Odisha Janamata : ବୌଦ୍ଧ ଚକ୍ର ପ୍ରଜ୍ଞା ପାରିଜାତ ସମ୍ନାନରେ ସମ୍ବର୍ଦ୍ଧିତ ହେଲେ ଯୁବ କବି ତଥା ସାହିତ୍ୟିକ ଡକ୍ଟର ଦ୍ୱାରିକା ନାଥ ମହାରଣା |

ବୌଦ୍ଧ ଚକ୍ର ପ୍ରଜ୍ଞା ପାରିଜାତ ସମ୍ନାନରେ ସମ୍ବର୍ଦ୍ଧିତ ହେଲେ ଯୁବ କବି ତଥା ସାହିତ୍ୟିକ ଡକ୍ଟର ଦ୍ୱାରିକା ନାଥ ମହାରଣା |

10-Dec-2025

ଯୁବ କବି ତଥା ସାହିତ୍ୟିକ ଡକ୍ଟର ଦ୍ବାରିକାନାଥ ମହାରଣା ବୌଦ୍ଧଚକ୍ର ପ୍ରଜ୍ଞା ପାରିଜାତ ସମ୍ମାନରେ ସମ୍ବର୍ଦ୍ଧିତ

ନୀଳଚକ୍ର ସାହିତ୍ୟ ସଂସଦ, ବୌଦ୍ଧଚକ୍ର ଓ ଭାବ ସମ୍ରାଟ ପକ୍ଷରୁ ବୌଦ୍ଧ ସ୍ଥିତ ପାରିଜାତ ପେଲେସ୍ ଠାରେ ଆୟୋଜିତ ସପ୍ତମ ବାର୍ଷିକ ଉତ୍ସବ ଓ ସାରସ୍ୱତ ସମାରୋହ-୨୦୨୫ ଅବସରରେ ଗଂଜାମ ଜିଲ୍ଲା ଖଲ୍ଲିକୋଟ ଅନ୍ତର୍ଗତ କଳା କାରିଗରୀ ସମ୍ପନ୍ନ ଫାସୁଳା ଗ୍ରାମରେ ଜନ୍ମିତ ଯୁବ କବି, ପ୍ରାବନ୍ଧିକ, ସାହିତ୍ୟ ଆଲୋଚକ ଡକ୍ଟର ଦ୍ବାରିକାନାଥ ମହାରଣା ସମ୍ପ୍ରତି "ବୌଦ୍ଧଚକ୍ର ପ୍ରଜ୍ଞା ପାରିଜାତ ସମ୍ମାନ"ରେ ସମ୍ବର୍ଦ୍ଧିତ ହୋଇଅଛନ୍ତି । ଏହି ସମ୍ବର୍ଦ୍ଧନା ପ୍ରଦାନ କରୁଅଛନ୍ତି ବିଶିଷ୍ଟ ସାହିତ୍ୟ ସମାଲୋଚକ, ପ୍ରାବନ୍ଧିକ ପ୍ରଫେସର ଡକ୍ଟର କୃଷ୍ଣଚନ୍ଦ୍ର ପ୍ରଧାନ । ଡକ୍ଟର ମହାରଣା ପେଶାରେ ଶିକ୍ଷକ ହେଲେହେଁ ବିଦ୍ୟାଳୟ ପଠନ ସମୟରୁ ସାହିତ୍ୟ ର ବିଭିନ୍ନ ବିଭାଗ ଯଥା କବିତା, ଗଳ୍ପ , ଆଲୋଚନା, ପ୍ରବନ୍ଧ, ଫିଚର, ଶିଶୁ ସାହିତ୍ୟ ଆଦି କ୍ଷେତ୍ରରେ ସ୍ୱତନ୍ତ୍ର ପାରଦର୍ଶିତା ହାସଲ ସହିତ ବହୁ ଖବରକାଗଜରେ ସ୍ତମ୍ଭକାର ଭାବେ ଲେଖନୀ ଚାଳନା କରିଆସୁଛନ୍ତି । ତାହାଙ୍କ ରଚିତ "ସୁବୋଧ ବିଜ୍ଞାନ ଜ୍ୟୋତି", "ମୁକ୍ତିପଥେ କବିତା", "କବି ନିରଞ୍ଜନ ପାଢ଼ୀଙ୍କ କବିତାରେ ମୃତ୍ୟୁ ଚେତନା", "ସମାକୋଇର ସ୍ୱପ୍ନ ଓ କବି ନିରଞ୍ଜନ ପାଢୀ-ଏକ ଅଧ୍ୟୟନ" ଆଦି ପୁସ୍ତକ ରଚନା କରିଛନ୍ତି । ଅଗଣିତ ପାଠକ ମହଲରେ ପତ୍ର ପତ୍ରିକା ଆଦିରେ ପ୍ରକାଶିତ ଲେଖା ବେଶ୍ ଆଦୃତି ଲାଭ କରିଛି । ଓଡ଼ିଆ ସାହିତ୍ୟ ପ୍ରତି ତାହାଙ୍କ ଅବଦାନ ପାଇଁ ତାଙ୍କୁ ଏ ସମ୍ମାନ ପ୍ରାପ୍ତ ହୋଇଛି । ଏତଦ୍ ବ୍ୟତୀତ ପୂର୍ବରୁ ପ୍ରଗତି ସାହିତ୍ୟ ସଂସଦ, ବଡକୂଳ (ବାଲୁଗାଁ), ଭରସା ଅନୁଷ୍ଠାନରୁ "ଗଞ୍ଜାମ ଜ୍ୟୋତି", ବିକ୍ଷିପ୍ତା ସାହିତ୍ୟ ପ୍ରତିଷ୍ଠାନ, ବୁଗୁଡ଼ା ଆଦି ଅନେକ ଅନୁଷ୍ଠାନରୁ ସମ୍ବର୍ଦ୍ଧିତ ହୋଇଅଛନ୍ତି ।
ସମ୍ବର୍ଦ୍ଧିତ ଉତ୍ସବ ସ୍ଥଳରେ ଉପସ୍ଥିତ ଅଛନ୍ତି ନୀଳଚକ୍ରର ପ୍ରତିଷ୍ଠାତା ସ୍ୱନାମଧନ୍ୟ ପ୍ରାବନ୍ଧିକ ସାହିତ୍ୟ ଆଲୋଚକ ଇଞ୍ଜିନିୟର ଡକ୍ଟର ସଂଜୟ କୁମାର ପଣ୍ଡା, `ଗୋକର୍ଣ୍ଣିକା`ର ସମ୍ପାଦକ ଡକ୍ଟର ରମାକାନ୍ତ ଜେନା, ସାହିତ୍ୟିକ ଡକ୍ଟର ଲକ୍ଷ୍ମୀନାରାୟଣ ଦାଶଙ୍କ ସମେତ ବହୁ ମାନ୍ୟ ଗଣ୍ୟ ବରେଣ୍ୟ ବ୍ୟକ୍ତି ସବିଶେଷ । ସମସ୍ତଙ୍କୁ ହୃଦୟରୁ କୃତଜ୍ଞତା ସାଧୁବାଦ ପ୍ରଣାମ ଜଣାଉଛି ।