Odisha Janamata : ବିଜାପୁର ସୁକୁମା ଅଞ୍ଚଳରେ ସୁରକ୍ଷା ବାହିନୀଙ୍କ ଏନ କାଉଣ୍ଟର ରେ 14ନକ୍ସଲ ନିପାତ |

ବିଜାପୁର ସୁକୁମା ଅଞ୍ଚଳରେ ସୁରକ୍ଷା ବାହିନୀଙ୍କ ଏନ କାଉଣ୍ଟର ରେ 14ନକ୍ସଲ ନିପାତ |

04-Jan-2026

ସୁରକ୍ଷାକର୍ମୀଙ୍କୁ ବଡ଼ ସଫଳତା, ବିଜାପୁର ସୁକୁମା ସୀମାରେ ଏନକାଉଣ୍ଟରରେ ୧୪ ନକ୍ସଲ ନିପାତ୍,

ଓଡିଶା ଜନ ମତ ବ୍ୟୁରୋ,

ବର୍ତ୍ତମାନ ମାଓ ଗଡ଼ ଭୁଶୁଡି ଯାଉଛି | କେତେକ ସ୍ଥାନରେ ମାଓବାଦୀ ମାନେ ଅହିଂସା ରାସ୍ତା କୁ ଛାଡ଼ି ସାମାଜିକ ସ୍ରୋତ ରେ ଏସପି କିମ୍ବା ଡିଜିଙ୍କ ପାଖରେ ଆତ୍ମ ସମର୍ପଣ କରୁଛନ୍ତି | ବାକି ଯେଉଁସବୁ ସ୍ଥାନରେ ମାଓବାଦୀ ମାନେ ସକ୍ରିୟ ହେଉଛନ୍ତି ସେମାନଙ୍କୁ ଦୃଢ଼ ହସ୍ତରେ ଦମନ କରିବାକୁ କେନ୍ଦ୍ର ଗୃହ ମନ୍ତ୍ରୀ ଅମିତ ସାହା ନିର୍ଦେଶ ଦେଇଛନ୍ତି | ଏବଂ ତାହାକୁ କାର୍ଯ୍ୟକାରୀ କରୁଛନ୍ତି ସୁରକ୍ଷା ବାହିନୀ | ତେବେ ଛତିଶଗଡ଼ର ବିଜାପୁର ଏବଂ ସୁକମା ଜିଲ୍ଲା ସୀମାନ୍ତ ଅଞ୍ଚଳରେ ମାଓବାଦୀଙ୍କ ବିରୋଧରେ ସୁରକ୍ଷା ବାହିନୀକୁ ଏକ ବଡ଼ ଧରଣର ସଫଳତା ମିଳିଛି । ଡିଆରଜି ଏବଂ ସୁରକ୍ଷା ବାହିନୀର ମିଳିତ ଅଭିଯାନରେ ଦୁଇଟି ପୃଥକ ମୁହାଁମୁହିଁ ଏନକାଉଣ୍ଟରରେ ବିଜାପୁର ରୁ ୨ ଓ ସୁକମାରୁ ୧୨ ଜଣ ମୋଟ ୧୪ ଜଣ ନକ୍ସଲ ନିହତ ହୋଇଛନ୍ତି। ଘଟଣା ସ୍ଥଳରୁ ବିପୁଳ ପରିମାଣର ଅସ୍ତ୍ରଶସ୍ତ୍ର ଜବତ କରାଯାଇଛି । ଏହି ଏନକାଉଣ୍ଟରରେ କୋଣ୍ଟା ଏରିଆ କମିଟିର ମୁଖ୍ୟ କମାଣ୍ଡର ସଚିନ ମଙ୍ଗକୁ ନିହତ ହୋଇଥିବା ସୂଚନା ମିଳିଛି । ସଚିନ ମଙ୍ଗକୁ ପୋଲିସ ପାଇଁ ଜଣେ ଦୁର୍ଦ୍ଦାନ୍ତ ଅପରାଧୀ ଥିଲା ଏବଂ ସେ ପୂର୍ବରୁ ଏସପି ଆକାଶ ରାଓ ଗିରପୁଞ୍ଜଙ୍କ ହତ୍ୟାକାଣ୍ଡରେ ସିଧାସଳଖ ସାମିଲ ଥିଲା । ତା`ର ମୃତ୍ୟୁ ଫଳରେ ସେହି ଅଞ୍ଚଳରେ ନକ୍ସଲ ସଙ୍ଗଠନକୁ ଏକ ବଡ଼ ଝଟକା ଲାଗିଛି। ଘଟଣା ପରେ ବିଜାପୁର ଏବଂ ଆଖପାଖ ବଜାର ଅଞ୍ଚଳରେ ସୁରକ୍ଷା ବ୍ୟବସ୍ଥାକୁ ଅତ୍ୟନ୍ତ କଡ଼ାକଡ଼ି କରାଯାଇଛି । ଜିଲ୍ଲା ଏସପି ସ୍ତରରୁ ଏହି ସମ୍ପୂର୍ଣ ଅପରେସନ ଏବଂ ସୁରକ୍ଷା ସ୍ଥିତି ଉପରେ କଡ଼ା ନଜର ରଖାଯାଇଛି । ସ୍ଥାନୀୟ ଲୋକଙ୍କ ସୁରକ୍ଷାକୁ ଦୃଷ୍ଟିରେ ରଖି ପୋଲିସ ସବୁଠାରେ ପାଟ୍ରୋଲିଂ ବଢ଼ାଇ ଦେଇଛି, ଏବଂ କୌଣସି ପ୍ରକାରର ଅଘଟଣକୁ ଏଡ଼ାଇବା ପାଇଁ ସୁରକ୍ଷା ବାହିନୀ ସମ୍ପୂର୍ଣ ସତର୍କ ଅଛନ୍ତି । ହୁଏତ ଆଉକିଛି ବର୍ଷ ପରେ ମାଓ ବାଦୀ ସଂଘଟନ ଗୁଡିକ ଲୋପ ପାଇଯିବ ସୁରକ୍ଷା ବାହିନୀ ର ମିଳିତ ଅପରସନ ରେ |