୟକାରିତା, ପୂର୍ବ ଅଭିଜ୍ଞତା ଅନୁଭୂତିକୁ ନୂଆ ସହିତ ଯୋଡ଼ିବା,  ଗୁରୁ ପରମ୍ପରା ଆଦି ବହୁବିଧ ଦିଗ ସମ୍ପର୍କରେ ବକ୍ତବ୍ୟ ପ୍ରଦାନ କରିଥିଲେ ।
ପ୍ରଥମ ଦିବସର ଦ୍ଵିତୀୟ ଅଧିବେଶନରେ ବେଗୁନିଆ ପଡ଼ା ବ୍ଲକର ଶିକ୍ଷକ ଦୀପକ ଜେନା, ବେଲଗୁଣ୍ଠା ବ୍ଲକରୁ ସୁନେଲି ସ୍ୱାଇଁ, 
ଭଞ୍ଜନଗର ବ୍ଲକରୁ ରମେଶ ଚନ୍ଦ୍ର ବେହେରା, ବୁଗୁଡ଼ା ବ୍ଲକରୁ
ସୁଶ୍ରୀ ସୁସମିତା ସାହୁ, ଛତ୍ରପୁର ବ୍ଲକରୁ ତୁଳସୀରାମ ମେହେର, ଦିଗପହଣ୍ଡି ବ୍ଲକରୁ ବଳରାମ ବେହେରା, ଧରାକୋଟ ବ୍ଲକରୁ
ସୁଧାକର ସ୍ୱାଇଁ, ଗଞ୍ଜାମ ବ୍ଲକରୁସିଦ୍ଧାନ୍ତ କୁମାର ପ୍ରଧାନ ପ୍ରମୁଖ ଗବେଷଣାତ୍ମକ ସନ୍ଦର୍ଭ ଉପସ୍ଥାପନ କରିଥିଲେ । 
ଅନୁଷ୍ଠିତ ପାଠଚକ୍ରରେ ଗଂଜାମ ଜିଲ୍ଲାର ୨୨ ଗୋଟି ବ୍ଲକର ଏ ବି ଇ ଓ, ସି ଆର୍ ସି ସି, ଶିକ୍ଷକ ବହୁ ସଂଖ୍ୟାରେ ଉପସ୍ଥିତ ଥିଲେ । କାର୍ଯ୍ୟକ୍ରମକୁ ଶିକ୍ଷକ ପ୍ରଶିକ୍ଷକ ନବୀନ କୁମାର ପ୍ରମାଣିକ, ଜିତେନ୍ଦ୍ର କୁମାର ପଣ୍ଡା ସଂଯୋଜନା କରିଥିବା ବେଳେ ବରିଷ୍ଠ ଶିକ୍ଷକ ପ୍ରଶିକ୍ଷକ ବିଷ୍ଣୁ ନାରାୟଣ ଜେନା, ମୁକ୍ତିକାନ୍ତ ବେହେରା, ସୁକୁଲେଇ ଟୁଡୁ, ଶିକ୍ଷକ ପ୍ରଶିକ୍ଷିକା ଲିପି ଶ୍ରୀ ଦେବୀ, ଡ. ନୀହାରିକା ସାମନ୍ତରାୟ, ପ୍ରଜ୍ଞା ପାରମିତା, କଲ୍ୟାଣୀ କୁମାରୀ 
ଗୈ।ଡ଼, ସୁଶ୍ରୀ ଗାୟତ୍ରୀ ସ୍ୱାଇଁ, ଜୟନ୍ତୀ ବେହେରା, ବବିତା ସିଂ ନାୟକ, ଅନୁପମା ଦାସ ପ୍ରମୁଖ ଉପସ୍ଥିତ ଥିଲେ ‌।ପ୍ରତିଷ୍ଠାନର ବରିଷ୍ଠ ସେକ୍ସନ ଅଧିକାରୀ ପ୍ରବେଶ କୁମାର ପଟ୍ଟନାୟକ, କନିଷ୍ଠ କିରାଣୀ ଆଶିଷ ରଞ୍ଜନ ସେଠୀ, କମ୍ପ୍ୟୁଟର ସହାୟକ ମନୋରଞ୍ଜନ ବାରିକ, ନିରୂପମା ପ୍ରଧାନଙ୍କ ସମେତ କର୍ମଚାରୀ ଜୟ ଶଙ୍କର ଗୈ।ଡ଼, ସୁକାନ୍ତି ସେଠୀ, ଚନ୍ଦ୍ର ନାୟକ ପାଠଚକ୍ର ସମ୍ପାଦନାରେ ସହାୟତା କରିଥିଲେ ।